close

ဆီးဂိမ်းဘောလုံးပြိုင်ပွဲ

close

May 4, 2023

ဆီးဂိမ်းဘောလုံးပြိုင်ပွဲ အုပ်စုဒုတိယပွဲတွင် မြန်မာက အင်ဒိုနီးရှားကို ၅ ဂိုး ဂိုးမရှိဖြင့် ရှုံးနိမ့်

ကမ္ဘောဒီးယားနိုင်ငံက အိမ်ရှင်အဖြစ် လက်ခံကျင်းပနေတဲ့ ဆီးဂိမ်း အမျိုးသားဘောလုံးပြိုင်ပွဲ အုပ်စုဒုတိယပွဲစဉ်မှာ မြန်မာယူ-၂၂ အသင်းက အင်ဒိုနီးရှားအသင်းနဲ့ ယှဉ်ပြိုင်ကစားခဲ့ရာမှာ ၅ ဂိုး ဂိုးမရှိနဲ့ ဂိုးပြတ် ခြေပြတ် ရှုံးနိမ့်သွားပါတယ်။

မြန်မာအသင်းဟာ တီမောကို ၁ ဂိုး ဂိုးမရှိနဲ့ အနိုင်ရတဲ့ပွဲက ပွဲထွက်လူစာရင်းကို ၄ ဦး အပြောင်းအလဲပြုလုပ်ပြီး ယှဉ်ပြိုင်ခဲ့တာပါ။ ဒါပေမဲ့ အင်ဒိုနီးရှားအသင်းကို အဘက်ဘက်ကနေ မယှဉ်နိုင်ခဲ့ဘဲ ပထမပိုင်းမှာ ၂ ဂိုး၊ ဒုတိယပိုင်းမှာ ၃ ဂိုး ပေးခဲ့ရတာပါ။ 

ဒီပွဲအရှုံးကြောင့် လက်ကျန် ၂ ပွဲမှာ နှစ်ပွဲစလုံး အနိုင်ရမှ ဆီမီးဖိုင်နယ် တက်ခွင့်ရရှိမှာပါ။

မြန်မာယူ-၂၂ အသင်းဟာ လာမယ့် မေလ ၇ ရက်နေ့မှာ အိမ်ရှင် ကမ္ဘောဒီးယားနဲ့ ကစားရမှာဖြစ်ပြီး မေလ ၁၀ ရက်နေ့မှာ ဖိလစ်ပိုင်အသင်းနဲ့ ကစားရမှာဖြစ်ပါတယ်။

15 mins Ago

April 1, 2022

ဧပြီ ၆ ရက်တွင် ဆီးဂိမ်းဘောလုံးပြိုင်ပွဲ အုပ်စုမဲခွဲမည်

ဗီယက်နမ်နိုင်ငံက အိမ်ရှင်အဖြစ် လက်ခံကျင်းပမယ့်  ၃၁ ကြိမ်မြောက် ဆီးဂိမ်းပြိုင်ပွဲရဲ့ ဘောလုံးပြိုင်ပွဲ အုပ်စုမဲခွဲပွဲကို ဧပြီ ၆ ရက်နေ့ ပြုလုပ်သွားမှာပါ။ 

အမျိုးသားပြိုင်ပွဲမှာ မြန်မာအသင်းက  ကမ္ဘောဒီးယားနဲ့အတူ ဦးစားပေးအဆင့် ၃ သတ်မှတ်ခံထားရပါတယ်။ ဦးစားပေးအဆင့် ၁ မှာ အိမ်ရှင်ဗီယက်နမ်နဲ့ ထိုင်း၊ ဦးစားပေးအဆင့် ၂ မှာ အင်ဒိုနီးရှားနဲ့ မလေးရှားတို့ သတ်မှတ်ခံရပါတယ်။ 

ဒါ့အပြင် ဖိလစ်ပိုင်၊ စင်ကာပူ၊ လာအိုနဲ့ အရှေ့တီမောအသင်းတွေက ဦးစားပေး အဆင့် ၃ နဲ့ ၄ တွေအဖြစ် သတ်မှတ်ထားပါတယ်။

မြန်မာယူ ၂၂ အသင်းဟာ နည်းပြ ပိုပေါ့ဗ်နဲ့အတူ ဆီးဂိမ်းပြိုင်ပွဲအတွက် ကစားသမား ၃၁ ဦး ရွေးချယ်ပြီး ရန်ကုန်မှာပဲ လေ့ကျင့်နေပါတယ်။ သက်ကျော်ကစားသမား ၄ ဦးအထိ ခေါ်ယူခွင့်ရှိပြီး ဘယ်ကစားသမားတွေလဲ ဆိုတာကိုတော့ ဘောလုံးအဖွဲ့ချုပ်က ထုတ်ပြန်ခြင်းမရှိသေးပါဘူး။ 

မြန်မာအမျိုးသမီးအသင်းကလည်း နည်းပြချုပ် ဦးတင်မြင့်အောင်နဲ့ လေ့ကျင့်မူတွေပြုလုပ်နေပြီး ဆီးဂိမ်းပြိုင်ပွဲအတွက် မဲခွဲမှုမှာ  ဖိလစ်ပိုင်နဲ့အတူ ဦးစားပေး ၂ သတ်မှတ်ခံထားရပါတယ်။ ဦးစားပေး ၁ မှာ ဗီယက်နမ်နဲ့ ထိုင်းအသင်းတွေသတ်မှတ်ခံထားရပြီး အင်ဒိုနီးရှား၊ လာအို၊ စင်ကာပူနဲ့ ကမ္ဘောဒီးယား အမျိုးသမီးအသင်းတွေက ဦးစားပေး ၃ သတ်မှတ်ထားပါတယ်။

ပြီးခဲ့တဲ့ အကြိမ် ၃၀ မြောက် ဖိလစ်ပိုင်ဆီးဂိမ်းမှာတော့ မြန်မာအမျိုးသားအသင်းနဲ့ အမျိုးသမီးအသင်းတွေက တတိယကြေးတံဆိပ်ဆုတွေ အသီးသီးရယူနိုင်ခဲ့ကြပါတယ်။ 

ဗီယက်နမ်ဆီးဂိမ်းပြိုင်ပွဲကို လာမယ့်မေလ ၁၂ ရက်နေ့ စတင်ကျင်းပမှာဖြစ်ပြီး ဘောလုံးပြိုင်ပွဲတွေကိုတော့ မေလ ၆ ရက်ကတည်းက စတင်ယှဉ်ပြိုင်ကြမှာဖြစ်ပါတယ်။ မြန်မာအားကစားအဖွဲ့ဟာ ဘောလုံးအပါအဝင် အားကစားနည်း ၁၆ မျိုးမှာ ပါဝင်ယှဉ်ပြိုင်မယ်လို့ သိရပါတယ်။

1 year Ago
Up