close

ဆန့်ကျင်ကန့်ကွက်ဆန္ဒပြ

close

February 1, 2023

ပြင်သစ် မြို့ကြီးများ ပင်စင်စနစ်ပြောင်းလဲမှုကို ဆန့်ကျင်ကန့်ကွက်ဆန္ဒပြ

ပြင်သစ်နိုင်ငံတဝန်းက မြို့ကြီးတွေမှာ ဇန်နဝါရီ ၃၁ ရက်က အငြိမ်းစား လုပ်ခလစာ ပင်စင်အတွက် ပြုပြင်ပြောင်းလဲမှုကို ဆန့်ကျင်ဆန္ဒပြကြတဲ့ လူစုလူဝေးကို ပါရီမြို့တော်ရဲတပ်ဖွဲ့က မျက်ရည်ယို ဓာတ်ငွေ့တွေ အသုံးပြုပစ်ခတ်လူစုခွဲခဲ့ပါတယ်။

သမ္မတအီမန်နျူယယ်မက်ခွန်းအစိုးရ ချမှတ်ထားတဲ့ အငြိမ်းစားမယူခင် အလုပ်ပိုလုပ်ရမယ့် အစီအမံကို ဆန့်ကျင်တဲ့ ဆန္ဒပြပွဲတွေဟာ မာဆေးလေးနဲ့ လီယွန်လို မြို့ကြီးတွေမှာ သာမက ရင်းစ်နဲ့ မောင့်ပေရီယေမြို့တွေ အပါအဝင် မြို့အများအပြားမှာပါ ဖြစ်ပွားခဲ့ပါတယ်။

အငြိမ်းစား ယူရမယ့်အသက်ကို ၆၄ နှစ်ထိ တိုးလိုက်တာကို ပြင်သစ်နိုင်ငံသား အများအပြားက ဆန့်ကျင်နေတာဖြစ်ပြီး သမ္မတ မက်ခွန်းကတော့ ပင်စင်စနစ် ပြုပြင်ပြောင်းလဲတာ မရှိမဖြစ် အရေးပါတယ်လို့ ပြောထားပါတယ်။

ပါရီမြို့တော်က ဆန္ဒပြပွဲမှာတော့ လူပေါင်း ၈၇,၀၀၀ လောက် ပါဝင်ဆင်နွှဲခဲ့တယ်လို့ ရဲတပ်ဖွဲ့က ပြောပါတယ်။

12 hours Ago

July 25, 2022

ဂျပန်မြို့ကြီး ၈ မြို့တွင် အကြမ်းဖက်စစ်ကောင်စီကို ဆန့်ကျင်ကန့်ကွက်ဆန္ဒပြ

ဝန်ကြီးချုပ်ဟောင်း ရှင်ဇိုအာဘေးရဲ့ နိုင်ငံတော်စျာပန အခမ်းအနားမှာ အကြမ်းဖက်စစ်ကောင်စီကို မဖိတ်ကြားပဲ NUG အစိုးရကိုဖိတ်ကြားရေးအပါအဝင်၊ ဂျပန်အစိုးရရဲ့ မြန်မာ့နိုင်ငံရေးအပေါ် မပြတ်မသား ရပ်တည်နေမှုကို  ဂျပန် မြို့ကြီး ၈ မြို့မှာ ဆန့်ကျင် ကန့်ကွက်ဆန္ဒပြမှုတွေ ဇူလိုင် ၂၄ ရက်က တပြိုင်တည်းပြုလုပ်ခဲ့ကြပါတယ်။

အဆိုပါ ဆန္ဒထုတ်ဖော်ပွဲကို တိုကျို၊ အိုဆာက၊ နာဂိုယာ၊ ရှိဇူအိုခ၊ အိုခယမ၊ ဖူခုအိုခ၊ ဟော်ကိုင်းဒိုးနဲ့ အိုခိနဝ မြို့ကြီးတွေမှာ ပြုလုပ်ခဲ့ကြတာဖြစ်ပါတယ်။

ဂျပန်ဝန်ကြီးချုပ် ဖူမိအိုကီရှိုဒါ အနေနဲ့ မြန်မာ့အရေး ကိစ္စနဲ့ ပတ်သက်လို့ ပြတ်သားတိကျတဲ့ လက်တွေ့လုပ်ဆောင်မှုတွေ ပြုလုပ်ပေးဖို့၊ မြန်မာပြည်သူလူထုဟာ စစ်ကောင်စီ အုပ်စုရဲ့ ဥပဒေမဲ့ အကြမ်းဖက် လုပ်ရပ်တွေကြောင့်ဆင်းရဲပင်ပန်းကြီးစွာနေထိုင်နေရကြောင်း၊ ပြည်သူလူထုတရပ်လုံးက ရရာနည်းလမ်းနဲ့ ဆန့်ကျင်တော်လှန်ကြကြောင်းနဲ့  ဂျပန်အစိုးရကတော့ ဒီနေ့အချိန်အထိ ပြတ်သားမှုမရှိဘဲ အာဏာသိမ်း အကြမ်းဖက် စစ်အုပ်စုနဲ့ ပိုမိုပတ်သက်လာနေကြောင်းကို ဆန္ဒပြသူတွေရဲ့ ထုတ်ပြန်ချက်မှာဖော်ပြထားပါတယ်။

ဂျပန်အစိုးရ၊ ဂျပန် မီဒီယာတွေနဲ့ သက်ဆိုင်ရာ ဒေသအစိုးရတွေထံ အိတ်ဖွင့်ပေးစာ ထုတ်ပြန်ချက် ပေးပို့သွားမယ်လို့လည်း သိရပါတယ်။

လုပ်ကြံသတ်ဖြတ်ခံရတဲ့ ဝန်ကြီးချုပ်ဟောင်း အာဘေးရဲ့ နာရေးကို ဇူလိုင် ၂၇ ရက်မှာ နိုင်ငံတော်အခမ်းအနားနဲ့ ပြုလုပ်ဖို့ရှိပြီး မြန်မာအကြမ်းဖက်စစ်ခေါင်းဆောင်ကို ဖိတ်ထားတယ်ဆိုတဲ့ သတင်းထွက်ပေါ်နေပါတယ်။

ဂျပန်ဝန်ကြီးချုပ်ဟောင်း ရှင်ဇိုအာဘေးရဲ့ နာရေးကို အကြမ်းဖက်စစ်ခေါင်းဆောင် မင်းအောင်လှိုင်သာ တက်ရောက်လာခဲ့မယ်ဆိုရင် ဂျပန်ရောက်မြန်မာတွေရဲ့ ကြီးမားတဲ့ တုံ့ပြန်မှုကို ရင်ဆိုင်ရမယ်လို့ မြန်မာအရေး လူပ်ရှားသူတွေက ပြောထားပါတယ်။

6 months Ago
Up