တရုတ်နိုင်ငံက၊ ဖူကျန်းပြည်နယ်ရဲ့ ရေကြောင်းလုံခြုံရေးဆိုင်ရာ အုပ်ချုပ်ရေးအဖွဲ့ဟာ ထိုင်ဝမ် ရေလက်ကြားမှာ တရုတ်ကမ်းခြေစောင့်သင်္ဘောတွေ ကင်းလှည့်နေတဲ့ ဗီဒီယိုမှတ်တမ်းကို ဧပြီ ၆ ရက်မှာ ထုတ်ပြန်လိုက်ပါတယ်။ 

ဧပြီ ၅ ရက်မှာ ထိုင်ဝမ်သမ္မတဖြစ်သူ ဆိုင်အင်ဝမ်က အမေရိကန် အောက်လွှတ်တော်ဥက္ကဋ္ဌ ကက်ဗင် မက်ကာသီနဲ့ တွေ့ဆုံခဲ့တဲ့အပေါ် တရုတ်ပြည်မကြီးဘက်က လက်တုံ့ပြန်တဲ့အနေနဲ့ ၃ ရက်ကြာ ကင်းလှည့်စစ်ဆေးမယ့် အထူးစစ်ဆင်ရေးရဲ့ ဒုတိယမြောက်နေ့လည်း ဖြစ်ပါတယ်။

ထိုင်ဝမ်ရေလက်ကြား အလယ်ပိုင်းက ပူးပေါင်းစစ်ဆင်ရေးအတွင်း ဟေ့ဆန်-၀၆ အမည်ရ ကင်းလှည့် ကယ်ဆယ်ရေး သင်္ဘောတစ်စီး ဦးဆောင်လာတဲ့ ရေကြောင်းဥပေဒစိုးမိုးမှုဆိုင်ရာ ရေယာဉ်စုကို  ဗီဒီယိုမှတ်တမ်းထဲမှာ ပြသထားပါတယ်။

တရုတ်အရှေ့တောင်ပိုင်းပြည်နယ်က အာဏာပိုင်တွေဟာ ဒီစစ်ဆင် ရေးအတွင်း ထိုင်ဝမ် ရေလက်ကြားရဲ့ မြောက်ပိုင်းနဲ့ အလယ်ပိုင်းနေရာတွေမှာ ကုန်တင်သင်္ဘောတွေ အပါအဝင် ဝမ်းပြားသင်္ဘောကြီးတွေကိုပါ စစ်ဆေးခဲ့တာ ဖြစ်ပါတယ်။ 

သင်္ဘောသွားလာမှုဆိုင်ရာ ဘေးကင်းမှု အပြင် ရေပေါ်က အဓိကစီမံကိန်းကြီးတွေရဲ့ စနစ်တကျ လုပ်ငန်းလည်ပတ်မှုနဲ့ လုံခြုံရေး သေချာမှုရှိအောင် ရည်ရွယ်တာလို့လည်း ဆိုပါတယ်။

ဒီရေတပ်သင်္ဘောစုဟာ ထိုင်ဝမ်ရေလက်ကြားရဲ့ မြောက်ဘက်ရေပြင်မှာလည်း ဆက်လက် ကင်းလှည့်သွားမှာပါ။

ထိုင်ဝမ်ကို ပြည်မကြီးအနေနဲ့ ပိုင်ဆိုင်ကြောင်း တရုတ်နိုင်ငံဘက်က အခိုင်အမာပြောဆိုထားသလို ထိုင်ဝမ်ရေလက်ကြားဟာလည်း တရုတ်နိုင်ငံရဲ့ အချုပ်အချာ အာဏာပိုင် နယ်မြေဖြစ်တယ်လို့ ဆိုပါတယ်။ 

စစ်အေးကာလ ရန်လိုမှုမြင့်တက်ခဲ့ရာ ၁၉၅၄ ခုနှစ်မှာ အမေရိကန် ဗိုလ်ချုပ်ကြီးတစ်ဦး ရေးဆွဲခဲ့တဲ့ ကြားနေမျဉ်းအပေါ် တရုတ်နိုင်ငံဘက်က တရားဝင် အသိအမှတ်ပြုမှု မရှိပေမယ့် တရုတ်စစ်တပ်ကတော့ ဒီအပေါ်မှာ နှစ်ပေါင်းများစွာ လေးစားမှုရှိခဲ့ပါတယ်။

တရုတ်နိုင်ငံရဲ့ ရှန်တုန်း လေယာဉ်တင်သင်္ဘောဟာ ထိုင်ဝမ်ရေလက်ကြားကို ဒီနေ့ ဖြတ်သန်းခုတ်မောင်းခဲ့တာကြောင့် အမေရိကန် ဖျက်သင်္ဘောတစီးက နောက်ယောင်ခံ လိုက်ခဲ့တယ်လို့ ရိုက်တာသတင်းမှာ ဖော်ပြပါတယ်။

ဒါဟာ တရုတ်နဲ့ အမေရိကန် နှစ်နိုင်ငံခေါင်းဆောင်တွေ မဆွေးနွေးခင်လေးမှာ ကပ်ပြီး ဖြစ်သွားတာပါ။

ရှန်တုန်း လေယာဉ်တင်သင်္ဘောမှာ ပုံမှန် သင်တန်းအချိန်ဇယားရှိတယ်လို့ ယုံကြည်ကြောင်း တရုတ်နိုင်ငံခြားရေး ဝန်ကြီးဌာန ပြောခွင့်ရ ကျောက်လိကျန်းက မတ်လ ၁၈ ရက် သတင်းစာရှင်းလင်းပွဲမှာ ပြောပါတယ်။

တရုတ်နိုင်ငံ ရှားမဲန်းမြို့နဲ့ မျက်နှာချင်းဆိုင်တည့်တည့်မှာ ရှိပြီး ထိုင်ဝမ်အစိုးရက ထိန်းချုပ်ထားတဲ့ ကင်းမဲန်းကျွန်းနားကို ဖြတ်ပြီး တရုတ်ပြည်မကြီးအစိုးရရဲ့ ရှန်တုံး လေယာဉ်တင်သင်္ဘောက ခုတ်မောင်းခဲ့တာလို့ မီဒီယာပြောခွင့်ရ မဟုတ်တဲ့ တရုတ်သတင်းရင်းမြစ်က ဆိုပါတယ်။

ဒီဖြစ်ရပ်ဟာ တရုတ်သမ္မတ ရှီကျင့်ဖျင်နဲ့ အမေရိကန် သမ္မတ ဂျိုးဘိုင်ဒင်တို့ မတ်လ ၁၈ ရက် နှောင်းပိုင်းမှာ ဖုန်းခေါ်ဆိုမှု ဆွေးနွေးမယ့် ကိစ္စနဲ့ မပတ်သက်သင့်ဘူးလို့ တရုတ် ကျောက်လိကျန်းက ပြောပါတယ်။