ဧရာဝတီတိုင်း၊ ဘိုကလေးမြို့မရဲစခန်းမှာ ဇန်နဝါရီ ၃၁ ရက် ညပိုင်းက ဗုံးပေါက်ကွဲမှုနဲ့ ပစ်ခတ်မှုတွေ ဖြစ်ပွားခဲ့ပါတယ်။
မနေ့ ည ၁၂ နာရီလောက်မှာ ဘိုကလေးမြို့မရဲစခန်းထဲ ဗုံးပေါက်ကွဲသံထွက်ပေါ်ခဲ့ပြီး ရဲစခန်းက သေနတ်နဲ့ လိုက်ပစ်သံတွေ ကြားရတယ်လို့ ဒေသခံတွေက ပြောပါတယ်။
“ အရင်ဆုံး အုန်းဆိုတဲ့ အသံကြားရတာ ဗုံးပေါက်တာလား လက်ပစ်ဗုံးနဲ့ထုတာလည်းတော့မသိဘူး ပြီးမှ သေနတ်နဲ့လိုက်ပစ်သံတွေကြားရတာ”လို့ ဒေသခံတဦးက ပြောပါတယ်။
ဗုံးပေါက်ကွဲပြီးနောက်ပိုင်း သေနတ်နဲ့ ရဲစခန်းထဲက လိုက်လံပစ်ခတ်ခဲ့ပေမဲ့ ထိခိုက်သူနဲ့ ဖမ်းဆီးခံရသူ မရှိဘူးလို့ ဆိုပါတယ်။
ဘိုကလေးမြို့မရဲစခန်းထဲ ဗုံးပေါက်ကွဲမှုဟာ အာဏာသိမ်းပြီးနောက်ပိုင်း ပထမဆုံးအကြိမ် ဗုံးပေါက်ကွဲခဲ့တာ ဖြစ်ပြီး ဒုရဲအုပ်တယောက် ထိခိုက်ဒဏ်ရာရသွာားတယ်လို့ သတင်းတွေထွက်ပေါ်နေပေမယ့် အတည်ပြုနိုင်ခြင်းမရှိသေးပါဘူး။
ဗုံးပေါ်ကွဲပြီး မနက်ပိုင်းမှာတော့ စစ်ကောင်စီတပ်က ပိတ်ဆို့စစ်ဆေးတာတွေကို အရင်ကထက် ပိုမိုတင်းကျပ်ပြုလုပ်နေတယ်လို့ ဒေသခံတွေက ပြောပါတယ်။
အချုပ်သား ၂၈ ဦးထိ ရောဂါတွေ့ရှိထားတဲ့အတွက် ကျန်တဲ့ အချုပ်သားတွေကို သီးသန့်ထားနိုင်ဖို့ အချုပ်ခန်းအသစ်ကို တည်ဆောက်နေရတာလို့ ဘိုကလေးမြို့နယ် ရဲတပ်ဖွဲ့မှူး ရဲမှူးမြင့်သိန်းက ပြောပါတယ်။
“ပိုးတွေ့အချုပ်သားများလာတဲ့အတွက် ဆေးစစ်ပြီးသား အချုပ်သားအဟောင်းတွေကို မူလအချုပ်ကြီးမှာ ထားမယ်။ ထပ်ရောက်လာမယ့် အချုပ်သားသစ်တွေကို သီးသန့်ထားပြီး ဆေးစစ်မှုသေချာတော့မှ အချုပ်ဟောင်း အခန်းတွေမှာ ထားဖို့ အစီအစဉ်ဆွဲပြီးတော့ ရဲစခန်းအနီးမှာရှိတဲ့ မြို့နယ်မှူးရုံးဟောင်းထဲမှာ အချုပ်ခန်းအသစ် အမြန်ဆောက်လိုက်တာ။”
ဘိုကလေးမြို့မရဲစခန်းက ပြစ်ဒဏ်ကျ အချုပ်သား ၃ ဦးကို ဖျာပုံအကျဉ်းထောင်ကို ပို့ဆောင်စဉ် အကျဉ်းထောင်က ရောဂါပိုး ရှိ၊ မရှိ စစ်ဆေးရာကနေ ၁ ဦးမှာ စတင်တွေ့ရှိခဲ့တာလို့ ဆိုပါတယ်။
အချုပ်သား ၁ ဦးမှာ ရောဂါပိုးတွေ့ရှိခဲ့တာကြောင့် ရဲစခန်းက အချုပ်သား ၆၇ ဦးကို မြို့နယ်ကျန်းမာရေးက စစ်ဆေးခဲ့ချိန်မှာ ၂၇ ဦး ထပ်မံတွေ့ရှိခဲ့တာလို့ သိရပါတယ်။
ရောဂါပိုးတွေ့ရှိခဲ့တဲ့ အချုပ်သား ၂၈ ဦးကို ဘိုကလေးပြည်သူ့ဆေးရုံကြီးမှာ ဆေးကုသတာတွေ လုပ်ဆောင်ပေးနေပြီး ကျန်တဲ့အချုပ်သားတွေကို သီးခြားထားနိုင်ဖို့ အချုပ်ခန်း အသစ်တိုးချဲ့တည်ဆောက်တာလို့ ရဲတပ်ဖွဲ့က သိရပါတယ်။
ဧရာဝတီတိုင်းပြည်သူ့ကျန်းမာရေးဦးစီးဌာနရုံးမှာ ဒီဇင်ဘာလ ၃၀ ရက်နေ့ကပြုလုပ်တဲ့ သတင်းစာရှင်းလင်းပွဲမှာတော့ တိုင်းအတွင်းက အကျဉ်းထောင်နဲ့ အချုပ်ခန်းတွေမှာ ကိုဗစ်ရောဂါပိုးတွေ့ရှိသူ စုစုပေါင်း ၁၃၇ ဦး တွေ့ရှိထားတယ်လို့ ဒုတိုင်းဦးစီးမှူး ဒေါက်တာ သီဟအောင်က ပြောဆိုပါတယ်။
သတင်း - မင်းထက်မုန်း(ပုသိမ်) 
