close

ပွဲစဉ်ဇယား

close

February 18, 2023

ပွဲစဉ်ဇယားရေးဆွဲရာတွင် ကလပ်အသင်းများဘက်ကို ကာကွယ်ရန် နည်းပြအာတီတာ တိုက်တွန်း

ပွဲစဉ်ဇယားရေးဆွဲရာမှာ ကလပ်အသင်းတွေဘက်ကို ကာကွယ်ပေးသင့်ကြောင့် ပရီးမီးယားလိဂ် တာဝန်ရှိသူတွေကို နည်းပြအာတီတာက တိုက်တွန်းလိုက်ပါတယ်။

အာဆင်နယ်အသင်းဟာ ဗုဒ္ဓဟူးနေ့က မန်စီးတီးနဲ့ ပရီးမီးယားလိဂ်ပွဲစဉ်ကစားပြီးနောက် စနေနေ့ နေ့လယ်ပိုင်းမှာ အက်စ်တွန်ဗီလာနဲ့ အဝေးကွင်းပွဲစဉ်ကစားရမှာပါ။

ဗုဒ္ဓဟူးနေ့မှာ ချန်ပီယံလိဂ်ပွဲစဉ်တွေ ကစားရတဲ့အသင်းတိုင်းက စနေနေ့လယ်ပိုင်းမှာကစားရမယ့် ပွဲစဉ်ရေးဆွဲမှု မရှိဖို့ သတ်မှတ်ထားပြီဖြစ်ကြောင်း၊  အဲဒီစည်းမျဉ်းကို ပြိုင်ပွဲတိုင်းအတွက် သတ်မှတ်သင့်ကြောင်း နည်းပြအာတီတာက ပြောခဲ့တာပါ။

အာဆင်နယ်ဟာ ချန်ပီယံလိဂ်ပွဲစဉ်မဟုတ်ပေမယ့် ဗုဒ္ဓဟူးနေ့မှာပဲ မန်စီးတီးနဲ့ ကစားခဲ့ရပြီး ၆၃ နာရီအကြာမှာ ပွဲကစားရမှာဖြစ်ပါတယ်။

ဒါပေမဲ့ ဘယ်လိုပဲဖြစ်နေနေ ပွဲစဉ်ရေးဆွဲမှုအတိုင်း ဆက်ကစားရုံသာရှိပြီး ကစားသမားတွေအနေနဲ့ အကောင်းဆုံးခြေစွမ်းနဲ့ ကြံ့ခိုင်မှုရရှိနေလိမ့်မယ်လို့ နည်းပြအာတီတာက ပြောသွားပါတယ်။ 

6 mins Ago

November 8, 2020

အဲဗာတန်ကို အနိုင်ရခဲ့သော်လည်း  ပွဲစဉ်ဇယားအပေါ် မန်ယူနည်းပြဆိုးလ်ရှား ဝေဖန်

မနေ့ညက ပရီးမီယားလိဂ်ပွဲစဉ်မှာ မန်ချက်စတာယူနိုက်တက်အသင်းဟာ အဲဗာတန်ကို ၃ ဂိုး ၁ ဂိုးနဲ့ အနိုင်ရခဲ့ပေမယ့် ပွဲစဉ်ဇယားရေးဆွဲတာနဲ့ပက်သက်ပြီး နည်းပြဆိုးလ်ရှားက ဝေဖန် လိုက်ပါတယ်။  ဒီပွဲမှာ ၂ ဂိုးသွင်းခဲ့တဲ့ ဖာနန်ဒက်စ်ကိုလည်း  ခေါင်းဆောင်ကောင်းတစ်ဦးဖြစ်တယ်လို့ နည်းပြဆိုးလ်ရှားက ချီးကျူးခဲ့ပြီး နိုင်ပွဲဆာလောင်စိတ်ပြင်းထန်ခဲ့သလို တခြားအသင်းသားတွေဟာလည်း ခြေစွမ်းပြခဲ့ကြတယ်လို့ ဆိုးလ်ရှားကချီးကျူးခဲ့ပါတယ်။ မန်ယူအတွက် အနိုင်ဂိုးတွေကို ဖာနန်ဒတ်စ်က ၂ ဂိုးသွင်းယူပေးခဲ့သလို ပီအက်စ်ဂျီအသင်းကနေ ပြောင်းလာတဲ့ ကာဗာနီကလည်း မန်ယူအတွင်း သူ့ရဲ့ ပထမဆုံး သွင်းဂိုး  ၁ ဂိုး သွင်းယူပေးနိုင်ခဲ့ပါတယ်။  မန်ယူအသင်းဟာ ချန်ပီယံလိဂ်ပွဲစဉ်အနေနဲ့ နိုဝင်ဘာ ၅ ရက်က တူရကီမှာ အစ္စတန် ဘူလ်ဘာဆက်ဆီဟာနဲ့ ကစားခဲ့ရပြီး တစ်ရက်ခန့်သာ နားရက်ရခဲ့တာပါ။  နိုဝင်ဘာ ၇ ရက် စနေနေ့ရဲ့ အစောဆုံးပွဲစဉ်အဖြစ် ကစားခဲ့ရတဲ့အပေါ်မှာ ပွဲစဉ်ဇယားပြောင်းလဲပေးဖို့ လွန်ခဲ့တဲ့တစ်လကတည်းက ပရီးမီးယားလိဂ်ကို တင်ပြခဲ့ပေမယ့် လက်မခံခဲ့ဘူးလို့ ဆိုးလ်ရှားကပြောပါတယ်။  မန်ယူနိုက်တက် ကစားသမားတွေဟာ ပွဲစဉ်ဇယားနဲ့အတူ ရှုံးနိမ့်သွားဖို့  စီစဉ်ခံခဲ့ရတယ်လို့လည်း ဆိုးလ်ရှားက ဝေဖန်ခဲ့ပါတယ်။
2 years Ago
Up