မကွေးတိုင်း၊ စကုမြို့နယ်၊ မကျီးကျောင်းကျေးရွာအနီးက စစ်တပ်ပိုင် Mytel တာဝါတိုင် အောက်တိုဘာ ၆ ရက်န ည ၁၀ နာရီဝန်းကျင်က မီးရှို့ဖျက်ဆီးခံလိုက်ရတယ်လို့ ဒေသခံတွေဆီက သိရပါတယ်။
စကုမြို့နယ် ပြောက်ကျားအင်အားစုတပ်ဖွဲ့ရဲ့ တာဝန်ရှိသူတဦးက “အခု မိုင်တဲလ်တာဝါတိုင် မီးရှို့ဖျက်ဆီးခဲ့တာဟာ ပဏာမအနေနဲ့ လုပ်ဆောင်ခဲ့တာဖြစ်ပါတယ်။ ရှေ့ဆက်ပြီးလည်း အကြမ်းဖက်စစ်ကောင်စီပြုတ်ကျတဲ့အထိ ရတဲ့နည်းနဲ့ ခြေမှုန်းသွားမှာပါ” လို့ ပြောပါတယ်။
ပြီးခဲ့တဲ့ စက်တင်ဘာ ၇ ရက်မှာ NUG အစိုးရက ခုခံတွန်းလှန်စစ်စတင်ကြဖို့ ကြေညာပြီးနောက် နိုင်ငံတဝန်း စစ်တပ်နဲ့ စစ်ခေါင်းဆောင်ရဲ့ မိသားစုအကျိုးစီးပွား ဆက်စပ်လုပ်ကိုင်ထားတဲ့ Mytel ကုမ္ပဏီရဲ့ ဆက်သွယ်ရေးတာဝါတိုင် ၁၂၀ နီးပါး ဖျက်ဆီးခံရပြီး ဖြစ်ပါတယ်။
မကွေးတိုင်း၊ မင်းဘူး စကုမြို့နယ်ထဲမှာ မေလ ၂၈ ရက် မွန်းလွဲပိုင်းက အကြမ်းဖက်စစ်ကောင်စီရဲ့ စစ်ရဟတ်ယာဉ် တစ်စင်း စက်ချို့ယွင်းပြီးတော့ အရေးပေါ်ဆင်းသက်ခဲ့ရတယ်လို့ ဒေသခံတွေဆီကနေ သိရပါတယ်။
“ဒီနေ့မွန်းလွဲ ၂ နာရီလောက်က စကု-ဆင်ခေါင်းလမ်း တောင်မန်းရွာ အနောက်ဘက်က ဦးလှရွှေရဲ့ ငါးကန်နားလေးမှာ အကြမ်းဖက်စစ်ကောင်စီရဲ့ ရဟတ်ယာဉ် စက်ချို့ယွင်း ပြီးတော့ အရေးပေါ် ဆင်သက်ခဲ့ရတယ်” ဒေသခံတစ်ယောက်က ပြောပါတယ်။
အဲဒီရဟတ်ယာဉ်ပေါ်မှာ လူ ၆ ယောက်လိုက်ပါလာပြီး ထိခိုက်ဒဏ်ရာရတာ မရှိပါပေမဲ့ ရဟတ်ယာဉ်ကတော့ ထိခိုက်ပျက်စီးနိုင်တယ်လို့ ဆိုပါတယ်။
အဲဒီနေရာကို စကုနဲ့ ဇီးအိုင်က စစ်တပ်တွေ အင်အားအများအပြားနေရာယူထားတဲ့အတွက် ရွာသားတွေကိုအကပ်မခံသလို ဓာတ်ပုံရိုက်ခွင့် လည်းမရဘူးလို့ သိရပါတယ်။
