မြန်မာနိုင်ငံမှာ မတရားစစ်အာဏာသိမ်းမှုကာလ ၄ လကျော်အတွင်း အကြမ်းဖက် စစ်အုပ်စုက ပစ်ခတ်သတ်ဖြတ်မှုကြောင့် ကျဆုံးပြည်သူပေါင်း ၈၆၀ ယောက်ထိ ရှိလာပြီ ဖြစ်တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ)က သတင်းထုတ်ပြန်ပါတယ်။

ဒီစာရင်းဟာ ပြီးခဲ့တဲ့ ဖေဖော်ဝါရီ ၁ ရက်မှ ဇွန် ၁၀ ရက်အထိ မှတ်တမ်း ပြုစုထား တာဖြစ်ပြီး ဒီအရေအတွက်ဟာ အေအေပီပီမှ ကောက်ယူရရှိထားတဲ့ အရေအတွက်ဖြစ်ပြီး အမှန်တကယ် ကျဆုံးသူတွေဟာ ဒီထက်ပိုများနေနိုင်ကြောင်းလည်း ဖော်ပြထားပါ တယ်။

နွေဦးတော်လှန်ရေးကာလအတွင်း ပြည်သူ ၅,၉၆၅ ယောက် ဖမ်းဆီးခံခဲ့ရကာ လက်ရှိ  ၄,၈၀၄ ယောက်ကတော့ ချုပ်နှောင်ခံထားရဆဲဖြစ်ပြီး အဲဒီထဲက ၁၇၃ ယောက် ကတော့ ထောင်ဒဏ်ချမှတ်ခံထားရပါတယ်။

အမှုဖွင့်ခံထားရပြီး ဖမ်းဝရမ်း ထုတ်ခံထားရတဲ့အတွက် တိမ်းရှောင်နေသူအရေအ တွက်ကတော့ ၁၉၃၆ ယောက်ရှိနေပြီး သူတို့ထဲက ၃၁ ယောက်ကတော့ မျက်ကွယ် သေဒဏ်ချမှတ်ခံထားရကာ ၁၄ ယောက်ကတော့ အလုပ်ကြမ်းနဲ့ ထောင်ဒဏ် ၃ နှစ်စီ ၃၉ ယောက်ကတော့ အလုပ်ကြမ်းနဲ့ ထောင်ဒဏ်နှစ် ၂၀ စီ၊ ၅ ယောက်ကတော့ အလုပ်ကြမ်း နဲ့ ထောင်ဒဏ် ၇ နှစ်စီ မျက်ကွယ်ထောင်ဒဏ် ချမှတ်ခံထားရလို့ လက်ရှိမှာ ထွက်ပြေး တိမ်းရှောင်နေဆဲဖြစ်တယ်လို့ ဆိုပါတယ်။  

ဇွန် ၉ ရက်နေ့ ညပိုင်းမှာတော့ မန္တလေးတိုင်းဒေသကြီး၊ အမရပူရမြို့နယ်၊ အမရပူ ရ သပိတ်စစ်ကြောင်းမှာ ပါဝင်ပြီး အာဏာဖီဆန်ရေးလှုပ်ရှားမှု(CDM) ပြုလုပ်ထားတဲ့ ကျောင်းဆရာ ၁ ယောက်ကို အကြမ်းဖက်စစ်အုပ်စုက ဖမ်းဆီးသွားခဲ့တယ်လို့ ဆိုပါတယ်။

ဒါ့အပြင် အကြမ်းဖက်စစ်အုပ်စုက ရာဇသတ်ကြီးပုဒ်မ ၅၀၅(က)နဲ့ တရားစွဲဆိုခံ ထားရတဲ့ တနင်္သာရီတိုင်း၊ မြိတ်မြို့က ကဗျာဆရာ မောင်ယုပိုင်၊ ကဗျာဆရာ နရီ(မြိတ်) (ခေါ်)အထက်တန်းရှေ့နေ ဦးလွင်အောင်၊ တက်ကြွလှုပ်ရှားသူ ကိုတင်ကိုကိုဦးနဲ့ NLD မြို့နယ် အလုပ်အမှုဆောင် ဦးစိုးလင်းတို့ကို ဇွန်လ ၈ ရက်နေ့နဲ့ ၉ ရက်နေ့တွေမှာ ထောင် ဒဏ် ၂ နှစ်စီ အသီးသီး ပြစ်ဒဏ်ချမှတ်ခံခဲ့ရတယ်လို့ ဆိုပါတယ်။

