အီကွေဒေါအသင်းဟာ ကမ္ဘာ့ဖလားခြေစစ်ပွဲတွေမှာ တရားမဝင်ကစားသမား အသုံးပြုဖွယ်ရှိ တာကြောင့် ပြိုင်ပွဲကနေ ထုတ်ပယ်ခံရဖို့ နီးစပ်နေပါတယ်။

အီကွေဒေါအသင်းဟာ တောင်အမေရိကဇုန်ကမ္ဘာ့ဖလား ခြေစစ်ပွဲအောင်မြင်ခဲ့ပြီးနောက် ကာတာနိုင်ငံမှာ ကျင်းပမယ့်ကမ္ဘာ့ဖလားပြိုင်ပွဲ ဝင်ခွင့်ရရှိခဲ့တာပါ။

အုပ်စုအဆင့်ပွဲစဉ်တွေအနေနဲ့ ကာတာ၊ ဟော်လန်နဲ့ ဆီနီဂေါအသင်းတွေနဲ့ အတူ အုပ်စု A မှာ တွေ့ဆုံခဲ့ပါတယ်။

ဒါပေမဲ့ ခြေစစ်ပွဲစဉ်တွေတုန်းက တရားမဝင်ကစားသမားတယောက် အသုံးပြုခဲ့တယ်လို့ ချီလီအသင်းက တိုင်ကြားထားလို့ စုံစမ်းစစ်ဆေးခံနေရတာပါ။

နောက်ဆုံးသတင်းတွေအရ အီကွေဒေါအသင်းအသုံးပြုခဲ့တဲ့ ညာနောက်ခံလူ ဘိုင်ယွန်ကတ်စ်တယ်လိုဟာ ကိုလံဘီယာမှာ မွေးဖွားခဲ့သူဖြစ်ပြီး နိုင်ငံကူးလက်မှတ်အတုပြုလုပ်ပြီး အီကွေဒေါနိုင်ငံ ကိုယ်စားပြုကစားခဲ့ကြောင်း သက်သေအထောက်အထားတချို့တွေ့ရှိလာခဲ့တာပါ။

ကတ်စ်တယ်လိုဟာ အီကွေဒေါစီးပွားရေးလုပ်ငန်းရှင်တစ်ဦးရဲ့ ကိုယ်ရေးအချက်အလက်တွေနဲ့ နိုင်ငံကူးလက်မှတ်ပြုလုပ်ခဲ့တယ်လို့ သတင်းထွက်လာပါတယ်။

သူဟာ ကိုလံဘီယာနိုင်ငံ တူမာကိုမြို့မှာမွေးခဲ့ပြီး အီကွေဒေါနိုင်ငံ ဆန်လိုရန်ဇိုကို ပြောင်းရွှေ့အခြေချခဲ့သူပါ။

ဒီကိစ္စအပေါ် ဖီဖာကဘက် ထုတ်ပြန်ကြေညာထား တာမျိုးမရှိသေးပါဘူး။ သတင်းတွေအတိုင်း ဖြစ်ခဲ့ရင်တော့ အီကွေဒေါအသင်းနေရာမှာ ချီလီအသင်းက အစားထိုးကစားခွင့်ရှိမှာဖြစ်ပါတယ်။ 

တောင်အမေရိကဇုန် ကမ္ဘာ့ဖလား ခြေစစ်ပွဲစဉ်တွေမှာ တရားမဝင် ကစားသမား အသုံးပြုခဲ့တဲ့ အီကွေဒေါအသင်းကို ပြိုင်ပွဲကနေ ထုတ်ပယ်ဖို့ ချီလီအသင်းက တောင်းဆိုထားပါတယ်။

အီကွေဒေါအသင်းဟာ ခြေစစ်ပွဲစဉ်တွေ အပြီးမှာ ကမ္ဘာ့ဖလားခြေစစ်ပွဲ တိုက်ရိုက်အောင်မြင်ခဲ့ပြီးနောက် ကာတာ၊ ဟော်လန်နဲ့ ဆီနီဂေါတို့ ပါဝင်တဲ့ အုပ်စု A မှာ ကျရောက်ခဲ့ပါတယ်။

ကမ္ဘာ့ဖလားခြေစစ်ပွဲ မအောင်မြင်ခဲ့တဲ့ ချီလီအသင်းဟာ အီကွေဒါအသင်းအနေနဲ့ ကိုလံဘီယာဖွား ကစားသမားတဦးကို တရားမဝင်အသုံးပြုခဲ့ကြောင်း စွပ်စွဲခဲ့ပြီး ကမ္ဘာ့ဘောလုံးအဖွဲ့ချုပ်ကို စုံစမ်းစစ်ဆေးဖို့ တိုင်ကြားခဲ့ပါတယ်။

ချီလီအသင်း စွပ်စွဲခဲ့တဲ့ ကစားသမားက ညာနောက်ခံလူ ဘိုင်ရွန်ကတ်စတယ်လို ဖြစ်ပြီး သူဟာ ကိုလံဘီယာနိုင်ငံမှာ မွေးဖွားခဲ့သူဖြစ်ပါတယ်။ ကတ်စတယ်လိုဟာ အီကွေဒေါနိုင်ငံ နယ်စပ်ရဲ့ အနီးအနားမှာရှိတဲ့ ကိုလံဘီယာနိုင်ငံက တူမာကိုဆိုတဲ့မြို့မှာ မွေးဖွားခဲ့ပြီး နိုင်ငံအသင်း ရွေးချယ်မှုနဲ့ပတ်သက်လို့ ၂၀၁၇ ခုနှစ်ကတည်းက ရှုပ်ထွေးမှုတွေ ဖြစ်ပေါ်ခဲ့ပါတယ်။

၂၀၂၁ ခုနှစ်အထိ အငြင်းပွားမှုတွေ ရှိခဲ့ပေမဲ့ နောက်ပိုင်းမှာ ဖီဖာက အတည်ပြုပေးခဲ့လို့ အီကွေဒေါအသင်းမှာ တရားဝင် ကစားခွင့်ရခဲ့တာ ဖြစ်ပါတယ်။

ဒါပေမဲ့ ချီလီအသင်းကတော့ ကတ်စတယ်လိုကို တရားမဝင် အသုံးပြုခဲ့တယ်ဆိုပြီး တိုင်ကြားထားကြောင်း ဖီဖာဘက်ကလည်း သတင်းထုတ်ပြန်ထားပြီး ဖြေရှင်းချက် ပေးသွားဖို့လည်း ရှိပါတယ်။