close

စကော့ပါကား

close

August 31, 2022

နည်းပြစကော့ပါကားကို ထုတ်ပယ်လိုက်သည့် ဘုန်းမောက်အသင်းပိုင်ရှင်ကို ကလော့ပ်ဝေဖန်

နည်းပြစကော့ပါကားကို ထုတ်ပယ်ခဲ့တဲ့ ဘုန်းမောက်အသင်းပိုင်ရှင်ကို လီဗာပူးနည်းပြ ယာဂန်ကလော့ပ်က ဝေဖန်သွားပါတယ်။

လီဗာပူးအသင်းဟာ စနေနေ့က ကစားခဲ့တဲ့ ပရီးမီးယားလိဂ်ပွဲစဉ်မှာ ဘုန်းမောက်အသင်းကို ၉ ဂိုး ဂိုးမရှိနဲ့ အနိုင်ယူခဲ့တာပါ။

အဲဒီပွဲစဉ်အပြီး ဘုန်းမောက်နည်းပြ စကော့ပါကားကို အသင်းတာဝန်ရှိသူတွေက ရာထူးကနေ ထုတ်ပယ်ခဲ့တာပါ။

အဲဒီအပေါ်မှာ နည်းပြကလော့ပ်က ဝေဖန်သွားခဲ့ပြီး စကော့ပါကား ထုတ်ပယ်ခံရတဲ့သတင်း ကြားအပြီးမှာ မှန်ကန်တဲ့ အသင်းပိုင်ရှင်တွေရှိဖို့ လိုအပ်နေတယ်ဆိုတာကို သိမြင်လာခဲ့ကြောင်း ကလော့ပ်က ပြောပါတယ်။

နော်တင်ဟမ်ဖောရက်နဲ့ ဖူဟမ်တို့လို တခြားတန်းတက်အသင်းတွေက ငွေကြေးအများအပြား အသုံးပြုနေချိန်မှာ ဘုန်းမောက်အသင်းက ငွေကြေးသုံးစွဲမှု သိပ်မရှိတာဟာ နည်းပြတဦးအတွက် ခက်ခဲမှာဖြစ်ပြီး စကော့ပါကားအတွက် စိတ်မကောင်းဖြစ်မိကြောင်း နည်းပြကလော့ပ်က ပြောသွားပါတယ်။

အင်္ဂလန်ကွင်းလယ်လူဟောင်း ပါကားဟာ ဖူဟမ်အသင်းကိုလည်း ကိုင်တွယ်ဖူးပြီး ၂၀၂၁ ခုနှစ် ဇွန်လကမှ ဘုန်းမောက်ကို စတင်တာဝန်ယူခဲ့တာ ဖြစ်ပါတယ်။

3 mins Ago

November 29, 2020

ဖူဟမ်နည်းပြရာထူး လှုပ်ခတ်နေသည့်အပေါ် အသင်းပိုင်ရှင် ဆုံးဖြတ်လိမ့်ဟု စကော့ပါကားပြော

နည်းပြရာထူးကနေ ထုတ်ပယ်ခံရမလားဆိုတာ အသင်းပိုင်ရှင်ကပဲ ဆုံးဖြတ်ရလိမ့်မယ်လို့ ဖူဟမ်နည်းပြ စကော့ပါကားက ပြောပါတယ်။  အင်္ဂလန်ကွင်းလယ်ကစားသမားဟောင်း စကော့ပါကားဟာ မနှစ်တုန်းက ဖူဟမ်အသင်းကို ပရီးမီးယားလိဂ်ဆီ တန်းတက်နိုင်အောင် စွမ်းဆောင်ပေးခဲ့သူပါ။  ပရီးမီးယားလိဂ်မှာတော့ စုစုပေါင်း ၉ ပွဲကစားအပြီးမှာ နိုင်ပွဲတစ်ပွဲသာရသေးပြီး ၇ ပွဲရူံး ၁ ပွဲသရေ ရမှတ် ၄ မှတ်နဲ့ အဆင့် ၁၉ နေရာရောက်နေတာဖြစ်ပါတယ်။  ဖူဟမ်အသင်းပိုင်ရှင် အမေရိကန်သူဌေး ရှာဟစ်ခမ်းဟာ ၂၀၁၃ ခုနှစ်ကနေ လက်ရှိအချိန်အထိ နည်းပြ ၈ ဦးအထိ အပြောင်းအလဲ ပြုလုပ်ခဲ့ဖူးတာပါ။  လက်ရှိရလဒ်ဆိုးတွေနဲ့ ပတ်သက်ပြီးလည်း နည်းပြစကော့ပါကားကို ထုတ်ပယ်နိုင်တယ်လို့ သုံးသပ်မှုတွေရှိလာတာပါ။  ပါကားကတော့ ရာထူးနဲ့ ပတ်သက်လို့ အသင်းပိုင်ရှင်ကသာ ဆုံးဖြတ်နိုင်ပြီး လက်ရှိဆက်ဆံရေးအခြေအနေက အရင်ကအတိုင်း မပြောင်းလဲဘဲ ဆက်ရှိနေတယ်လို့ ပြောပါတယ်။  ဖူဟမ်အသင်းဟာ ဒီဇင်ဘာ ၁ ရက် အင်္ဂါည သန်းခေါင် ၁၂ နာရီ လက်စတာနဲ့ အဝေးကွင်းပွဲကျပ် ကစားရမှာ ဖြစ်ပါတယ်။
2 years Ago
Up