ယူကရိန်းနိုင်ငံ မြို့ကြီးတွေကို စစ်ပွဲက ရောက်ရှိလာချိန်မှာတော့ ပျော်ပျော်ပါးပါး အေးအေးလူလူ နေခဲ့ကြတဲ့ မျိုးဆက်သစ်လူငယ်တွေဟာ ရုရှားတွေကို ခုခံတိုက်ခိုက်ဖို့ စစ်သင်တန်းတွေ တက်နေကြပါတယ်။
တချို့က ချစ်သူစုံတွဲဖြစ်ပြီး နိုင်ငံကိုကာကွယ်ဖို့ စိတ်တူကိုယ်တူ သင်တန်းတက်နေတာပါ။
ယူကရိန်းတောင်ဘက် အိုဒက်ဆာမြို့က စစ်သင်တန်းကျောင်းမှာ မြို့ပြပညာတတ်လူငယ်တွေ အသက်မွေးဝမ်းအလုပ်အကိုင်တွေ စွန့်ပစ်ပြီး စစ်ထဲပါဝင်ဖို့ ဆုံးဖြတ်ကြပါတယ်။
တချို့က စစ်မြေပြင် အရေးပေါ်ကယ်ဆယ်ရေးလုပ်ငန်းတွေနဲ့ ဒဏ်ရာရသူတွေကိုပြုစုမှုတွေမှာ ဝင်ရောက်လုပ်ဆောင်မှာပါ။
အသက် ၂၆ နှစ်အရွယ် ဂရပ်ဖစ်ဒီဇိုင်းနာ အိုလ်ဂါ မော်ရိုဇ်က သူ့ရဲ့ချစ်သူကောင်လေး အရောင်းမန်နေဂျာ မက်ဆီယမ် ယာဗ်တူရှန်ကိုနဲ့အတူ စစ်သင်တန်းမှာ တက်နေရောက်နေပါတယ်။
“အခုအချိန် ကျန်းမာသန်စွမ်းသူတိုင်း ရန်သူကို ဘယ်လို တိုက်ရမယ်၊ ဆွေမျိုးသားချင်းတွေနဲ့ တခြားသူတွေကို ပြုစုဖို့ ကျန်းမာရေးသင်တန်းတွေ ယူထားရမယ်” လို့ အိုလ်ဂါ မော်ရိုဇ်က ပြောပါတယ်။
သူတို့စုံတွဲက လာမယ့်နွေမှာ လက်ထပ်ဖို့ စီစဉ်ထားတာပေမဲ့ အခုတော့ နေ့စဉ် လူ ၁၅၀ လောက်ကို စစ်သင်တန်း လျှို့ဝှက်ပေးနေတဲ့ စခန်းကို ရောက်လာတာပါ။
ရုရှားတပ်တွေ မြို့ကို နောက်ဆုံး ရောက်လာရင် ပြန်လည်တိုက်ခိုက်သွားမယ့် နည်းပေါင်းစုံကို ရက်တိုအတွင်း သင်ယူနေပါတယ်။
မကွေးတိုင်း၊ ဂန့်ဂေါမြို့နယ်၊ ဟံသာဝတီကျေးရွာမှာ ပြီးခဲ့တဲ့လတွေကစပြီး စစ်ကောင်စီတပ်က ကျေးရွာသားတွေကို စစ်သင်တန်းပို့ချပေးနေပြီး စစ်သင်တန်းမတက်သူတွေကို ခြိမ်းခြောက်နေတယ်လို့ ဒေသခံတွေက ပြောပါတယ်။
အဲဒီလို စစ်သင်တန်း အတင်းအကျပ် ဖိအားပေးတက်ခိုင်းတာကြောင့် ကျေးရွာအတွင်းမှာရှိတဲ့ ကျေးရွာသား ၂၀၀ ကျော်က ထွက်ပြေးတိမ်းရှောင်နေကြရတယ်လို့ ထွက်ပြေးတိမ်းရှောင်လာသူ တစ်ဦးက DVB ကို ပြောပါတယ်။
ဒါ့အပြင် ကျေးရွာအတွင်းမှာ နေထိုင်တဲ့ အန်အယ်လ်ဒီပါတီဝင် ၅ ယောက်ကိုလည်း ဖမ်းဆီးထားသလို အဆိုပါကျေးရွာအတွင်းမှာရှိတဲ့ ရဲစခန်းမှာ စစ်ကောင်စီတပ်သားတွေက နေရာယူထားတယ်လို့ ဆိုပါတယ်။
အဆိုပါ ဟံသာဝတီကျေးရွာဟာ ပျူစောထီး အားကောင်းတဲ့ ကျေးရွာဖြစ်တာကြောင့် ထွက်ပြေးနေသူတွေအနေနဲ့ တောင်ယာလုပ်ငန်းတွေကို စွန့်ထားရပြီး စားဝတ်နေရေး အခက်အခဲ ဖြစ်ပေါ်နေတယ်လို့ ပြောပါတယ်။
အဲဒီကျေးရွာဟာ အိမ်ခြေ ၁၆၀၀ ဝန်းကျင်ရှိပြီး လူဦးရေ ၅၀၀၀ ဝန်းကျင် နေထိုင်တဲ့ ကျေးရွာလည်း ဖြစ်ပါတယ်။
