တရုတ်နိုင်ငံ ကျိလင်းပြည်နယ် ချန်ချွင်းမြို့မှာ ငါးရက်တာကျင်းပခဲ့တဲ့ ၂၀၂၂ ချန်ချွင်း လေကြောင်းပြပွဲနဲ့ လေတပ်ဖွင့်ပွဲနေ့ အခမ်းအနား ဩဂုတ် ၃၀ ရက်မှာ ပြီးဆုံးခဲ့ပြီး လာရောက်လည်ပတ်သူ ၅ သိန်းနီးပါး ရှိခဲ့တယ်လို့ တရုတ်အစိုးရရုပ်သံ CCTV က ပြောပါတယ်။

မော်ဒယ် ၁၁ မျိုး အပါအဝင် လေတပ်လေယာဉ် ၃၃ စင်းက လေကြောင်းဖျော်ဖြေပွဲတွေမှာ ပါဝင်ခဲ့ပြီး စက်ကိရိယာမော်ဒယ် ၆၄ မျိုးကို ပြပွဲနေရာတွေမှာ ခင်းကျင်း ပြသထားပါတယ်။

“ရှေ့တန်းတိုက်ခိုက်ရေးတပ်ဖွဲ့တွေအနေနဲ့ ဒီလေတပ်ဖွင့်ပွဲမှာ ပါဝင်မှုဟာ တပ်ဖွဲ့တွေရဲ့ တိုက်ခိုက်ရေးစွမ်းရည်ကို ကွက်ကွက်ကွင်းကွင်း ပြသခြင်းပါပဲ” လို့ လေတပ်လေယာဉ်မှူး ကျိလုဘင်က ပြောပါတယ်။

Y-20 သယ်ယူပို့ဆောင်ရေး လေယာဉ်ကို မကြာမီ ပထမဆုံးအကြိမ်အဖြစ် ဥရောပ နိုင်ငံတကာ လေကြောင်းပြပွဲမှာ ပြသတော့မှာပါ။

အများပြည်သူအတွက် လေကြောင်းလေ့ကျင့်ပုံတွေကိုလည်း ပြသခဲ့ပြီး လေယာဉ်ရဲ့ စွမ်းဆောင်ရည်ကောင်းမွန်မှုကို ပြသခဲ့ပါတယ်။

တရုတ်လေတပ်ဟာ KJ-500 နဲ့ GJ-2 မောင်းသူမဲ့ လေယာဉ်တွေလို လေကြောင်းကြိုတင်သတိပေးချက်နဲ့ ထိန်းချုပ်ရေးလေယာဉ်တွေကိုလည်း ပြသခဲ့ပါတယ်။