close

တိုက်စစ်မှူးဆွာရက်ဇ်

close

July 23, 2022

တိုက်စစ်မှူးဆွာရက်ဇ်ပြန်လာရန် မွေးရပ်မြေကလပ်ပရိသတ်၂၀,၀၀၀ ခန့် တောင်းဆို

တိုက်စစ်မှူးဆွာရက်ဇ် ပြန်လည်ပြောင်းရွှေ့လာဖို့ မွေးရပ်မြေ ဥရုဂွေးကလပ်ပရိသတ်တွေက တောင်းဆိုခဲ့ကြပါတယ်။

ဆွာရက်ဇ်ဟာ စပိန်ကလပ် အက်သလက်တီကိုမက်ဒရစ်နဲ့ စာချုပ် သက်တမ်းကုန်ဆုံးခဲ့တာကြောင့် အသင်းလက်မဲ့ဖြစ်နေချိန်မှာ သူပထမဆုံးကစားခဲ့တဲ့ မွေးရပ် မြေကလပ် နေရှင်နယ်အသင်းပရိသတ်တွေက ပြန်လာဖို့တောင်းဆိုခဲ့ကြတာပါ။

ဥရုဂွေးထိပ်သီးကလပ် နေရှင်နယ်အသင်းပရိသတ် ၂၀၀၀၀ လောက်ဟာ ကာရစ်တိုအသင်းနဲ့ အိမ်ကွင်းလိဂ်ပွဲစဉ်မှာ ပွဲချိန် ၉ မိနစ်မှာ ဆွာရက်ဇ်ပုံပါ မျက်နှာဖုံးတွေကို တပ်ဆင်ပြီး အသင်းဟောင်းဆီပြန်လာဖို့ တောင်းဆိုခဲ့ကြပါတယ်။

အသက် ၃၅ နှစ်ရှိပြီဖြစ်တဲ့ ဆွာရက်ဇ်ဟာ သူ့အသက် ၁၈ နှစ်အရွယ်မှာ နေရှင်နယ်အသင်းနဲ့ ပထမဆုံးပရော်ဖက်ရှင်နယ်ပွဲစဉ် ကစားခဲ့ပြီး လိဂ်ချန်ပီယံဖြစ်အောင် စွမ်း ဆောင်နိုင်ခဲ့ပါတယ်။ ဆွာရက်ဇ်ကိုခေါ်ယူဖို့ ဂျာမန်ကလပ် ဒေါ့မွန်အသင်းကလည်း စိတ်ဝင်စားနေပါတယ်။

14 mins Ago

September 22, 2020

ဘာစီလိုနာတိုက်စစ်မှူးဆွာရက်ဇ် အက်သလက်တီကိုမက်ဒရစ်အသင်းဆီ ပြောင်းရွှေ့

ဘာစီလိုနာတိုက်စစ်မှူး ဆွာရက်ဇ်ဟာ အက်သလက်တီကိုမက်ဒရစ်အသင်းကို ပြောင်းရွှေ့ဖို့ သဘောတူညီမှု ရရှိသွားပြီလို့ သိရပါတယ်။  ဘာစီလိုနာအသင်းသမိုင်းမှာ တတိယမြောက်ဂိုးသွင်းအများဆုံး ကစားသမားဖြစ်တဲ့ ဆွာရက်ဇ်ကို နည်းပြ ရော်နယ်ကိုးမန်းက သူ့ရဲ့အစီအစဉ်မှာ ထည့်သွင်းမထားတာကြောင့် အသင်းသစ် ရှာဖွေခဲ့တာလို့ သိရပါတယ်။  အသက် ၃၃ နှစ်ရှိ ဥရုဂွေး တိုက်စစ်မှူးဟာ ဘာစီလိုနာနဲ့ စာချုပ်သက်တမ်း တစ်နှစ်သာ ကျန်ရှိတော့တာ ဖြစ်ပါတယ်။ စပိန်သတင်းစာ မန်ဒိုဒီပို့တီဗိုရဲ့ အဆိုအရ အက်သလက်တီကိုအသင်းဟာ ဆွာရက်ဇ်ကို ၂ နှစ် စာချုပ် ချုပ်ဆိုသွားမယ်လို့ သိရပါတယ်။  အက်သလက်တီကို တိုက်စစ်မှူး မိုရာတာကတော့ ဂျူဗင်တပ်စ်အသင်းဆီ ပြန်လည်ပြောင်းရွှေ့သွားပြီ ဖြစ်ပါတယ်။ ဆွာရက်ဇ်ဟာ ၂၀၁၄ ခုနှစ်က လီဗာပူးကနေ ပြောင်းရွှေ့လာခဲ့ပြီး ဘာစီလိုနာနဲ့ စုစုပေါင်း ၂၈၃ ပွဲမှာ ၁၉၈ ဂိုး သွင်းယူနိုင်ခဲ့ပါတယ်။
2 years Ago
Up