ရုရှားကာကွယ်ရေးဝန်ကြီးဌာနက သူ့ရဲ့ Tu-95MS မဟာဗျူဟာမြောက် ဗုံးကြဲလေယာဉ်နှစ်စင်းဟာ ပစိဖိတ်သမုဒ္ဒရာ၊ ဘယ်ရင်ပင်လယ်နဲ့ အာ့ဟို့စ်ခ်ပင်လယ်တို့ကို ၁၂ နာရီကျော်ကြာ ဖြတ်ကျော် ပျံသန်းခဲ့တယ်လို့ ရုရှားကာကွယ်ရေးဝန်ကြီးဌာနက အောက်တိုဘာ ၁၈ ရက်မှာ ပြောပါတယ်။
ရုရှားဟာ သူ့ရဲ့ နျူကလီးယားတပ်ဖွဲ့တွေကို မကြာမီ စမ်းသပ်တော့မယ်လို့ မျှော်လင့်ကြောင်း မြောက်အတ္တလန္တိတ် စစ်ရေးမဟာမိတ်အဖွဲ့ (နေတိုး) နဲ့ အမေရိကန်တို့က ပြောပြီးတဲ့နောက် ရုရှားနဲ့ ယူကရိန်းစစ်ပွဲမှာ တင်းမာမှုတွေ မြင့်တက်နေတဲ့ အခိုက်အတန့်မှာ နျူကလီးယားသုံး လေယာဉ်တွေကို စေလွှတ်ပျံသန်းခဲ့တာပါ။
ဒီလေယာဉ်ကို MiG-31 တိုက်လေယာဉ်တွေက ခြံရံပျံသန်းခဲ့ပြီး ဝေဟင်မှာ လောင်စာဆီ ဖြည့်သွင်းခဲ့တယ်လို့ ဝန်ကြီးဌာနက ပြောပါတယ်။
နိုင်ငံတကာလေပိုင်နက် စည်းမျဉ်းတွေနဲ့အညီ ပျံသန်းတဲ့ စစ်ဆင်ရေးကို ကြားနေ ရေပြင်ပေါ်မှာ ပျံသန်းဖို့ စီစဉ်ထားတယ်လို့ ဝန်ကြီးဌာနက ဖော်ပြခဲ့ပါတယ်။
ဝန်ကြီးဌာနက လမ်းကြောင်းကို မသတ်မှတ်ထားပေမဲ့ အာ့ဟို့စ်ခ်ပင်လယ်နဲ့ ဘယ်ရင်ပင်လယ်ကို ဖြတ်ပြီး ပျံသန်းမယ့်လမ်းကြောင်းဟာ ဂျပန်နဲ့ အမေရိကန်နိုင်ငံတွေ အနားကို ဖြတ်ကျော်ပျံသန်းမှာပါ။
နေတိုးဟာ ခုသီတင်းပတ်အတွင်း နျူကလီးယားပြင်ဆင်ရေး လေ့ကျင့်နေပြီး ရုရှားကတော့ သူ့ကိုယ်ပိုင် နျူကလီးယားလေ့ကျင့်မှုကို မကြာမီ ဆောင်ရွက်ဖို့ မျှော်လင့်ထားတယ်လို့ ပြောခဲ့ပါတယ်။
ရုရှားအစိုးက နျူကလီးယားလေ့ကျင့်မှုနဲ့ ပတ်သက်တဲ့ သတင်းအချက်အလက် မရှိဘူးလို့ အင်္ဂါနေ့အစောပိုင်းမှာ ပြောခဲ့ပါတယ်။ ရုရှားစစ်ရေးလေ့ကျင့်မှုမှာ ပဲ့ထိန်းဒုံးကျည်တွေ စမ်းသပ်ပစ်လွှတ်တာ ပါလာမယ်လို့ မျှော်လင့်တဲ့အကြောင်း အမေရိကန် တာဝန်ရှိသူတွေက ပြောခဲ့ပါတယ်။
