ဗြိတိန်နိုင်ငံမှာ အေးခဲနေတဲ့ အပူချိန်ကြားက ဆီနှင်းတွေလည်း ထူထူထပ်ထပ် ကျရောက်နေတာ ကြောင့် နိုင်ငံတဝန်း ခရီးသွားလာမှုဆိုင်ရာ လမ်းကြောင်းတွေ ပြတ်တောက်နေတယ်လို့ ဒီဇင်ဘာ ၁၂ ရက်က ဘီဘီစီကမ္ဘာ့သတင်းမှာ  ဖော်ပြပါတယ်။

နိုင်ငံရဲ့အစည်းကားဆုံး ဟီသရိုးလေဆိပ်မှာ ဒီဇင်ဘာ ၁၂ ရက် မနက်ပိုင်းက မြူခိုးတွေ ဖုံးလွှမ်းနေတာ ကြောင့် လေကြောင်းခရီးစဉ် ၅၀ ကျော် ဖျက်သိမ်းခဲ့ရပါတယ်။

အေးခဲနေတဲ့ အခြေအနေတွေကြောင့် ရထားနှောင့်နှေးမှုနဲ့ ယာဉ်မတော်တဆမှုတွေလည်း ဖြစ်နေတယ်လို့ သတင်းမှာ ဖော်ပြပါတယ်။ 

စကော့တလန်အရှေ့မြောက်ပိုင်းမှာ အပူချိန် -၁၅ စင်တီဂရိတ်အထိ ဒီဇင်ဘာ ၁၂ ရက် ညပိုင်းမှာ ကျဆင်းနိုင်တဲ့အတွက် ပြီးခဲ့တဲ့နှစ် ဖေဖော်ဝါရီလကတည်းက ဗြိတိန်နိုင်ငံမှာ အနိမ့်ဆုံး အပူချိန် ဖြစ်ပါတယ်။

ဒီလိုဆီးနှင်းကျတာကြောင့် လေဆိပ်တွေ၊ ရထားလမ်းကြောင်း တွေ၊ ကားလမ်းတွေ စတဲ့ ခရီးသွား လာမှုဆိုင်ရာ လမ်းကြောင်းတွေ ပြတ်တောက်နေတာပါ။ 

မြို့တော်လန်ဒန်ရဲ့ မြေအောက်ရထားလမ်းကြောင်း လည်ပတ်မှု နှောင့်နှေးတာတွေ၊ ဆိုင်းငံ့တာတွေ လည်း ရှိခဲ့သလို ကားလမ်းတွေမှာလည်း ဒီဆီးနှင်းတွေကြောင့် လုံးဝပိတ်ဆို့နေပါတယ်။ 

ပြီးခဲ့တဲ့ ဒီဇင်ဘာ ၁၂ ရက် မနက်ပိုင်းအထိ ပြင်းထန်တဲ့ ရာသီဥတုသတိပေးချက် ထုတ်ပြန် ထားသလို အဝါရောင်အဆင့် သတိပေးချက်ကိုလည်း လန်ဒန်နဲ့ အင်္ဂလန်အရှေ့တောင်ပိုင်းမှာ သတ်မှတ်ထားပြီး မြောက်အိုင်ယာလန်တခုလုံးနဲ့ အင်္ဂလန်ရဲ့ အခြားဒေသတွေကိုတော့ ရေခဲနဲ့ ဆီးနှင်းမြူဆိုင်ရာ သတိပေးချက်တွေ ထုတ်ပြန်ထားတယ်လို့ ဗြိတိန်ရာသီဥတုဆိုင်ရာ ဝန်ဆောင်မှု ဌာန The Met Office က ထုတ်ပြန်ထားပါတယ်။

ဗြိတိန်နိုင်ငံက မီးရထားအလုပ်သမားများသမဂ္ဂဟာ အောက်တိုဘာ ၈ ရက်နေ့က နိုင်ငံတဝန်း မီးရထား သပိတ်ပွဲ နောက်ထပ် တရက် ဆင်နွှဲခဲ့ပါတယ်။

