အီတလီနိုင်ငံရဲ့ အထူးလက်ရုံး ရဲတပ်ဖွဲ့က နိုင်ငံမှာ အလိုအရှိဆုံး မာဖီးယားဂိုဏ်းခေါင်းဆောင် တဦးဖြစ်တဲ့ မက်တေရို မက်စီနာ ဒီနာရိုကို ဇန်နဝါရီ ၁၆ ရက်မှာ ဖမ်းဆီးရမိပါတယ်။

မက်စီနာ ဒီနာရိုဟာ ဆယ်စုနှစ် သုံးခုစာလောက် ထွက်ပြေးတိမ်းရှောင်နေတာဖြစ်ပြီး သူ့ကို အရင်က စစ္စလီကျွန်းရဲ့ မြို့တော် ပလာမီယိုမှာ ဖမ်းဆီးထိန်းသိမ်းထားတာပါ။

သူဟာ စစ္စလီကျွန်းရဲ့ ကိုဆာနို့စ်ထရာ အမည်ရ မာဖီးယားဂိုဏ်းရဲ့ ခေါင်းဆောင် သူဌေးဖြစ်တယ်လို့ စွပ်စွဲခံထားရပါတယ်။

၁၉၉၂ ခုနှစ်က မာဖီးယားဆန့်ကျင်ရေး အစိုးရရှေ့နေတွေဖြစ်ကြတဲ့ ဂျီအိုဗန်နီ ဖယ်လ်ကိုနေးနဲ့ ပါအိုလို ဘော်စယ်လီနိုတို့ကို သတ်ဖြတ်ရာမှာ ပါဝင်ခဲ့တဲ့အတွက် သူ့ကို ထောင်ဒဏ် တသက်တကျွန်း ကျခံဖို့ မျက်ကွယ်တရားစီရင်ခဲ့ပါတယ်။

လူ ၁၀ ဦးသေဆုံးခဲ့တဲ့ ဖလောရန့်စ်၊ ရောမနဲ့ မီလန်မြို့က ဗုံးခွဲတိုက်ခိုက်မှုတွေအတွင်း လုပ်ဆောင်ခဲ့တာတွေအတွက်လည်း ဒီဖြစ်ရပ်တွေအပြီး နောက်နှစ်မှာတင် ထောင်ဒဏ်တသက်တကျွန်းနဲ့ ထပ်မံရင်ဆိုင်ခဲ့ရပါတယ်။

မက်စီနာ ဒီနာရိုဟာ ကာလအတန်ကြာ ပျောက်ကွယ်နေပေမဲ့ သူ့ရဲ့ ဒေသတွင်း အမာခံနယ်မြေဖြစ်တဲ့ စစ္စလီကျွန်းအနောက်ဘက် ထရာပါနီမြို့တဝိုက် ဧရိယာမှာ ဒီ မာဖီးယားဂိုဏ်း လည်ပတ်နိုင်ဖို့ ဆက်စပ်တဲ့အမိန့်တွေကို ထုတ်ပြန်နေနိုင်ဆဲဖြစ်တယ်လို့ ရဲတပ်ဖွဲ့က ပြီးခဲ့တဲ့နှစ် စက်တင်ဘာလပိုင်းမှာ ပြောဆိုခဲ့ပါတယ်။

အီတလီနိုင်ငံတောင်ပိုင်း စစ္စလီကျွန်းကို အောက်တိုဘာ ၂၆ ရက်က  အားကောင်းတဲ့ ဆိုင်ကလုန်းမုန်တိုင်း  ဝင်ရောက်တိုက်ခတ်လို့ ကာတာနီယာ မြို့ပတ်လည်မှာ ရေကြီးခဲ့ပြီး လူ ၂ ယောက်ထက်မနည်း သေဆုံးတယ်လို့ ကယ်ဆယ်ရေးသမားတွေက ပြောပါတယ်။

ကာတာနီယာမြို့ မြောက်ပိုင်းက ဂရာဗီနာ မြို့နယ်မှာ မိုးကြီးလို့ ကားတစီးအောက်ကနေ အမျိုးသား တယောက်ရဲ့ အလောင်းကို တွေ့ခဲ့တယ်လို့ ရဲနဲ့ မီးသတ်သမားတွေကို ကူညီနေတဲ့ မီဆေရီကော်ဒီယာ စေတနာ့ဝန်ထမ်းအုပ်စုရဲ့ ပြောခွင့်ရက ပြောပြီး သေဆုံးမှုကို ရဲက အတည်ပြုပေမဲ့ အသေးစိတ် အချက်အလက်တွေကိုတော့ မပြောခဲ့ပါဘူး။

လူတယောက် ပျောက်ဆုံးနေပြီး ကာတာနီယာမြို့ ဂါရီဘယ်လ်ဒီ ဆေးရုံက လူနာဆောင်ထဲလည်း ရေတွေ ဝင်နေတယ်လို့ မီဒီယာတွေက ဖော်ပြပါတယ်။

“အရေးပေါ် အခြေအနေက အရေးတကြီး ပိုဖြစ်နေတယ်၊ အခြေအနေ တိုးတက်လာတာကိုလည်း မမြင်ရဘူး”လို့ မီးသတ်တပ်ဖွဲ့ ပြောခွင့်ရက ပြောပါတယ်။

စစ္စလီကျွန်းနဲ့ အနားက အီတလီပိုင်နက် ကာလာဘရီယာမှာ ရှားရှားပါးပါး ဆိုင်ကလုန်းမုန်တိုင်း တိုက်ခတ်ခဲ့လို့ ပင်လယ်ရေအပူချိန်ဟာလည်း အရင်နှစ်တွေက ပျမ်းမျှအပူချိန်ထက် ၈ ဒီဂရီ ဆဲလ်စီးယပ်စ် ပိုပူနေခဲ့ပါတယ်။

မုန်တိုင်းဟာ ကြာသပတေးနဲ့ သောကြာနေ့တွေမှာ အရှိန်အမြင့်ဆုံး ဖြစ်မယ်လို့ မျှော်လင့်ထား ကြောင်း အီတလီ မိုးလေဝသ ဝက်ဆိုက်မှာ ခန့်မှန်းထားပါတယ်။