ဘာစီလိုနာအသင်းဟာ မန်စီးတီးကွင်းလယ်လူ ဘာနာဒိုဆေးလ်ဗားကို ခေါ်ယူလိုနေတာကြောင့် အသင်းရှိကွင်းလယ်လူ ဖရန့်ကီဒီယွန်းနဲ့ အလဲအထပ်ပြုလုပ်ဖို့ စိတ်ဝင်စားနေတယ်လို့ သိရပါ တယ်။ 

ဘာစီလိုနာအသင်းဟာ ပြီးခဲ့တဲ့ နှစ်ကတည်းက ဆေးလ်ဗားကိုခေါ်ယူဖို့ စိတ်ဝင်စားမှုပြသခဲ့ပေမယ့် ဆေးလ်ဗားက စီးတီးမှာ ဆက်နေဖို့ ဆုံးဖြတ်ခဲ့တာပါ။ 

လက်ရှိအချိန်မှာတော့ ဆေးလ်ဗားကိုပြန်လည်ခေါ်ယူဖို့ စီစဉ်နေပြီး ဘဏ္ဍာရေး အခက်အခဲတွေကြောင့် ဖရန့်ကီဒီယွန်းနဲ့ အလဲအထပ်လုပ်ဖို့ စီစဉ်နေတယ်လို့ စပိန်သတင်းစာ မန်ဒိုဒီပို့တီဗိုက ရေးသားခဲ့ပါတယ်။ 

မန်စီးတီးနည်းပြ ဂွgဒီယိုလာဟာလည်း ဟော်လန်ကွင်းလယ်လူ ဖရန့်ကီဒီယွန်းကို ချီးကျူးပြောဆိုခဲ့ဖူးတာကြောင့် နှစ်ဦးနှစ်ဖက်အဆင်ပြေနိုင်တယ်လို့ စပိန်မီဒီယာတွေက ဖော်ပြပါတယ်။ 

ဘာစီလိုနာအသင်းဟာ ဘာနာဒိုဆေးလ်ဗားနဲ့ အလဲအထပ် လုပ်ဆောင်လို့ မရဘူးဆိုရင် ဖရန့်ကီဒီယွန်းကို ပေါင်သန်း ၆၀ ဝန်းကျင်နဲ့ ရောင်းချဖို့ စီစဉ်ထားတယ်လို့ ဆိုပါတယ်။ 

ဒီယွန်းကို မန်ယူနည်းပြသစ်ဖြစ်လာတဲ့ အိုင်းယက်စ်နည်းပြဟောင်းတန်ဟတ်ချ်က ပြန်လည်ခေါ်ယူလိုနေတယ်လို့လည်း သတင်းထွက်ပေါ်နေပါတယ်။ 

ချဲလ်ဆီးနောက်ခံလူ သီယာဂိုးဆေးလ်ဗားဝေဖန်ခံရမှုအပေါ် ဇနီးဖြစ်သူက ပြန်လည်တုံ့ပြန်မှုတွေ ပြုလုပ်သွားပါတယ်။ 

ချဲလ်ဆီးအသင်းဟာ ဧပြီ ၂ ရက်နေ့က ဘရန့်ဖို့ဒ်အသင်းကို ၄ ဂိုး ၁ ဂိုး နဲ့ ရှုံးနိမ်ခဲ့ရပြီး သီယာဂိုဆေးလ်ဗား ဦးဆောင်တဲ့ခံစစ်ပိုင်းကို နည်းပြတူချယ်က ဝေဖန်ခဲ့သလို ဘောလုံး တင်ဆက်သူတွေကလည်း ဝေဖန်မှုတွေ လုပ်ဆောင်ခဲ့ကြတာပါ။ 

ဆေးလ်ဗားရဲ့ဇနီးဖြစ်သူ ဘယ်လီဟာ ဘရန့်ဖို့ဒ်နဲ့ပွဲစဉ်ကို ပွဲတင်ဆက်သူတွေရှိတဲ့ အနား ကပွဲကြည့်စင်ကနေ အားပေးခဲ့တာပါ။ တင်ဆက်သူတွေက နောက်ခံလူ သီယာဂိုဆေးလ်ဗားရဲ့ စွမ်းဆောင်ရည်ကို လုံလောက်မှုမရှိကြောင်း ဝေဖန်ခဲ့ကြပါတယ်။ 

ဆေးလ်ဗားရဲ့ဇနီးဖြစ်သူ ဘယ်လီကတော့ အဲဒီလိုဝေဖန်ခံရတဲ့အပေါ် အင်စတာ ဂရမ်ကနေတစ်ဆင့် ဗွီဒီယိုရိုက်ပြီး ဆေးလ်ဗားက စက်ရုပ်မဟုတ်ဘဲ အနားယူဖို့ လိုအပ်ကြောင်း ပြန်လည်ဝေဖန်သွားခဲ့ပါတယ်။ 

“သီယာဂိုဆေးလ်ဗားကို လေးစားမှုရှိသင့်ပါတယ်။ သူက မနေ့ကမှ ဘရာဇီးကနေပြန်ရောက်ပြီး အလွန်ပင်ပန်းနေပါတယ်။ သူ့အသက်က ၃၇ နှစ်ရှိပြီဖြစ်ပေမယ့် အသက် ၂၀ လူငယ်တစ်ယောက်လို ကစားနေရတယ်။ ဒါကြောင့် သူ့ကို လေးစားမှုရှိပါ။ သူကစက်ရုပ် မဟုတ်ပါဘူး။ အနားယူဖို့လိုပါတယ်” လို့ ဇနီးဖြစ်သူက ပြန်လည်တုံ့ပြန်ခဲ့တာပါ။ 

သူမဟာ အသင်းတိုက်စစ်မှူး တီမိုဝါနာ ဂိုးပေါက်ပျောက်နေစဉ်ကလည်း အင်စတာဂရမ်ကနေ ဝေဖန်မှုတချို့ လုပ်ဆောင်ခဲ့ဖူးပါတယ်။