လက်စတာဂိုးသမား ရှမိုက်ကယ် ပြင်သစ်ကလပ် နိစ်အသင်းသို့ ပြောင်းရွှေ့မည်
လက်စတာဂိုးသမား ရှမိုက်ကယ်ဟာ ပြင်သစ်ကလပ် နိစ်အသင်းဆီ ပြောင်းရွှေ့ဖို့ ဆုံးဖြတ်ခဲ့ပါတယ်။
အသက် ၃၅ နှစ်ရှိ ဒိန်းမတ်ဂိုးသမားဟာ လာမယ့် ၄၈ နာရီအတွင်းမှာ နိစ်အသင်းနဲ့ ဆေးစစ်မှုခံယူမှာဖြစ်ပြီး နည်းပြ ဘရန်ဒန်ရော်ဂျာကလည်း အရိပ်အမြွက် ပြောထားပါတယ်။
ရှမိုက်ကယ်ဟာ လက်စတာအသင်းနဲ့အတူ ချန်ပီယံရှစ်ကနေ ပရီးမီးယားလိဂ် ချန်ပီယံဆုဖလား ရရှိအောင် စွမ်းဆောင်နိုင်ခဲ့ပြီး ၁၁ နှစ်ကြာ ပါဝင်ကစားခဲ့ပါတယ်။
ရှမိုက်ကယ်ဟာ နှစ်ပေါင်းများစွာ လက်စွမ်းပြခဲ့ပြီး မိမိနည်းပြဘဝအချိန်တွေမှာလည်း ခမ်းနားတဲ့ကစားသမား ဖြစ်ခဲ့ကြောင်း၊ ဘယ်လိုအပြောင်းအလဲတွေပဲရှိရှိ အသင်းတိုးတက်အောင်မြင်ဖို့အတွက် ရှေ့ဆက်သွားရမှာဖြစ်ကြောင်း လက်စတာနည်းပြ ရော်ဂျာက ပြောပါတယ်။
ဒါ့အပြင် နိစ်အသင်းကခေါ်ယူဖို့ စိတ်ဝင်စားနေတာကိုလည်း နည်းပြ ရော်ဂျာက အတည်ပြုခဲ့ပြီး ကတ်စ်ပါဟာ သူ့ရဲ့ကစားသမားဘဝအတွက် ရွေးချယ်ခွင့်ရှိကြောင်း ပြောသွားပါတယ်။
