ကပ်ရောဂါကူးစက်မှု ကျဆင်းလာတာနဲ့အမျှ ရွှေ့ပြောင်းအခြေချမှု မြင့်တက်လာတာကြောင့် ပုံမှန်မဟုတ်တဲ့ လမ်းကြောင်းတွေကနေ ဝင်ရောက်လာမှုကို တားဆီးနိုင်ဖို့နဲ့ အဲဒီလူတွေကို နေရပ်ပြန်လွှတ်နိုင်ဖို့ ဥရောပသမဂ္ဂ အီးယူဝန်ကြီးတွေဟာ ဇန်နဝါရီလ ၂၆ ရက်က နည်းလမ်းတွေ ရှာဖွေခဲ့ကြပါတယ်။

ဒီရွှေ့ပြောင်းအခြေချသူတွေကို နိုင်ငံပြင်ပ နယ်စပ်စည်းရိုးတွေနဲ့ ဥရောပပြင်ပက ခိုလှုံရေးနေရာတွေနဲ့ ပတ်သက်လို့ ဒီအငြင်းပွားစရာ အယူအဆတွေ ပေါ်ပေါက်လာခဲ့ပြန်ပါတယ်။

မနှစ်တုန်းက ခွင့်ပြုချက်မရှိဘဲ တရားမဝင် ရောက်လာသူ ၃၃၀၀၀၀ လောက် ရှိကြောင်းနဲ့  ဒါဟာ အနောက်ဘက် ဘော်လ်ကန်ဒေသလမ်းကြောင်းကနေ ရွှေ့ပြောင်းအခြေချမှု သိသိသာသာ မြင့်တက်လာတာဖြစ်ပြီး  ၂၀၁၆ ခုနှစ် နောက်ပိုင်းအများဆုံးဖြစ်တယ်လို့ အီးယူ နယ်စပ် အေဂျင်စီ Frontex က ဆိုပါတယ်။ 

ပုံမှန်မဟုတ်တဲ့ ရွှေ့ပြောင်းဝင်ရောက်လာမှု အများအပြားရှိပေမယ့် ပြန်ထွက်သွားတဲ့နှုန်းကတော့ အလွန်နည်းပါးတယ်လို့ အီးယူပြည်ထဲရေးကော်မရှင်နာ ယိုဗာဂျိုဟန်ဆန်က အီးယူ ရွှေ့ပြောင်း နေထိုင်ရေး ဝန်ကြီး ၂၇ ဦးနဲ့ အစည်းအဝေးအတွင်းမှာ ပြောပါတယ်။ 

အီရတ်နဲ့ဆီနီဂေါ နိုင်ငံတို့အပါအဝင် နိုင်ငံပေါင်း ၂၀ လောက်ကို ဗီဇာနဲ့ဖွံ့ဖြိုးရေးဆိုင်ရာ အကူအညီတွေကတဆင့် ဖိအားပိုပေးဖို့အတွက် ဒိန်းမတ်၊ နယ်သာလန်နဲ့ လတ်ဗီယားနိုင်ငံတို့က ပါဝင်တောင်းဆိုခဲ့ကြပါတယ်။ 

နိုင်ငံတကာရဲ့ အကာအကွယ်ပေးမှုကို မလိုအပ်တဲ့သူတွေရဲ့  ပုံမှန်မဟုတ်တဲ့ ဝင်ရောက်လာမှု တွေကို တားဆီးဖို့က ပြန်ခိုင်းလိုက်တာဟာ အထိရောက်ဆုံး ဖိအားပေးမှုတွေထဲက တခုဖြစ်တယ်လို့ အစည်းအဝေးတွေအပြီး သတင်းစာရှင်းလင်းပွဲမှာ ယိုဗစ်ဂျိုဟန်ဆန်က ပြောသွားပါတယ်။ 

ရိုက်တာသတင်းဌာနက သိရှိထားတဲ့ ပူးတွဲဆုံးဖြတ်ချက်မူကြမ်းအရ ပြန်ခိုင်းမယ့်နည်းလမ်းတွေကို ရှာနေကြတဲ့ အီးယူခေါင်းဆောင်တွေဟာ ဖေဖော်ဝါရီ ၉ ရက်မှ ၁၀ ရက်အထိ ကျင်းပမယ့် ထိပ်သီးအစည်းအဝေး မတိုင်ခင် ဝန်ကြီးအဆင့် အစည်းအဝေးတွေကို အရင်ပြုလုပ်နေတာ ဖြစ်ပါတယ်။   

မအူပင်မြို့က အာဏာသိမ်း စစ်ကောင်စီ အလိုမရှိကြောင်း ဆန္ဒထုတ်ဖော်သူတွေဟာ လုံခြုံရေးတပ်ဖွဲ့ဝင်တွေက ပိတ်ဆို့တားဆီးတာကြောင့် ရပ်ကွက်လမ်းကြိုလမ်းကြားများထဲ လှည့်လည် ဆန္ဒပြခဲ့ကြပါတယ်။

ဧရာဝတီတိုင်း မအူပင်မြို့မှာ ဖေဖော်ဝါရီ ၂၇ ရက်နေ့ အာဏာသိမ်းစစ်ကောင်စီ အလိုမရှိကြောင်း ဆန္ဒထုတ်ဖော်ကြတဲ့ ကျောင်းသားသပိတ်စစ်ကြောင်းကို လုံခြုံရေးတပ်ဖွဲ့တွေက ပိတ်ဆိုတားဆီးတာကြောင့် ရှောင်ကွင်းဆန္ဒပြခဲ့ကြပါတယ်။

မအူပင်မြို့ခံတဦးက “ပုံမှန်ဆို မအူပင်မြို့ ကမ်းနားလမ်း တိုးရွှေဝါခန်းမ အရှေ့မှာလူစုပြီး စတင်ချီတတ်တာ နေ့တိုင်းလိုပေါ့။ အခုတော့ မနက်မိုးလင်းတည်းက ရဲတပ်ဖွဲ့အင်အား အတော်များများတွေ့နေရပြီး ဆန္ဒဖော်ထုတ်တဲ့ စစ်ကြောင်းတွေကလည်း ရဲရှိတဲ့နေရာကမထွက်ဘဲ ဘယ်လိုဘယ်လိုလမ်းပေါ်ရောက်လာလည်း မသိရဘူး” လို့ ပြောပါတယ်။

ဒီကနေ့ ဆန္ဒပြပွဲကို နွေဦးတော်လှန်ရေး ကျောင်းသားသမဂ္ဂစစ်ကြောင်းက ဦးဆောင်ပြီး အင်ဂျင်နီယာစစ်ကြောင်း၊ တောင်သူလယ်သမားတွေနဲ့ ပြည်သူတွေ ပါဝင်ခဲ့ကြပါတယ်။

ဆန္ဒပြသူတွေဟာ မအူပင်မြို့ အထင်ကရ လမ်းမကြီးပေါ်တွေမှာ လုံခြုံရေးအင်အားအများအပြားချကာ ပိတ်ဆို့မှုတွေ ပြုလုပ်နေတာကြောင့် ရပ်ကွက်ထဲက လမ်းကြိုလမ်းကြားတွေမှာ လှည့်လည်ဆန္ဒပြတာတွေ ပြုလုပ်ခဲ့ကြပါတယ်။