close

ဘောလ်တစ်ပင်လယ်

close

December 13, 2021

ဘောလ်တစ်ပင်လယ်အတွင်း ကုန်သင်္ဘော ၂ စီး တိုက်မိ

ဒိန်းမတ်နိုင်ငံ၊ ဘွန်ဟွန့်ကျွန်းနဲ့ ဆွီဒင်နိုင်ငံတောင်ပိုင်း ယီစတာဒ်မြို့ကြား ဘောလ်တစ် ပင်လယ်ထဲမှာ ကုန်သင်္ဘော ၂ စီး တိုက်မိခဲ့တယ်လို့ ဆွီဒင် ပင်လယ်ရေကြောင်းစီမံရေးရုံးကို ကိုးကားပြီး ဆွီဒင်ရုပ်သံ SVT media က ဒီဇင်ဘာ ၁၃ ရက်မှာ ပြောပါတယ်။

ဆွီဒင်ကမ်းရိုးတန်းရဲ့ ကမ်းလွန်မှာ ကယ်ဆယ်ရေးယာဉ်တွေ ဝိုင်းနေတဲ့ သင်္ဘော ၂ စီးရဲ့ပုံကို မြေပုံထဲမှာ တွေ့ရတာဖြစ်ပြီး သင်္ဘောတစီးက ဒိန်းမတ်နိုင်ငံမှာ မှတ်ပုံတင်ထားပြီး နောက်တစီးကတော့ ဗြိတိန်နိုင်ငံမှာ မှတ်ပုံတင်ထားပါတယ်။

ဒိန်းမတ်သင်္ဘောက မှောက်သွားပုံရပြီး သင်္ဘောပေါ်က လူ ၂ ယောက်ရဲ့ အခြေအနေကို မသိရသေးဘူးလို့ ဌာနက ပြောပါတယ်။

ဗြိတိန်သင်္ဘောကတော့ ခုတ်မောင်းနိုင်ဆဲဖြစ်ပြီး သင်္ဘောဝန်ထမ်းတွေ ဘေးကင်းတယ်လို့  ရုပ်သံဌာနက ဆိုပါတယ်။

ဆွီဒင်ရေပိုင်နက်ထဲမှာ တိုက်မိတာဖြစ်ပြီး ကယ်ဆယ်ရေးလုပ်ငန်းအတွက် ဒိန်းမတ်အစိုးရက ဆွီဒင်အာဏာပိုင်တွေကို ကူညီပေးနေပါတယ်။

ဒိန်းမတ်အစိုးရဘက်က ရဟတ်ယာဉ်တစီး စေလွှတ်ခဲ့သလို ဘွန်ဟွန့်ကျွန်းပေါ်က ကယ်ဆယ်ရေး လှေတစီး ပို့ပေးခဲ့တာပါ။ 

သင်္ဘောတစီးက မီတာ ၉၀ ရှည်ပြီး နောက်တစီးက ၅၅ မီတာ ရှည်တယ်လို့ ဆွီဒင် ကမ်းရိုးတန်းစောင့်တပ် ပြောခွင့်ရကို ကိုးကားပြီး ဆွီဒင်သတင်းဌာန TT က ဖော်ပြပါတယ်။

