တောင်ကိုရီးယားနဲ့ အမေရိကန် နိုင်ငံတို့ဟာ လေကြောင်းဆိုင်ရာ စစ်ရေးလေ့ကျင်မှုကို ဧပြီ ၂၁ ရက်မှာ ပူးတွဲလုပ်ဆောင်ခဲ့တယ်လို့ တောင်ကိုရီးယားစစ်တပ်က အတည်ပြုပါတယ်။
ဒါဟာ မြောက်ကိုရီးယားနိုင်ငံရဲ့ ရန်စလှုံဆော်မှုတွေအပေါ် ဟန့်တားနိုင်ရေးအတွက် ကြီးမားတဲ့ လေကြောင်းဆိုင်ရာ ပူးပေါင်းလေ့ကျင့်မှု တစ်စိတ်တစ်ပိုင်း ဖြစ်တယ်လို့လည်း သိရပါတယ်။
တောင်ကိုရီးယားကာကွယ်ရေးဝန်ကြီးဌာနက ထုတ်ပြန်ထားတဲ့ ဗီဒီယိုထဲမှာတော့ နှစ်နိုင်ငံစလုံးရဲ့ တိုက်လေယာဉ်တွေဟာ ပုံစံဖော် ပျံသန်းခဲ့ကြတာကိုတွေ့ရပြီး စစ်ရေးလေ့ကျင့်မှု မတိုင်ခင်မှာ လည်း ဒီလေယာဉ်မှူးတွေက စစ်ရေးဆိုင်ရာ အသေးစိတ်ညွှန်ကြားမှုကို တက်ရောက် နားထောင်ခဲ့ကြပါတယ်။
နှစ်နိုင်ငံအကြား စစ်ရေးလေ့ကျင့်မှုကို ဧပြီ ၁၇ ရက်မှစတင်ကာ ၁၂ ရက်ကြာ ပူးပေါင်းပြုလုပ်သွားမှာ ဖြစ်ပါတယ်။
မြောက်ကိုးရီးယားနိုင်ငံကတော့ စစ်ရေးလှုပ်ရှားမှုတွေအပေါ် အရှိန်မြှင့်တင်ကာ " ပိုမိုလက်တွေ့ ကျပြီး ထိုးစစ်ဆန်တဲ့" လှုပ်ရှားမှုတွေနဲ့အတူ ခြိမ်းခြောက်လာတာကြောင့် တင်းမာမှု မြင့်တက်နေပါတယ်။
ဒါကြောင့် အမေရိကန်နဲ့ တောင်ကိုရီးယား စစ်တပ်တွေဟာ "နျူးကလီးယားစစ်ပွဲအတွက် စိတ်ဓာတ်ခိုင်မာမှုတွေ"နဲ့အတူ အစမ်းလေ့ကျင့်ခဲ့ကြတာဖြစ်တယ်လို့ ဆိုကာ နှစ်နိုင်ငံအကြား နှစ်စဉ်ပြုလုပ်လေ့ရှိတဲ့တဲ့ နွေဦးစစ်ရေးလေ့ကျင့်မှုကို အကောင် အထည်ဖော်ခဲ့ကြတာပါ။
ဂျာမန်နဲ့ အက်စ်တိုးနီးယား နိုင်ငံတွေက စစ်သားအယောက် ၂၅၀ တို့ဟာ ‘ဘောလ်တစ်ကျား ၂၀၂၂’ လို့အမည်ပေးထားတဲ့ စစ်ရေးလေ့ကျင့်မှုရဲ့ တစ်စိတ်တစ်ပိုင်းအဖြစ် အောက်တိုဘာ ၂၄ ရက်မှာ အက်စ်တိုးနီးယားနိုင်ငံ၊ အာမာရီမြို့မှာ မြောက်အတ္တလန္တိတ် စစ်ရေးမဟာမိတ်အဖွဲ့ NATO နဲ့ပူးတွဲလေ့ကျင့်ခဲ့ပါတယ်။
ဂျာမန်လေတပ်နဲ့ ရေတပ်တို့ဟာ အက်စ်တိုနီးယားတပ်ဖွဲ့တွေနဲ့ အောက်တိုဘာ ၁ ရက်မှ အောက်တိုဘာ ၂၇ ရက်အထိ လေ့ကျင့်မှာပါ။
ပူးတွဲလေ့ကျင့်ရေးအစီအစဉ်က ဆိပ်ကမ်းတွေနဲ့ လေဆိပ်တွေလို အရေးကြီးတဲ့ အခြေခံ အဆောက်အဦတွေကို ကာကွယ်ရေးအပေါ် အာရုံစိုက်ထားပါတယ်။ ရုရှားက ယူကရိန်းကို ဖေဖော်ဝါရီလမှာ ကျူးကျော်လာကတည်းက နေတိုးဟာ ဥရောပတိုက် အရှေ့ဘက်ခြမ်းမှာ တပ်အင်အား တည်ရှိမှုကို တိုးမြှင့်ခဲ့ပါတယ်။
အက်စ်တိုးနီးယားမှာ တပ်စွဲထားပြီးသားဖြစ်တဲ့ ဂျာမန်စစ်သား ၁,၅၀၀ နှင့် ဂျာမနီစစ်တပ်ရဲ့ တပ်မဟာအသစ်တို့ ပူးပေါင်းမှာလည်း ဖြစ်ပါတယ်။
ဂျာမန်စစ်တပ်ဟာ အက်စတိုးနီးယား နိုင်ငံထဲမှာ ၂၀၂၃ ခုနှစ် ဧပြီလအထိ Amari လေတပ်စခန်း မှာ စခန်းချထားတဲ့ ယူရိုတိုက်လေယာဉ် ခြောက်စီးကိုလည်း ထောက်ပံ့ပေးခဲ့ပါတယ်။
