အာဆင်နယ်အသင်းအနေနဲ့ အခုနှစ်ရာသီမှာ ပရီးမီးယားလိဂ်ချန်ပီယံဖြစ်နိုင်သေးကြောင်း နည်းပြ အာတီတာက ပြောသွားပါတယ်။
အာဆင်နယ်ဟာ ထိပ်ဆုံးက မန်စီးတီးထက် တပွဲ ပိုကစားထားပေမဲ့ ၁ မှတ်အကွာနဲ့ ဒုတိယနေရာမှာ ရပ်တည်နေတာပါ။
ချန်ပီယံဆုဖလားရယူနိုင်ဖို့ ကိုယ့်ကံကြမ္မာကို ကိုယ်ဖန်တီးနိုင်ခွင့် မရှိတော့ပေမဲ့လည်း လက်ကျန် ၅ ပွဲ ကစားဖို့ကျန်နေသေးတဲ့အတွက် ချန်ပီယံဖြစ်နိုင်ဆဲပဲလို့ သူက ပြောပါတယ်။
အာဆင်နယ်အသင်းသားတွေအနေနဲ့ ပြီးခဲ့ပွဲစဉ်တွေကနေ သင်ခန်းစာယူပြီး မေ့ပစ်ရမှာဖြစ် ကြောင်း၊ ချဲလ်ဆီးအသင်းနဲ့ အိမ်ကွင်းပွဲစဉ်အတွက်ပဲ အာရုံစိုက်ပြီး အိမ်ကွင်းပရိသတ်တွေ ရှေ့မှောက်မှာ အနိုင်ယူဖို့ ပြင်ဆင်ထားရမယ်လို့လည်း နည်းပြအာတီတာက ပြောသွားပါတယ်။
အန်ဖီးလ်ကွင်းမှာ အိမ်ရှင် လီဗာပူးအသင်းကို အနိုင်ယူနိုင်မှသာ အာဆင်နယ်အသင်း ချန်ပီယံဖြစ်နိုင်ကြောင်း ဂယ်ရီနဗီးလ်က ပြောပါတယ်။
စကိုင်းစပေါ့ရဲ့ သုံးသပ်ချက် အစီအစဉ်မှာ အာဆင်နယ်နဲ့ မန်စီးတီးတို့ရဲ့ ချန်ပီယံပြေးလမ်းကြောင်းနဲ့ ပတ်သက်ပြီး နဗီးလ်က သုံးသပ်ခဲ့တာပါ။
လီဗာပူးကွင်းမှာ သွားရောက်ယှဉ်ပြိုင်ရမယ့်ပွဲစဉ်မှာ အာဆင်နယ်အသင်း အနိုင်ရမယ် ဆိုရင်တော့ ချန်ပီယံဖြစ်နိုင်ကြောင်း၊ လက်ရှိအခြေအနေအရတော့ နှစ်သင်းစလုံးမှာ အခွင့်အရေး ၅၀-၅၀ နဲ့ ဆတူရှိနေသေးကြောင်း နဗီးလ်က ပြောပါတယ်။
နဗီးလ်နဲ့အတူ သုံးသပ်တင်ဆက်ခဲ့တဲ့ ဂျေမီရက်ဒ်နက်ကတော့ အာဆင်နယ်အသင်းအနေနဲ့ လက်ကျန် အဝေးကွင်းပွဲစဉ်တွေက ချန်ပီယံပြေးလမ်းမှာ အဓိကအဆုံးအဖြတ် ဖြစ်လာနိုင်ကြောင်း သုံးသပ်သွားခဲ့ပါတယ်။
အာဆင်နယ်ဟာ မန်စီးတီးကို တပွဲပိုနဲ့ ၈ မှတ်ဖြတ်ထားပေမဲ့ လက်ကျန်ပွဲစဉ် ၉ ပွဲမှာ လီဗာပူး၊ မန်စီးတီး၊ နယူးကာဆယ်အသင်းတို့နဲ့ အဝေးကွင်းပွဲစဉ်တွေလည်း ပါဝင်နေတာ ဖြစ်ပါတယ်။
