ဖိလစ်ပိုင်နိုင်ငံ သမ္မတရွေးကောက်ပွဲ ဝင်ရောက်ယှဉ်ပြိုင်ရာမှာ ရှုံးနိမ့်ခဲ့တယ်လို့ လက်ဝှေ့ချန်ပီယံဟောင်း မန်နီပက်ကွီယိုက မေ ၁၀ ရက်မှာ လူသိရှင်ကြား ထွက်ပြီး ဝန်ခံပါတယ်။

တရားဝင်ရလဒ်တွေကို ရွေးကောက်ပွဲကော်မရှင်က မကြေညာသေးပေမဲ့ ပက်ကွီယိုက သူ့အရှုံးကို ဝန်ခံထားတဲ့ ဗွီဒီယိုကို ဖေ့စ်ဘွတ်ခ်မှာ တင်ထားပါတယ်။

ရွေးကောက်ပွဲမှာ သူမနိုင်ပေမဲ့ သူ့အတွက် မဲဆွယ်ပေးခဲ့တဲ့ အောင်နိုင်ရေးအဖွဲ့တွေနဲ့ မဲပေးခဲ့ကြသူတွေကို ကျေးဇူးတင်တယ်လို့ ပြောပါတယ်။

ဒါ့အပြင် ရွေးကောက်ပွဲမှာ အနိုင်ရသွားတဲ့ ဖာဒီနန် မားကို့စ် ဂျူနီယာကိုလည်း ဂုဏ်ပြုတဲ့အကြောင်း ပြောထားပါတယ်။

ကမ္ဘာ့လက်ဝှေ့ချန်ပီယံ ပက်ကွီယိုဟာ စက်တင်ဘာလတုန်းက လက်ဝှေ့လောကကနေ အနားယူပြီး ရွေးကောက်ပွဲမှာ ဝင်ပြိုင်ဖို့ အာရုံစိုက်ခဲ့ပါတယ်။

ဒီနှစ် ဖိလစ်ပိုင်နိုင်ငံရဲ့ ရွေးကောက်ပွဲဟာ ပြိုင်ဆိုင်မှု ပြင်းထန်ခဲ့ပြီး မားကို့စ် ဂျူနီယာက မဲအပြတ်သတ်နဲ့ အနိုင်ရခဲ့ပါတယ်။

ဒီလို ပြတ်ပြတ်သားသားနိုင်တာဟာ ဖိလစ်ပိုင်ရဲ့ မျက်မှောက်သမိုင်းမှာ ပထမဆုံးအကြိမ် ဖြစ်သလို တချိန်တုန်းက လူထုအုံကြွမှုနဲ့ ဖြုတ်ချခံလိုက်ရတဲ့ အာဏာရှင် မားကို့စ်ရဲ့ သားကို မဲဆန္ဒရှင် ပြည်သူတွေက ပြန်ပြီး နန်းတင်ပေးလိုက်တဲ့ မယုံနိုင်စရာ သမိုင်းအလှည့်အပြောင်းလည်း ဖြစ်လာပါတယ်။

ပြီးခဲ့တဲ့တစ်ပတ်က အမေရိကန်နိုင်ငံမှာ ကျင်းပခဲ့တဲ့ အပျော်တမ်းလက်ဝှေ့ပြိုင်ပွဲတခုမှာ ဖိလစ်ပိုင် လက်ဝှေ့ကျော် ပက်ကွီယိုရဲ့ သားဖြစ်သူ အီမန်နူရယ်က ပထမဆုံးနိုင်ပွဲရယူနိုင်ခဲ့ပါတယ်။ 

အသက် ၂၁ နှစ်ရှိ ပက်ကွီယိုရဲ့သား အီမန်နူရယ်ပတ်ကီယိုဟာ ပြိုင်ဘက်ရိုဆေးလ်ကို အကြိတ်အနယ်ယှဉ်ပြိုင် ထိုးသတ်ပြီး အမှတ်နဲ့ အနိုင်ရခဲ့တာပါ။ 

ဖိလစ်ပိုင်မော်ဒယ်နဲ့ သရုပ်ဆောင်တဦးလည်းဖြစ်တဲ့ အီမန် နူရယ်ကို  ဂျင်မြူလို့ ခေါ်ကြပြီး ပထမဆုံးအမေရိကန်အပျော်တမ်းလက်ဝှေ့ပွဲမှာ နိုင်ပွဲစတင်ရယူနိုင်ခဲ့တာပါ။ 

သားဖြစ်သူရဲ့ ပထမဆုံးပွဲစဉ်ကို ပက်ကီယိုကိုယ်တိုင် လာရောက် အားမပေးနိုင်ခဲ့ပေမယ့် အင်စတာဂရမ်ကနေတဆင့် ပက်ကွီယိုက ချီးကျူးဂုဏ်ပြုခဲ့ပါတယ်။ 

“အမေရိကန် အပျော်တမ်း ပြိုင်ပွဲရဲ့ ဂျူနီယာဝယ်တာဝိတ်တန်းမှာ ပထမဆုံးအကြိမ်ယှဉ်ပြိုင်ထိုးသတ်ပြီး အနိုင်ရခဲ့တဲ့ ကျနော့်သားကို ဂုဏ်ပြုပါတယ်။ သူ့အတွက် အလွန်ဂုဏ်ယူမိပါတယ်”  

ပက်ကွီယိုဟာ ပြီးခဲ့တဲ့ နှစ်က သြဂတ်စ်လတုန်းက ကျူးဘားက ရော်ဒမ်းနစ်ယူဂတ်စ်နဲ့  ထိုးသတ်ခဲ့ရာမှာရှုံးနိမ့်ခဲ့ပြီးနောက် ကစားသမားဘဝနေအနားယူကြောင်း ကြေညာခဲ့ပါတယ်။ 

ပက်ကွီယိုမှာ သား၊ သမီး ၅ဦးရှိပြီး လက်ဝှေ့ထိုးနေတဲ့ အီမန်နူရယ်ပီကီယိုက အကြီးဆုံးသားဖြစ်ပါတယ်။  ပက်ကွဲယိုဟာ ၂၀၂၂ ဖိလစ်ပိုင်ရွေးကောက်ပွဲမှာ သမ္မတဖြစ်ဖို့ ရည်မှန်းထားတယ်လို့ ပြောထားပါတယ်။