အလုပ်သမား အယောက် လေးသောင်းလောက် အလုပ်ကနေ နုတ်ထွက်ခဲ့တာပါ။ လူနေမှုစရိတ် အကျပ်အတည်းကြောင့် လုပ်ငန်းခွင်ထဲက မိသားစုတွေမှာ ဖိအားတွေ များလာတဲ့အတွက် လစာတိုးဖို့နဲ့ လုပ်ငန်းခွင် အခြေအနေတွေ တိုးတက်ကောင်းမွန်လာစေဖို့ သပိတ်မှောက် နေကြတာပါ။ 

မနေ့က သပိတ်ဟာ ဆယ်ရက်အတွင်း တတိယမြောက်ဖြစ်ပြီး သပိတ်လှုပ်ရှားမှုအတွင်း လမ်းပိတ်ဆို့မှု မဖြစ်စေဖို့ ခရီးသွားတွေ အိမ်မှာသာနေဖို့ သတိပေးချက် ထုတ်ပြန်ထားပြီး နိုင်ငံတဝန်း ရထားဝန်ဆောင်မှုတွေရဲ့ ၈၀  ရာခိုင်နှုန်းလောက်ကို ပိတ်ထားခဲ့ပါတယ်။ 

လစာနဲ့ လုပ်ငန်းခွင် အခြေအနေတွေကြောင့် ညှိနှိုင်းမှုတွေ အကြိမ်ကြိမ်ပျက်ပြားသွားလို့ မီးရထား အလုပ်သမားသမဂ္ဂတွေက ဇွန်လမှာစပြီး သပိတ်မှောက်ခဲ့ပါတယ်။ 

ဆရာမတွေနဲ့ သူနာပြုတွေရဲ့ သမဂ္ဂတွေဟာလည်း သပိတ်မှောက်ဖို့ အဖွဲ့ဝင်တွေကို မဲထည့်နေချိန်မှာ ဆက်သွယ်ရေး လုပ်သားတွေနဲ့ စာပို့သမားတွေက အောက်တိုဘာနဲ့ နိုဝင်ဘာမှာ သပိတ်မှောက်ဖို့ ထပ်မံကြေညာခဲ့ကြပါတယ်။

အလားတူ သပိတ်မှောက်ဖို့ နောက်ထပ် အလုပ်သမားသမဂ္ဂတွေက စီစဉ်နေသလို တချို့က စီစဉ်ဖို့ လုပ်နေကြတယ်လို့ ရိုက်တာ သတင်းဌာနက အစီရင်ခံပါတယ်။

ယူကေက အလုပ်သမားအများအပြားရဲ့ လုပ်ခလစာဟာ နှစ်ပေါင်း များစွာ ရပ်တန့်နေပြီး မကြာသေးမီက ငွေကြေးဖောင်းပွမှုနှုန်းဟာ နှစ် ၄၀ အတွင်း အမြင့်ဆုံး ဖြစ်လာခဲ့လို့ မကြုံဖူးတဲ့ နေထိုင်မှုစရိတ်စက အကျပ်အတည်းကို ဖန်တီးနေပါတယ်။ 

ငွေကြေး ဖောင်းပွမှုကို ထိန်းချုပ်ဖို့ ထိရောက်တဲ့ အစီအမံတွေ ဆောင်ရွက်ရေး ဗြိတိန်အစိုးရအပေါ် ဖိအားတွေ တိုးလာနေပါတယ်။

အစိုးရက ချေးငွေကုန်ကျစရိတ်ကို တိုးမြှင့်ပေးပြီး အတိုးနှုန်းကို မြှင့်တင်ပေးထားပါတယ်။ အထွေထွေရွေးကောက်ပွဲကျင်းပဖို့ တောင်းဆိုတဲ့ အွန်လိုင်းအသနားခံစာတစောင်ကို လူပေါင်း ငါးသိန်းခုနှစ်သောင်းကျော် လက်မှတ်ရေးထိုးခဲ့ပြီး နှစ်ပေါင်းများစွာအတွင်း အာဏာရ ကွန်ဆာဗေးတစ်ပါတီကို  အတိုက်အခံ လေဘာပါတီက အကြီးမားဆုံး မဲအရေအတွက်နဲ့  ဦးဆောင်ခဲ့ပါတယ်။