close

နိစ်အသင်း

close

August 2, 2022

လက်စတာဂိုးသမား ရှမိုက်ကယ် ပြင်သစ်ကလပ် နိစ်အသင်းသို့ ပြောင်းရွှေ့မည်

လက်စတာဂိုးသမား ရှမိုက်ကယ်ဟာ ပြင်သစ်ကလပ် နိစ်အသင်းဆီ ပြောင်းရွှေ့ဖို့ ဆုံးဖြတ်ခဲ့ပါတယ်။

အသက် ၃၅ နှစ်ရှိ ဒိန်းမတ်ဂိုးသမားဟာ လာမယ့် ၄၈ နာရီအတွင်းမှာ နိစ်အသင်းနဲ့ ဆေးစစ်မှုခံယူမှာဖြစ်ပြီး နည်းပြ ဘရန်ဒန်ရော်ဂျာကလည်း အရိပ်အမြွက် ပြောထားပါတယ်။

ရှမိုက်ကယ်ဟာ လက်စတာအသင်းနဲ့အတူ ချန်ပီယံရှစ်ကနေ ပရီးမီးယားလိဂ် ချန်ပီယံဆုဖလား ရရှိအောင် စွမ်းဆောင်နိုင်ခဲ့ပြီး ၁၁ နှစ်ကြာ ပါဝင်ကစားခဲ့ပါတယ်။

ရှမိုက်ကယ်ဟာ နှစ်ပေါင်းများစွာ လက်စွမ်းပြခဲ့ပြီး မိမိနည်းပြဘဝအချိန်တွေမှာလည်း ခမ်းနားတဲ့ကစားသမား ဖြစ်ခဲ့ကြောင်း၊ ဘယ်လိုအပြောင်းအလဲတွေပဲရှိရှိ အသင်းတိုးတက်အောင်မြင်ဖို့အတွက် ရှေ့ဆက်သွားရမှာဖြစ်ကြောင်း လက်စတာနည်းပြ ရော်ဂျာက ပြောပါတယ်။

ဒါ့အပြင် နိစ်အသင်းကခေါ်ယူဖို့ စိတ်ဝင်စားနေတာကိုလည်း နည်းပြ ရော်ဂျာက အတည်ပြုခဲ့ပြီး ကတ်စ်ပါဟာ သူ့ရဲ့ကစားသမားဘဝအတွက် ရွေးချယ်ခွင့်ရှိကြောင်း ပြောသွားပါတယ်။

13 mins Ago

January 25, 2022

မန်ယူကွင်းလယ်လူ လင်ဂတ်ကို ခေါ်ယူရန် ပြင်သစ်ကလပ် နိစ်အသင်း ကြိုးပမ်းလာ

မန်ယူနိုက်တက်ကွင်းလယ်လူ လင်ဂတ်ကိုခေါ်ယူဖို့အတွက် ပြင်သစ်ကလပ် နိစ်အသင်းကပါ ကြိုးပမ်းလာခဲ့ပါတယ်။

လင်ဂတ်ဟာ အိုးထရက်ဖို့ဒ်မှာ ပွဲထွက်ခွင့် ပျောက်ဆုံးနေတာကြောင့် အသင်းပြောင်းရွှေ့ဖို့ ဆန္ဒရှိနေတာပါ။ နယူးကာဆယ်အသင်းကလည်း ခေါ်ယူဖို့ ကမ်းလှမ်းထားပေမဲ့ လက်ရှိအချိန်အထိတော့ အကြောင်းမထူးသေးပါဘူး။

လင်ဂတ်ဟာ အခုနှစ်ရာသီအကုန်မှာ စာချုပ်သက်တမ်းကုန်ဆုံးမှာဖြစ်လို့ ပြောင်းရွှေ့ကြေးအလွတ်နဲ့ ထွက်ခွာခွင့်မပြုရဖို့ဆိုရင် လက်ရှိအပြောင်းအရွှေ့မပိတ်ခင်မှာ ရောင်းချဖို့ လိုအပ်ပါတယ်။

နိစ်အသင်းဟာ ပြင်သစ်လီဂူးဝမ်း အဆင့် ၂ မှာရပ်တည်နေပြီး နည်းပြ ခရစ္စတိုဖာဂယ်တီယာဟာ ပြီးခဲ့တဲ့နှစ်က ဝက်စ်ဟမ်းကို အငှားထွက်မကစားခင်တုန်းကလည်း လင်ဂတ်ကိုခေါ်ယူဖို့ စိတ်ဝင်စားခဲ့ဖူးပါတယ်။

နယူးကာဆယ်အသင်းကလည်း လင်ဂတ်ကို အငှားစာချုပ်နဲ့ ခေါ်ယူဖို့ ဒုတိယအကြိမ် ထပ်မံကမ်းလှမ်းထားတယ်လို့ သိရပါတယ်။

6 months Ago
Up