အမေရိကန်ပြည်ထောင်စု ဆန်ဖရန်စစ္စကိုမှာ မိုဘိုင်းအက်ပလီကေးရှင်းမှတဆင့် ငွေလွှဲခွင့်ပြုတဲ့ Cash App တည်ထောင်သူ ဘော့ဘ်လီကို ဓားနဲ့ထိုးသတ်ခဲ့သူ တစ်ဦးကို ဧပြီ ၁၃ ရက်က ဖမ်းဆီးလိုက်ကြောင်း ရဲတပ်ဖွဲ့က ပြောပါတယ်။
ဧပြီ ၄ ရက်နေ့ ပစိဖိတ်စံတော်ချိန် မနက် ၂ နာရီခွဲ လောက်မှာ ဆန်ဖရန်စစ္စကိုမြို့ရဲ့ လမ်းမတွေပေါ်မှာ ဓားဒဏ်ရာကနေ သွေးထွက်ပြီး လဲကျနေတဲ့ သက် ၄၃ နှစ်အရွယ် ဘော့ဘ်လီကို တွေ့ရှိခဲ့ရပြီး နောက်ပိုင်း ဆေးရုံမှာပဲ ဒဏ်ရာတွေနဲ့ သေဆုံးသွားခဲ့ပါတယ်။
ဘေး-ဧရိယာရှိ အမ်မရီဗေးလ်မြို့မှာ ကုမ္ပဏီရုံးခန်းတွေ ဖွင့်ထားတဲ့ Expand IT ဆော့ဖ်ဝဲကုမ္ပဏီ တည်ထောင်သူ အသက် ၃၈ နှစ်အရွယ် နီမာမိုမီနီကို လူသတ်မှုသံသယနဲ့ ဖမ်းဆီးခဲ့ကြောင်း ဆန်ဖရန်စစ္စကိုရဲချုပ် ဝီလျံမ်စကော့တ်က တင်းစာရှင်းလင်းပွဲမှာ ပြောကြားပါတယ်။
တရားခံနဲ့သေဆုံးသူတို့ဟာ သူတို့အချင်းချင်း သိရှိကြတဲ့ ဆက်ဆံရေးဖြစ်ကြောင်း အတည်ပြုနိုင်ပေမယ့် မှုခင်းဖြစ်သွားရလောက်တဲ့ အကြောင်းရင်းကို ဆွေးနွေးဖို့ ငြင်းဆိုထားကြောင်းလည်းပြောဆိုပါတယ်။
မိုမီနီကို တရားရုံးထုတ်စစ်ဆေးဖို့ရှိနေပြီး သူဟာ ရှေ့နေ ခေါ်ထားခြင်း ရှိ၊ မရှိ မသိရသေပါဘူး။
မြန်မာပြည်စစ်အာဏာသိမ်းမှု ဆန့်ကျင်ကန့်ကွက်ရှုတ်ချပွဲကို အမေရိကန်ပြည်ထောင်စု၊ အင်ဒီယားနားပြည်နယ်၊ ဖို့တ်ဝိန်းမြို့မှာ ဇန်နဝါရီ ၃၀ ရက်က ပြုလုပ်ခဲ့ပြီး ကျဆုံးနွေဦးတော်လှန်ရေး သူရဲကောင်းတွေကိုလည်း ပန်းခွေချ ဂုဏ်ပြု အလေးပြုခဲ့ကြပါတယ်။
ဆန်ဖရန်စစ္စကိုမြို့မှာလည်း မြန်မာပြည်စစ်အာဏာသိမ်းမှုကို ကန့်ကွက်ရှုတ်ချတဲ့ ကားသပိတ်ပြုလုပ်ခဲ့ကြပါတယ်။
မြောက်ပိုင်းကာလီဖိုးနီးယား မဟာမိတ်အင်အားစုတွေပူးပေါင်းပြီး မြန်မာ့နွေဦးတော်လှန်ရေးတနှစ်ပြည့်အထိမ်းအမှတ် San Francisco Golden Gate Bridge ကို ဖြတ်သန်းပြီး Car Rally သပိတ် ပြုလုပ်ကြတာ ဖြစ်ပါတယ်။
မြန်မာနိုင်ငံမှာ မနက်ဖန် ဖေဖော်ဝါရီ ၁ ရက်နေ့ ဆိုရင် စစ်တပ်က အာဏာသိမ်းတာ ၁ နှစ်ပြည့်တော့မှာ ဖြစ်ပြီး မြန်မာပြည်တွင်းမှာ ပြည်သူလူထုတွေက အသံတိတ်သပိတ်နဲ့ ဆန္ဒပြဖို့ပြင်ဆင်နေသလို စစ်အုပ်စုကလည်း အသံတိတ်သပိတ်လှုပ်ရှားမှုမလုပ်ဖို့ တားမြစ် ခြိမ်းခြောက်မှုတွေလည်း တိုးလုပ်လာနေပါတယ်။
