close

တရုတ်လေတပ်

close

August 31, 2022

တရုတ်တွင် ကျင်းပခဲ့သည့် လေကြောင်းပြပွဲသို့ လာရောက်သူ ၅ သိန်းနီးပါးရှိ

တရုတ်နိုင်ငံ ကျိလင်းပြည်နယ် ချန်ချွင်းမြို့မှာ ငါးရက်တာကျင်းပခဲ့တဲ့ ၂၀၂၂ ချန်ချွင်း လေကြောင်းပြပွဲနဲ့ လေတပ်ဖွင့်ပွဲနေ့ အခမ်းအနား ဩဂုတ် ၃၀ ရက်မှာ ပြီးဆုံးခဲ့ပြီး လာရောက်လည်ပတ်သူ ၅ သိန်းနီးပါး ရှိခဲ့တယ်လို့ တရုတ်အစိုးရရုပ်သံ CCTV က ပြောပါတယ်။

မော်ဒယ် ၁၁ မျိုး အပါအဝင် လေတပ်လေယာဉ် ၃၃ စင်းက လေကြောင်းဖျော်ဖြေပွဲတွေမှာ ပါဝင်ခဲ့ပြီး စက်ကိရိယာမော်ဒယ် ၆၄ မျိုးကို ပြပွဲနေရာတွေမှာ ခင်းကျင်း ပြသထားပါတယ်။

“ရှေ့တန်းတိုက်ခိုက်ရေးတပ်ဖွဲ့တွေအနေနဲ့ ဒီလေတပ်ဖွင့်ပွဲမှာ ပါဝင်မှုဟာ တပ်ဖွဲ့တွေရဲ့ တိုက်ခိုက်ရေးစွမ်းရည်ကို ကွက်ကွက်ကွင်းကွင်း ပြသခြင်းပါပဲ” လို့ လေတပ်လေယာဉ်မှူး ကျိလုဘင်က ပြောပါတယ်။

Y-20 သယ်ယူပို့ဆောင်ရေး လေယာဉ်ကို မကြာမီ ပထမဆုံးအကြိမ်အဖြစ် ဥရောပ နိုင်ငံတကာ လေကြောင်းပြပွဲမှာ ပြသတော့မှာပါ။

အများပြည်သူအတွက် လေကြောင်းလေ့ကျင့်ပုံတွေကိုလည်း ပြသခဲ့ပြီး လေယာဉ်ရဲ့ စွမ်းဆောင်ရည်ကောင်းမွန်မှုကို ပြသခဲ့ပါတယ်။

တရုတ်လေတပ်ဟာ KJ-500 နဲ့ GJ-2 မောင်းသူမဲ့ လေယာဉ်တွေလို လေကြောင်းကြိုတင်သတိပေးချက်နဲ့ ထိန်းချုပ်ရေးလေယာဉ်တွေကိုလည်း ပြသခဲ့ပါတယ်။

12 mins Ago

September 22, 2020

H-6 ဗုံးကြဲလေယာဉ်များ တိုက်ခိုက်သည့်ပုံစံ ရုပ်သံ တရုတ်လေတပ် ဖြန့်ချိ

အမေရိကန်နဲ့ တရုတ်ကြား ဆက်ဆံရေးတင်းမာမှု မြင့်တက်နေချိန်မှာပဲ ဂူအမ်ကျွန်းပေါ်က အမေရိကန်ရဲ့ အန်ဒါဆန် လေတပ်စခန်းဌာနချုပ် ဖြစ်ပုံရတဲ့နေရာကို တရုတ်ရဲ့ နျူကလီးယား လက်နက် တပ်ဆင်နိုင်တဲ့ H-6 ဗုံးကြဲလေယာဉ်တွေက တိုက်ခိုက်လေဟန် ပုံစံထုတ်ထားတဲ့ ရုပ်သံကို တရုတ်လေတပ်က ဖြန့်ချိလိုက်ပါတယ်။ တရုတ်ပြည်သူ့လွတ်မြောက်ရေး လေတပ်က တရုတ်နိုင်ငံအတွင်း ကျယ်ကျယ်ပြန့်ပြန့် သုံးတဲ့ ဝေဘို လူမှုကွန်ရက်စာမျက်နှာပေါ်မှာ စက်တင်ဘာ ၁၉ ရက်က တင်ခဲ့တာပါ။ တရုတ်ပြည်မကြီးအစိုးရဟာ ထိုင်ဝမ်ကျွန်းနားမှာ ဒုတိယမြောက်နေ့အဖြစ် စစ်ရေး လေ့ကျင့်နေချိန်မှာ ခုလို ထုတ်လွှင့်တာလည်း ဖြစ်ပါတယ်။ ထိုင်ဝမ်မြို့တော် ထိုင်ပေကို အမေရိကန်အကြီးတန်း နိုင်ငံခြားရေးအရာရှိ လာရောက် လည်ပတ်တဲ့အတွက် ဒေါသထွက်ကြောင်း ပြသတာလည်း ဖြစ်ပါတယ်။ ဂူအမ်ဟာ အာရှပစိဖိတ်ဒေသအတွင်း ဘယ်လို ပဋိပက္ခ ဖြစ်ပါစေ၊ တုံ့ပြန်ဖို့ အဓိကစစ်စခန်း ဖြစ်ပြီး လေတပ်အခြေစိုက်စခန်း အပါအဝင် အမေရိကန် စစ်တပ်ရဲ့ အကြီးစားပံ့ပိုးမှု အင်္ဂါရပ်တွေရှိရာ ကျွန်းလည်း ဖြစ်ပါတယ်။ ၂ မိနစ် ၁၅ စက္ကန့်ကြာတဲ့ ရုပ်သံနဲ့ပတ်သက်ပြီး သဘောထား မှတ်ချက်ပေးဖို့ တရုတ် ကာကွယ်ရေးဝန်ကြီးဌာနကိုရော အမေရိကန်ရဲ့ အင်ဒို-ပစိဖိတ် စစ်တိုင်းကိုပါ ဆက်သွယ် မေတ္တာရပ်ခံခဲ့ပေမဲ့ နှစ်ဘက်စလုံးက မတုံ့ပြန်သေးပါဘူး။
2 years Ago
Up