ချဲလ်ဆီးအသင်းဟာ မိုနာကိုအသင်းကပြင်သစ်နောက်ခံလူ ဘတ်ဒီယာရှီလာကို ပေါင် ၃၅ သန်းနဲ့ အပြီးသတ်ခေါ်ယူခဲ့ပါတယ်။
အသက်၂၁ နှစ်ရှိ ဗဟိုနောက်ခံလူ ဘတ်ဒီယာရှီလာကို ချဲလ်ဆီးအသင်းက ၇ နှစ်ခွဲ စာချုပ် ချုပ်ဆိုခဲ့ပါတယ်။
ချဲလ်ဆီးအသင်းဆီပြောင်းရွှေ့ခွင့်ရလို့ ကျေနပ်ပျော်ရွှင်ရပြီး ကမ္ဘာ့အကောင်းဆုံးလိဂ်မှာ ချဲလ်ဆီးနဲ့အတူ ပွဲထွက်ကစားခွင့်ရဖို့ မစောင့်နိုင်တော့ကြောင်း ဘတ်ဒီယာရှိလာက စာချုပ် ချုပ်ဆိုအပြီးမှာပြောပါတယ်။
သူဟာ ၂၀၁၈ ခုနှစ်က မိုနာကိုမှာ စတင်ပွဲထွက်ခွင့်ရခဲ့ပြီး စုစုပေါင်း ၁၃၅ ပွဲကစားခဲ့ပါတယ်။ အဲဒီနောက် ပြင်သစ်အသင်းကရွေးချယ်ခဲ့ပြီးနေးရှင်းလိဂ်ပွဲစဉ်တွေမှာ ၂ ပွဲကစားခဲ့ ပါသေးတယ်။ ခံစစ်သုံးယောက်တန်းရဲ့ ဘယ်ခြမ်းအတွက် ခေါ်ယူခဲ့တာဖြစ်ပြီး နည်းပြပေါ်တာနဲ့ ချဲလ်ဆီးအသင်းအတွက် ရွေးချယ်စရာပိုများသွားတာဖြစ်ပါတယ်။
ချဲလ်ဆီးအသင်းဟာ မိုနာကိုနောက်ခံလူ ဘတ်ဒီယာရှိလာကို ပေါင် ၃၃ သန်းနဲ့ခေါ်ယူဖို့ သဘောတူညီမှုရရှိခဲ့တယ်လို့သိရပါတယ်။
အရပ် ၆ ပေ ၄ လက်မမြင့်တဲ့ အသက် ၂၁ နှစ်ရှိ ပြင်သစ်နောက်ခံလူဟာ လာမယ့်ရက်ပိုင်းအတွင်းမှာ ချဲလ်ဆီးအသင်းနဲ့ ဆေးစစ်မှုခံယူမှာဖြစ်တယ်လို့ သတင်းတွေကဖော်ပြပါတယ်။
ချဲလ်ဆီးအသင်းဟာ ပြီးခဲ့တဲ့နွေရာသီကတည်းက ဘယ်ခြမ်းမှာကစား နိုင်တဲ့ ဗဟိုနောက်ခံလူတစ်ဦးကိုရှာဖွေခဲ့ပြီး လိုက်ဇစ်က ခရိုအေးရှားနောက်ခံလူ ဂဗာဒီယိုနဲ့ အဆင်မပြေ ဖြစ်ခဲ့တာပါ။
လက်ရှိအချိန်မှာတော့ ကမ္ဘာ့ဖလားပြိုင်ပွဲဝင်ပြင်သစ်လူစာရင်းမှာပါဝင်ခဲ့တဲ့ ဘယ်ခြေသန် ဗဟိုနောက်ခံလူ ဘတ်ဒီယာရှီလာကိုခေါ်ယူဖို့ သဘောတူညီမူရယူနိုင်ခဲ့တာပါ။
သူဟာ တနင်္ဂနွေနေ့က ကစားခဲ့တဲ့ ဘရက်စ်နဲ့ပွဲစဉ်မှာ မိုနာကိုလူစာရင်းကနေချန်လှပ်ခံခဲ့ရပါတယ်။ မိုနာကိုအကယ်ဒမီထွက်တစ်ဦးဖြစ်တဲ့ ဘတ်ဒီယာရှိလာဟာ ၂၀၁၈ ခုနှစ်ကတည်းက အသင်းကြီးမှာပွဲ ထွက်ခွင့်ရခဲ့ပြီး စုစုပေါင်း ၁၃၅ ပွဲမှာ ၆ ဂိုးသွင်းခဲ့ပါတယ်။
