နီကာရာဂွါ အတိုက်အခံခေါင်းဆောင်တွေအပါအဝင် နိုင်ငံရေးအကျဉ်းသား ၂၀၀ ကျော်ကို ဖေဖော်ဝါရီ ၉ ရက်က လွှတ်ပေးလိုက်တာဟာ ဝါရှင်တန်ကို ဗဟိုအမေရိကနိုင်ငံအပေါ် ပိတ်ဆို့ အရေးယူမှုတွေကို ရုပ်သိမ်းပေးဖို့ အလဲအလှယ်အဖြစ် အမေရိကန်နဲ့ ညှိနှိုင်းလုပ်ဆောင်ခဲ့တာ မဟုတ်ဘဲ ဘာကိုမှလည်း မတောင်းဆိုခဲ့ဘူးလို့ နီကာရာဂွါသမ္မတ ဒန်နီရယ် အော်တီဂါက ပြောပါတယ်။

နိုင်ငံရေးအကျဉ်းသားတွေကို လွှတ်ပေးခြင်းဟာ အမေရိကန်အစိုးရနဲ့ ဆွေးနွေးမှုတစိတ်တပိုင်း ဖြစ်တယ်ဆိုတာကို သမ္မတအော်တီဂါက ငြင်းဆိုလိုက်ပြီး ဒါဟာ တိုင်းပြည်ရဲ့ အချုပ်အခြာအာဏာနဲ့ အမိမြေရဲ့ ဂုဏ်သိက္ခာ၊ မျိုးချစ်စိတ်တို့နဲ့ ဆိုင်တဲ့ကိစ္စဖြစ်လို့ ဘာနဲ့မှ ညှိနှိုင်းလဲလှယ်တာမျိုး မရှိဘူးလို့ အော်တေဂါက ရုပ်မြင်သံကြား မိန့်ခွန်းမှာ ပြောပါတယ်။ 

ဒီနိုင်ငံမှာကြေးစားစစ်သားတွေရဲ့ ဘာပုံတူကော်ပီတွေကိုမှ မလိုချင်ပါဘူးလို့လည်း သူက ဆိုပါတယ်။ 

ဝါရှင်တန်ကတော့ ခုလိုလွှတ်ပေးတာကို လူ့အခွင့်အရေးမြှင့်တင်ဖို့ အပြုသဘောဆောင်တဲ့ ခြေလှမ်းအဖြစ် ဖော်ပြခဲ့ပါတယ်။ 

နီကာရာဂွါ ရေဒီယိုမှာ ဒုသမ္မတ ရိုဆာရီယို မူရီလိုက ပြောကြားခဲ့ရာမှာတော့ နီကာရာဂွာဟာ အချုပ်အခြာအာဏာကို ဆန့်ကျင်တိုက်ခိုက်ခြင်းအတွက် စီရင်ချက်ချခံရသူတွေကို နေရပ်ပြန်ပို့ ခြင်း နဲ့ လွှဲပြောင်းခြင်းကို လုပ်ဆောင်ခဲ့ကြောင်း ပြောကြားခဲ့ပါတယ်။ 

နီကာရာဂွါအစိုးရဟာ လွတ်မြောက်လာတဲ့ အကျဉ်းသားတွေကို နိုင်ငံသားဖြစ်ခွင့် ရုပ်သိမ်းခွင့်ပြုဖို့ ဥပဒေကို ပြောင်းလဲဖို့ စီစဉ်နေပြီး အနာဂတ်တချိန်ချိန်မှာ သူတို့ပြန်လာမယ့်အစီအစဉ်တွေကို ထိထိရောက်ရောက် ပိတ်ပင်မှာဖြစ်ကြောင်းလည်း ပြောပါတယ်။ 

နီကာရာဂွါနိုင်ငံမှာ အတိုက်အခံ နိုင်ငံရေးသမားတွေ အဖမ်းခံရအပြီး ရွေးကောက်ပွဲတွေနဲ့ ပတ်သက်လို့ လျှို့ဝှက်ပူးပေါင်းကြံစည်မှုတွေ ရှိတယ်လို့ သမ္မတ ဒယ်နီယယ်အိုတေဂါက စစ်သားတွေကို ဇူလိုင် ၃၀ မှာ ပြောလိုက်ပါတယ်။

နိုဝင်ဘာ ရွေးကောက်ပွဲမှာ သမ္မတ နေရာအတွက် ဝင်ပြိုင်ဖို့ ရည်မှန်းထားတဲ့ နိုင်ငံရေးသမား ၇ ယောက်အပါအဝင် ထင်ရှားတဲ့ နီကာရာဂါ နိုင်ငံသားတွေဟာ အာဏာသိမ်းဖို့ ကြံစည်မှုနဲ့ စွပ်စွဲခံရပြီး အဖမ်းခံလိုက်ရကာ လူအများအပြား နိုင်ငံခြားကို ထွက်ပြေးခဲ့ရတာပါ။ 

သမ္မတကတော့ အတိုက်အခံတွေကို ဝေဖန်ပြစ်တင်ပြီး ဒါဟာ နီကာရာဂွါနိုင်ငံအတွင်း အစိုးရတရပ် တည်ထောင်ဖို့ အမေရိကန်ကို သစ္စာခံသူတွေရဲ့ မူဝါဒအစိတ်အပိုင်းလို့ ပြောပါတယ်။

အမေရိကန် အစိုးရကလည်း အတိုက်အခံတွေကို ဖမ်းဆီးထိန်းသိမ်းတာဟာ ဒီမိုကရေစီအပေါ် တိုက်ခိုက်မှုလို့ ခေါ်ဝေါ် လိုက်ပါတယ်။

အမေရိကန်အစိုးရဟာ သမ္မတရဲ့သမီး အပါအဝင် နီကာရာဂွါ နိုင်ငံသား ၄ ယောက်ကို ဇွန်လက ပိတ်ဆို့ဒဏ်ခတ်အရေးယူခဲ့ပါတယ်။