close

နာဒယ်လ်

close

December 18, 2021

အန်ဒီမာရေးက နာဒယ်လ်ကို အနိုင်ယူပြီး ဗိုလ်လုပွဲတက်

အာရတ်စော်ဘွားများနိုင်ငံ ယူအေအီးနိုင်ငံ၊ အဘူဒါဘီမြို့မှာ မနေ့က ယှဉ်ပြိုင်သွားတဲ့ ချစ်ကြည်ရေး တင်းနစ်ပြိုင်ပွဲ အကြိုဗိုလ်လုပွဲမှာ ကမ္ဘာ့နံပါတ်တစ် ဖြစ်ခဲ့ဖူးတဲ့ အန်ဒီမာရေးက ရာဖေးနာဒယ်လ်ကို ၆-၃ ၊ ၇-၅ နဲ့ အနိုင်ရသွားပါတယ်။

နာမည်ကျော် တင်းနစ်သမားနှစ်ယောက် ၅ နှစ်ကျော်ကာလမှာ  ပထမဆုံး ပြန်လည်တွေ့ဆုံကြတဲ့ ပွဲလည်း ဖြစ်ပါတယ်။

ဒီပွဲဟာ ဂရန်းစလန်း ချန်ပီယံ အကြိမ် ၂၀ ရဖူးတဲ့ နာဒဲလ်အတွက် ၄ လအတွင်း ပထမဆုံး ပြန်ကစားတဲ့ပွဲလည်း ဖြစ်ပါတယ်။

ဒူးခေါင်းဒဏ်ရာကြောင့်  နာဒယ်လ်ဟာ ဝင်ဘယ်တန်၊ တိုကျိုအိုလံပစ်နဲ့ ယူအက်စ်အိုးပင်းတို့မှာ ဝင်မပြိုင်နိုင်ခဲ့ပါဘူး။

အနိုင်ရတဲ့ မာရေးဟာ ရုရှားတင်းနစ်သမား အန်ဒရေးရူဘလက်နဲ့ ဗိုလ်လုပွဲမှာ တွေ့ရမှာဖြစ်ပြီး ရှုံးသွားတဲ့ နာဒယ်လ်ကတော့ ကနေဒါ တင်းနစ်သမား ဒန်းနစ်ရှာပိုဘောလော့ဗ်နဲ့ တတိယနေရာအတွက် ယှဉ်ပြိုင်ရမှာ ဖြစ်ပါတယ်။

39 seconds Ago

October 12, 2020

ပြင်သစ် အိုးပန်းတင်းနစ်ဗိုလ်လုပွဲတွင် နာဒယ်လ်က ဂျိုကိုဗစ်ကို သုံးပွဲပြတ်အနိုင်ရ

ပြင်သစ်နိုင်ငံ ပဲရစ်မှာ မနေ့က ယှဉ်ပြိုင်သွားတဲ့ ပြင်သစ်အိုးပန်း တင်းနစ်ပြိုင်ပွဲ ဗိုလ်လုပွဲမှာ ရာဖေးနာဒယ်လ်က နိုဗက်ဂျိုကိုဗစ်ကို အနိုင်ရသွားပါတယ်။ စပိန်နိုင်ငံသား နာဒယ်လ်က အခုပြိုင်ပွဲမှာ သူ့ရဲ့ အကောင်းဆုံးလက်စွမ်းကို ပြသပြီး ကမ္ဘာ့နံပါတ်တစ်ဖြစ်တဲ့ ဂျိုကိုဗစ်ကို ၃ ပွဲပြတ်နဲ့ အနိုင်ယူသွားတာပါ။ ပြင်သစ်အိုးပန်း ချန်ပီယံဆုဟာ ရာဖေးနာဒယ်လ်အတွက် ၁၃ ကြိမ် ရယူနိုင်တဲ့ ဆုဖလားလည်း ဖြစ်ပါတယ်။ အသက် ၃၄ နှစ်အရွယ် မြေစေးကွင်းဘုရင် နာဒယ်လ်အတွက်တော့ ပြင်သစ်အိုးပန်း ချန်ပီယံဆုဟာ အကြိမ် ၂၀ မြောက်ရတဲ့ ဂရန်းစလန်း ဆုဖလား ဖြစ်ပါတယ်။  ဒါကြောင့် နာဒယ်လ်ဟာ အမျိုးသား တဦးချင်းမှာ နာမည်ကြီး တင်းနစ်သမား ရော်ဂျာဖက်ဒရာ တင်ထားတဲ့ ဂရန်းစလန်းဆုဖလားအကြိမ် ၂၀ ရတဲ့ စံချိန်ကို အမီလိုက်နိုင်ခဲ့ပါတယ်။
1 year Ago
Up