အိမ်နီးချင်း ဆားဘီးယားနဲ့ဆက်ဆံရေး ပိုမိုတင်းမာလာခဲ့ရင် ကိုဆိုဗိုမှာရှိတဲ့ နေတိုးရဲ့ ငြိမ်းချမ်းရေးထိန်းသိမ်းမှု တပ်ဖွဲ့ဝင်အင်အား တိုးမြှင့်သွားမယ်လို့ နေတိုးမဟာမိတ်အဖွဲ့ရဲ့ အကြီးအကဲက ဩဂုတ် ၁၇ ရက်မှာ ပြောလိုက်ပါတယ်။
“အခု ကျနော်တို့မှာ သိသာထင်ရှားတဲ့ မစ်ရှင်တခုအနေနဲ့ ကိုဆိုဗိုမှာ တပ်ဖွဲ့ဝင်အင်အား လေးထောင် နီးပါးရှိနေပါပြီ” လို့ ကိုဆိုဗိုဝန်ကြီးချုပ် အယ်ဘင်ကာတီနဲ့ ဆွေးနွေးအပြီး ဘရပ်ဆဲလ်မြို့က သတင်းစာရှင်းလင်းပွဲမှာ နေတိုးအကြီးအကဲ ယန်းစတော့တန်ဘာ့ဂ်က ပြောပါတယ်။
ကိုဆိုဗိုအစိုးရဟာ ဘယ်လ်ဂရိတ်အစိုးရက ကျောထောက်နောက်ခံပြုပြီး ကိုဆိုဗို အဖွဲ့အစည်းတွေကို အသိအမှတ်မပြုတဲ့ မြောက်ဘက်ပိုင်းမှာနေတဲ့ ဆာ့ဘ်တွေအနေနဲ့ ကိုဆိုဗိုအစိုးရက ထုတ်ပေးတဲ့ ကားလိုင်စင်နံပါတ်ပြားတွေကို စသုံးဖို့ တောင်းဆိုလို့ ဆားဗီးယားနှင့်ကိုဆိုဗိုအကြား အခြေအနေ တင်းမာခဲ့ပါတယ်။
ဥရောပသမဂ္ဂရဲ့ ဖိအားတွေနဲ့ နံပါတ်ပြားစည်းမျဉ်းကို စက်တင်ဘာ ၁ ရက်အထိ ရွှေ့ဆိုင်းဖို့ သဘောတူခဲ့ပြီး ဆာ့ဘ်တွေက တည်ဆောက်ထားတဲ့ လမ်းပိတ်ဆို့မှုတွေကို ဖယ်ရှားရာမှာ နေတိုး ငြိမ်းချမ်းရေး ထိန်းသိမ်းရေးတပ်ဖွဲ့တွေက ကြီးကြပ်ခဲ့ပါတယ်။
ကိုဆိုဗိုဟာ ဖိနှိပ်ချုပ်ချယ်တဲ့ ဘယ်လ်ဂရိတ်အစိုးရရဲ့ အုပ်ချုပ်မှုကို ဆန့်ကျင်တဲ့ ပြောက်ကျား အုံကြွမှုအပြီး ဆယ်စုနှစ်တခုနီးပါးအကြာ ၂၀၀၈ ခုနှစ်မှာ ဆားဘီးယားဆီက လွတ်လပ်ရေး ရခဲ့ပါတယ်။
ဆားဘီးယားဟာ ကိုဆိုဗိုကို သူ့နယ်မြေရဲ့ အရေးပါတဲ့ အစိတ်အပိုင်းအဖြစ် တရားဝင် မှတ်ယူနေဆဲပါ။
ဒီနေရာမှာ တင်းမာမှုတွေနဲ့ ပဋိပက္ခတွေကို တွန်းလှန်ဖို့ ငြင်းဆိုထားပြီး ကိုဆိုဗိုအစိုးရဟာ လူနည်းစု ဆာ့ဘ်တွေရဲ့ အခွင့်အရေးတွေကို နင်းချေတယ်လို့ စွပ်စွဲခံထားရပါတယ်။
ကိုဆိုဗိုလူဦးရေ ၁ ဒသမ ၈ သန်းရဲ့ ၅ ရာခိုင်နှုန်းဟာ ဆာ့ဘ်လူမျိုးတွေဖြစ်ပြီး ၉၀ ရာခိုင်နှုန်းက အယ်လ်ဘေးနီးယန်းလူမျိုးတွေလို့ ရိုက်တာသတင်းဌာနမှာ ဖော်ပြပါတယ်။
