မန်စီးတီးက အာဆင်နယ်ကို ၃ ဂိုး ၁ဂိုးနဲ့ အနိုင်ရခဲ့တဲ့ ပြီးခဲ့တဲ့တစ်ပတ်က လိဂ်ပွဲစဉ်မှာ နှစ်ဖက် ကစားသမားတွေက ဒိုင်ကို ဝိုင်းဝန်းစောဒကတက်တက်ခဲ့လို့ အင်္ဂလန် ဘောလုံးအဖွဲ့ချုပ် အက်ဖ်အေကရေးယူတော့မှာပါ။
အာဆင်နယ်ကစားသမားတွေဟာ ပွဲချိန် ၅၆ မိနစ်မှာ ပင်နယ်တီပေးခဲ့တဲ့ ဒိုင်လူကြီး အန်တိုနီတေလာကို ဝိုင်းဝန်းစောဒကတက်ခဲ့ကြပြီး VAR နဲ့ ပြန်လည်စစ်ဆေးအပြီးမှာ ပြန်လည်ပယ်ဖျက်ခဲ့ပါတယ်။
မန်စီးတီးကစားသမားတွေက ပွဲချိန် ၄၂ မိနစ်မှာ ပင်နယ်တီပေးခဲ့ရမှုနဲ့ ၆၄ မိနစ်မှာ အန်ကတ်တီယာကို အနီကတ်မပြတာကြောင့် နှစ်ကြိမ်အထိ ဒိုင်လူကြီးကို ဝိုင်းဝန်းစောဒကတက်ခဲ့ကြတယ်လို့ အက်ဖ်အေရဲ့ ထုတ်ပြန်ချက်မှာပါရှိပါတယ်။
ဒီဖြစ်ရပ်တွေမှာ အသင်းတွေဘက်က ကစားသမားတွေကို ထိန်းချုပ်နိုင်စွမ်းမရှိခဲ့တာကြောင့် အရေးယူသွားမှာဖြစ်ပြီး လာမယ့် ဖေဖော်ဝါရီ ၂၁ ရက်မတိုင်ခင်မှာ တုံ့ပြန် ချက်တစ်ခုခု ပေးနိုင်ကြောင်း အက်ဖ်အေကထုတ်ပြန်ခဲ့ပါတယ်။
အာဆင်နယ်အသင်းဟာ နယူးကာဆယ်နဲ့ ပရီးမီးယားလိဂ်ပွဲစဉ်မှာ အလားတူ စောဒကတက်မှုကြောင့် ပေါင် ၄၀၀၀၀ ဒဏ်ရိုက်ခံခဲ့ရပြီး အောက်စဖို့ဒ်နဲ့ ရှုံးထွက်ပွဲစဉ်က ဖြစ်ရပ်အပေါ်မှာတော့ အယူခံတင်ထားတာဖြစ်ပါတယ်။
မန်ယူနိုက်တက်အသင်းဟာ နယူးကာဆယ်အသင်းနဲ့ပွဲစဉ်မှာ ကစားသမားတွေကို ထိန်းချုပ်နိုင်ခြင်း မရှိခဲ့တာကြောင့် အင်္ဂလန်ဘောလုံးအဖွဲ့ချုပ် (FA)ရဲ့ အရေးယူခံရဖို့ ရှိနေပါတယ်။
အဲဒီပွဲစဉ်မှာ ကွင်းလယ်ဒိုင် ခရိတ်ပေါဆင်ရဲ့ ဆုံးဖြတ်ချက်တွေနဲ့ ပတ်သက်ပြီး မန်ယူအသင်းသားတွေက ဝိုင်းဝန်းစောဒကတက်ခဲ့ကြတာပါ။
မန်ယူအသင်းသားတွေဟာ ခရစ္စတီယာနိုရော်နယ်ဒိုရဲ့ဂိုးကို ခွင့်မပြုခဲ့မှုအတွက် ဒိုင်လူကြီးကို ဒေါသတကြီး စောဒကတက်ခဲ့ကြပြီး အဲဒီလိုအပြုအမှုအတွက် ဒိုင်လူကြီး ခရိတ်ပေါဆင်က FA ထံ အစီရင်ခံစာတင်သွင်းခဲ့ပါတယ်။
ကစားသမားတွေရဲ့ အပြုအမူနဲ့ပတ်သက်ပြီး မန်ယူအသင်းတာဝန်ရှိသူတွေဘက်က တားဆီးဖို့ ပျက်ကွက်ခဲ့ကြောင်း FA ကစွပ်စွဲခဲ့ပြီး လာမယ့်အပတ်ပွဲစဉ် တွေမတိုင်ခင် ဒဏ်ကြေးရိုက်ဖို့ ရှိနေပါတယ်။
နည်းပြတန်ဟတ်ဂ်ကတော့ ဒိုင်တွေနဲ့ပတ်သက်ပြီး မှတ်ချက်ပေးဖို့ ငြင်းဆန်ခဲ့ပေမယ့် ပွဲကြည့်တဲ့သူတိုင်းက မြင်တဲ့အရာ ဖြစ်တယ်လို့ ပြောထားပါတယ်။