4 mins Ago

April 30, 2020

ရုရှား၏ အနုမြူဗုံးကြဲလေယာဉ်များ ဘောလ်တစ်ပင်လယ်ထဲ ပျံသန်း

ရုရှားအစိုးရဟာ အနုမြူဗုံးသယ်နိုင်တဲ့ Tu-160 ဗျူဟာမြောက် ဗုံးကြဲလေယာဉ်တွေကို ပျံသန်းခိုင်းရာမှာ ဘောလ်တစ်ပင်လယ်ထဲက ဘယ်သူ့ပိုင်နက်မှ မဟုတ်တဲ့ ကြားနေ ပင်လယ်ရေ ပြင်ပေါ်ကနေ ဖြတ်ပျံခဲ့တယ်လို့ ရုရှားကာကွယ်ရေးဝန်ကြီးဌာနက ဧပြီ ၂၉ ရက်မှာ ထုတ်ဖော် ပြောလိုက်ပါတယ်။  ရုရှားရဲ့ ဒီလုပ်ရပ်ကြောင့် ဖင်လန်၊ ဒိန်းမတ်၊ ပိုလန်နဲ့ ဆွီဒင်နိုင်ငံတွေက ရုရှား လေယာဉ်တွေ ဒီနယ်မြေထဲကနေ ထွက်သွားအောင်လို့ သူတို့ရဲ့ ဂျက်လေယာဉ်တွေကို ပျံတက်ခိုင်းပြီး ခြံရံ မောင်းနှင် ပျံသန်းခိုင်းခဲ့ပါတယ်၊  လေကြောင်းခရီးစဉ်က ပုံမှန်ဖြစ်ပြီး နိုင်ငံတကာလေပိုင်နက်စည်းမျဉ်းကို တင်းတင်း ကြပ်ကြပ်လိုက်နာ စောင့်ထိန်းခဲ့တယ်လို့ ဝန်ကြီးဌာနက ပြောပါတယ်။  ရုရှားဟာ အလားတူ လေ့ကျင့်ပျံသန်းတာတွေကို အာတိတ်၊ အတ္တလန္တိတ်နဲ့ ပစိဖိတ် သမုဒ္ဒရာတွေထဲမှာလည်း လေ့ကျင့်ခဲ့ဖူးတာပါ။  ဒါ့အပြင် ပင်လယ်နက်နဲ့ ဘောလ်တစ်ပင်လယ်တို့ ကောင်းကင်မှာလည်း ပုံမှန်နီးပါး လေ့ကျင့်နေခဲ့တာပါ။  နေတိုးအဖွဲ့ဝင် နိုင်ငံတွေကတော့ ရုရှားရဲ့ ဒီမူဝါဒဟာ အကူအညီမရတဲ့ ခြိမ်းခြောက်မှုပဲ လို့ မြောက်အတ္တလန္တိတ်သဘောတူညီချက် လက်မှတ်ထိုးထားတဲ့ နေတိုးအဖွဲ့ဝင် နိုင်ငံတချို့က သတ်မှတ် ထားပါတယ်။  တူပိုလက်ဗ် တီ  T-160 ရုရှားတိုက်လေယာဉ်ဟာ တာတိုပစ် နျူကလီးယား ဒုံးကျည် ၁၂ စင်းထိ သယ်ထားနိုင်ပါတယ်။ ဒီလေယာဉ်ဟာ လေထဲမှာ ၈ နာရီကြာ ပျံသန်းနိုင်တယ်လို့ ရုရှားကာကွယ်ရေး ဝန်ကြီးဌာနက ပြော ပါတယ်။ ရုရှားဗုံးကြဲလေယာဉ် တူပိုလက်ဗ် Tu-22M3 ဗျူဟာမြောက် ဗုံးကြဲလေယာဉ်တွေဟာ အင်္ဂါနေ့ကလည်း လေးနာရီကြာ လေကြောင်းခရီးစဉ်အတွင်း ဘားရန့်စ်နဲ့ နော်ဝေ ပင်လယ်တွေ ထဲက ကြားခံရေပိုင်နက်ပေါ်ကနေ ဖြတ်ပျံခဲ့ပါတယ်။ ပျံသန်းလာတဲ့ ရုရှား လေယာဉ်တွေကို မောင်းထုတ်ဖို့ နော်ဝေ ဂျက်လေယာဉ်တွေကို နော်ဝေစစ်တပ်က အမိန့် ပေးခဲ့ရပါတယ်။  ဧပြီ ၂၈ ရက်ကလည်း ဘော်လ်တစ် တပ်မဟာအဖွဲ့ဝင် အဆင့်မြင့် ဂျက်လေယာဉ်တွေဟာ ဘောလ်တစ်ပင်လယ်ထဲက ရေကြောင်းပစ်မှတ်တွေကို ထိမှန်အောင် ပစ်ခတ်လေ့ကျင့်ခဲ့ကြ တယ်လို့ ရုရှားကာကွယ်ရေးဝန်ကြီးဌာနက ပြောပါတယ်။   
2 years Ago
Up