ချီလီနိုင်ငံ၊ ဆန်တီယာဂိုမြို့ရဲ့ လမ်းတွေပေါ်မှာ စက်တင်ဘာ ၁ ရက်က ဆန္ဒပြနေကြတဲ့ အထက်တန်းကျောင်းသားတွေနဲ့ အဓိကရုဏ်းနှိမ်နင်းရေး ရဲတွေနဲ့ ထိပ်တိုက် ရင်ဆိုင်တွေ့ခဲ့ကြပါတယ်။
ကျောင်းသားတွေဟာ ဆန်တီယာဂိုမြို့လယ်ရှိ လမ်းတွေတလျှောက် ချီတက်ခဲ့ကြပြီး အခမဲ့ သယ်ယူပို့ဆောင်ရေး၊ ပြည့်စုံတဲ့ လိင်ပညာပေးမှု၊ နည်းပညာအထက်တန်းကျောင်းတွေမှာ အလုပ်သင် အာမခံချက်တွေနဲ့ အဆင့်မြင့်ပညာရေး အဆင့်အားလုံးကို လူတိုင်းဝင်ရောက်ခွင့် တောင်းဆိုခဲ့ကြပါတယ်။
ဆန္ဒပြကျောင်းသားတွေကို လူစုခွဲဖို့ မီးသတ်ပိုက်တွေကို အသုံးပြုခဲ့ပြီး ဆန္ဒပြသူတွေဘက်ကလည်း မိုလိုတော့ဗ် ကော့တေးလ်တွေ ပစ်ပေါက်ပြီး တုံ့ပြန်ကြပါတယ်။
ဆန်တီယာဂို မြူနီစပယ်က ဖြန့်ဝေတဲ့ ရုပ်သံဗီဒီယိုတစ်ခုမှာ ဟူဒီခေါင်းစွပ်အင်္ကျီဝတ် ဆန္ဒပြသူတွေဟာ ဆန္ဒပြပွဲအတွင်း ချီလီအလံကို မီးရှို့ခဲ့တာ မြင်တွေ့ရပါတယ်။
ဒီဆန္ဒပြမှုဟာ စက်တင်ဘာ ၄ ရက်မှာ ဖွဲ့စည်းပုံ အခြေခံဥပဒေသစ်ကို အတည်ပြုဖို့ သို့မဟုတ် ပယ်ချဖို့ ချီလီနိုင်ငံသားတွေ မဲမခွဲခင် ၃ ရက်အလိုမှာ ဖြစ်ပွားခဲ့တာပါ။
နေပြည်တော်မှာ စစ်အာဏာရှင်ဆန့်ကျင်ရေး ဆန္ဒပြတဲ့ အခြေခံပညာ ကျောင်းသားအယောက် ၃၀ လောက်ကို ဒီကနေ့ ဖေဖော်ဝါရီ ၁၅ ရက်မနက်မှာ ရဲတပ်ဖွဲ့က ဖမ်းဆီးပြီး အချုပ်ထောင်ဆီကို ခေါ်ဆောင်သွားပါတယ်။
“ရွှေကြာပင် အထက ၁၄ ကျောင်းသားတွေက လမ်းလျှောက်ပြီးတော့ စည်ပင်သာယာ အဆင့်မြင့်ဈေးရှေ့ကို သွားတယ်။ နာရီဝက်လောက် (ဆန္ဒ) ပြပြီးတော့ ပြန်လာတယ်။ ကျနော်တို့က သူတို့ကို ကားနဲ့သွားကြိုနေတုန်းမှာ ဖမ်းသွားတာ။ စုစုပေါင်း အယောက် ၃၀ ပါ။ ယောင်္ကျားလေးတွေချည်းပါပဲ” လို့ ဒေသခံတယောက်က ပြောပါတယ်။
ဖမ်းခံရသူတွေဟာ ၁၀ တန်းကျောင်းသားတွေဖြစ်ပြီး သူတို့ကို နေပြည်တော် အချုပ်ထောင်ကို ခေါ်သွားတာကြောင့် ကျောင်းသားမိဘတွေနဲ့ ပြည်သူတွေက အကျဉ်းထောင် ရှေ့ကိုသွားပြီး လွှတ်ပေးဖို့ တောင်းဆိုနေပါတယ်။
ဖမ်းဆီးခံရတဲ့ ကျောင်းသားတွေထဲမှာ အသက် ၁၈ နှစ်မပြည့်သေးသူတွေ အများအပြားပါဝင်နေတဲ့အတွက် ချက်ချင်းပြန်လွှတ်ပေးဖို့ ရှေ့နေက ပြောဆိုရာမှာ တာဝန်ကျ အကျဉ်းဦးစီးဌာန အရာရှိတစ်ဦးက အထက်ကို တင်ပြပေးမယ့်အကြောင်းနဲ့ ဥပဒေအတိုင်းဆောင် ရွက်ပေးမှာဖြစ်တယ်လို့ တုံ့ပြန်ပြောပါတယ်။
