စလိုဗက်ကီးယားမြို့တော် ဘရက်တစ်စ်လာဗာရဲ့ မြို့လည်ခေါင်မှာ အောက်တိုဘာ ၁၄ ရက်က ထောင်နဲ့ချီတဲ့ လူတွေ စုဝေးခဲ့ကြပြီး နာမည်ကြီး ဂေးဘားတစ်ခုရဲ့ အပြင်ဘက်မှာ လူနှစ်ယောက် အသတ်ခံရပြီးနောက်ပိုင်း LGBTQ အသိုင်းအဝိုင်းနဲ့ တစည်းတလုံးတည်းရှိကြောင်း ပြသခဲ့ကြပါတယ်။ 

လိင်တူချစ်သူများ အခွင့်အရေးအတွက် လှုပ်ရှားမှုကို ကိုယ်စားပြုတဲ့ သက်တံရောင်အလံတွေ ကိုင်ဆောင်လာသူသူတွေအပါအဝင် ဆန္ဒပြသူတွေဟာ ပစ်ခတ်မှုဖြစ်ပွားခဲ့တဲ့ တေပလာရံန် ဘားရဲ့အပြင်ဘက်မှာ စုရုံးခဲ့ကြပြီးတော့ စလိုဗက်သမ္မတ ဇူဇာနာ ကာပူတိုဗာ လူထုကိုမိန့်ခွန်းပြောတဲ့ စလိုဗက် အမျိုးသားအုံကြွမှု ရင်ပြင်ကို ချီတက်ခဲ့ကြပါတယ်။ 

အောက်တိုဘာ ၁၂ ရက် ညနေပိုင်းက မြို့လယ်ရှိ Teplaren ဘားအနီးမှာ သေနတ်သမား တယောက်ဟာ လူ နှစ်ယောက်ကို ပစ်သတ်ခဲ့ပြီး တခြား တယောက် ဒဏ်ရာရရှိခဲ့ပါတယ်။

တိုက်ခိုက်သူလို့ သံသယရှိသူဟာ အောက်တိုဘာ ၁၃ ရက် မနက်ပိုင်းက သူ့ဖာသာ သူ သေဆုံးနေတာကို တွေ့ရှိခဲ့တယ်လို့ ရဲတပ်ဖွဲ့က ပြောပါတယ်။ 

သံသယရှိ လူသတ်သမားဟာ ဆွေမျိုးတစ်ဦး မှတ်ပုံတင်ထားတဲ့ လေဆာကိရိယာ ပါရှိတဲ့ သေနတ်ကို အသုံးပြုခဲ့တဲ့ အသက် ၁၉ နှစ်အရွယ် ဂျူရာဂျ်ကေ ဖြစ်ကြောင်း ရဲတပ်ဖွဲ့က ပြောကြားခဲ့ပါတယ်။ 

ဒီသတ်ဖြတ်မှုကို အကြမ်းဖက်လုပ်ရပ်အဖြစ် သဘောထားကြောင်း အောက်တိုဘာ ၁၄ ရက်မှာ ထိပ်တန်းအစိုးရရှေ့နေတစ်ဦးက ပြောကြားခဲ့ပါတယ်။

စလိုဗက်ကီးယားမှာစစ်ရေးလေ့ကျင့်နေတဲ့ နိုင်ငံစုံပါတဲ့စစ်အုပ်စုအသစ်ဟာ တိုက်ပွဲအတွက် အဆင်သင့်ဖြစ်နေပြီလို့ နေတိုးမဟာမိတ်အဖွဲ့က  အောက်တိုဘာ ၅ ရက်မှာ ပြောကြားလိုက်ပါတယ်။ 

စလိုဗက်ကီးယား လေ့ကျင့်ရေးစင်တာမှာ ပြုလုပ်တဲ့ သဘာဝဘေးအန္တရာယ် စီမံခန့်ခွဲမှုဆိုင်ရာ လေ့ကျင့်ခန်း ဗီဒီယိုဖိုင်ကိုလည်း ထုတ်ပြန်ကြေညာခဲ့ပါတယ်။ 

ချက်သမ္မတနိုင်ငံရဲ့ ကြည်းတပ်မှ ဗိုလ်မှူးကြီး လာဒီစလာ့ဗ် ဘူဂျာရက်ခ် က“ဒီလေ့ကျင့်ခန်းရဲ့ အဓိကရည်ရွယ်ချက်ကတော့ နိုင်ငံတွေကြား အပြန်အလှန် ပူးပေါင်းဆောင်ရွက်မှုတွေ အလုပ်ဖြစ်နေပြီး ကျနော်တို့ဟာ အဆင်သင့်ဖြစ်မှုနဲ့ တိုက်ခိုက်ရေး ထိရောက်မှုအဆင့်ကို ရောက်နေပြီဆိုတာကို သက်သေပြဖို့တယ်”လို့ ပြောပါတယ်။

စစ်ရေးဗျူဟာအကြံပေးအဖွဲ့ခေါင်းဆောင်ဖြစ်တဲ့ အမေရိကန်စစ်တပ်မှ ဗိုလ်ကြီးအန်ဒရူး ရက်ဘားကတော့ နေတိုးအဖွဲ့ လုံခြုံမှုရှိဖို့၊ အမေရိကလုံခြုံမှုရှိဖို့ ကျနော်တို့ဟာ အဖွဲ့တခုတည်း အနေနဲ့ လုပ်ဆောင်ရမှာဖြစ်ပြီး တတ်နိုင်သလောက် နယ်စပ်ကို ဖြန့်ရမယ်လို့ ပြောပါတယ်။

မြို့တော် ဘရာတစ်စ်လာဗာရဲ့ အရှေ့ဘက် ကီလိုမီတာ ၂၀၀ အကွာရှိ ဇဗိုလန်မှာ စက်တင်ဘာ ၂၀ ရက်ကနေ ၂၂ ရက်အထိ စစ်ရေးလေ့ကျင့်ခဲ့ကြပြီး ချက်သမ္မတနိုင်ငံ၊ ဂျာမနီ၊ စလိုဗက်ကီးယား၊ စလိုဗေးနီးယားနဲ့ အမေရိကန်တပ်တွေ ပူးပေါင်း ပါဝင်ပါတယ်။