အေအေပီပီ အနေနဲ့ လက်ရှိအခြေအနေတွေကို နေ့စဉ် စောင့်ကြည့်မှတ်တမ်းတင် နေတာဖြစ်ပြီး စစ်အာဏာသိမ်းမှုနဲ့ပတ်သက်ပြီး ဖမ်းဆီး၊ တရားစွဲဆို၊ ပြစ်ဒဏ် ချမှတ်ခံ ထားရသူတွေ စာရင်းကို နေ့စဉ် ထုတ်ပြန်သွားမယ်လို့ ဆိုပါတယ်။

အရပ်ဘက်အဖွဲ့အစည်းတွေက ခေါင်းဆောင်တွေ၊ အရပ်သားတွေ၊ တက်ကြွလှုပ် ရှားသူတွေ၊ သတင်းသမားတွေ၊ CDM လှုပ်ရှားနေတဲ့ ဝန်ထမ်းတွေစတဲ့ နယ်ပယ်အသီးသီး က ဘယ်သူမဆို ဖမ်းဆီး၊ ထိန်းသိမ်း၊ တရားစွဲဆိုခံထားရတာကို သိရှိပါက အေအေပီပီ အီးမေးလ်၊ ဖေ့စ်ဘွတ်ခ်နဲ့ တွစ်တာတို့ကတဆင့် ဆက်သွယ်အသိပေး၊ အကြောင်းကြားဖို့ လည်း အသိပေးထားပါတယ်။

မြန်မာနိုင်ငံမှာ မတရားစစ်အာဏာသိမ်းမှုကာလ ၇၆ ရက်အတွင်း စစ်အုပ်စုရဲ့ အ ကြမ်းဖက် ဖြိုခွင်းမှုကြောင့် ကျဆုံးပြည်သူအယောက် ၇၃၀ ထိ ရှိလာခဲ့ပြီလို့ နိုင်ငံရေး အကျဉ်းသားများကူညီစောင့်ရှောက်ရေးအသင်း(အေအေပီပီ)က ထုတ်ပြန်ပါတယ်။

ဒီစာရင်းဟာ ပြီးခဲ့တဲ့ ဖေဖော်ဝါရီ ၁ ရက်မှ ဧပြီ ၁၇ ရက်အထိ မှတ်တမ်း ပြုစုထား တာဖြစ်ပြီး ဒီအရေအတွက်ဟာ အေအေပီပီမှ ကောက်ယူရရှိထားတဲ့ အရေအတွက်ဖြစ်ပြီး အမှန်တကယ်ကျဆုံးသူတွေဟာ ဒီ့ထက် ပိုများနေနိုင်ကြောင်းလည်း ဖော်ပြထားပါတယ်။

နွေဦးတော်လှန်ရေးကာလအတွင်း ပြည်သူ ၃၁၅၂ ယောက်ကတော့ ချုပ်နှောင်ခံ ထားရဆဲ ဖြစ်ကာ  အဲဒီထဲက ၇၅ ယောက်ကတော့ ထောင်ဒဏ်ချမှတ် ခံထားရပါတယ်။ အမှုဖွင့်ခံထားရပြီး ဖမ်းဝရမ်း ထုတ်ခံထားရတဲ့အတွက် တိမ်းရှောင်နေသူအရေအတွက် ကတော့ ၈၇၁ ယောက်ရှိနေပြီး သူတို့ထဲက အယောက် ၂၀ ကတော့ မျက်ကွယ်သေဒဏ် ချမှတ်ခံထားရသူတွေဖြစ်တယ်လို့ ဆိုပါတယ်။

ဧပြီ ၁၇ ရက် မြန်မာနှစ်ဆန်း ၁ ရက်နေ့မှာတော့ အကြမ်းဖက် စစ်အုပ်စုက မြန်မာ နိုင်ငံတဝှမ်း အကျဉ်းထောင်အသီးသီးက အကျဉ်းသား ၂၃၄၀၇ ယောက်ကို လွတ်ငြိမ်း ချမ်းသာခွင့်နဲ့ ပြန်လည်လွှတ်ပေးခဲ့ပေမယ့် အာဏာသိမ်းပြီးနောက် ဖမ်းဆီးချုပ်နှောင်ခံ ခဲ့ရသူတွေတော့ လွတ်မြောက်ခြင်း မရှိသေးဘူးလို့ အေအေပီပီက ဆိုပါတယ်။

လွတ်မြောက်လာသူတွေထဲမှာတော့ အာဏာမသိမ်းမီကတည်းက ပြစ်ဒဏ်ချမှတ် ခံခဲ့ရတဲ့ နိုင်ငံရေးအကျဉ်းသား ၉ ယောက် ပါဝင်ခဲ့ပြီး သူတို့ကတော့ အင်းစိန်အကျဉ်း ထောင်နဲ့ အိုးဘိုအကျဉ်းထောင်တွေမှာ ထောင်ဒဏ်အသီးသီးချမှတ်ခံခဲ့ရတဲ့ ဒေါင်းတို့မျိုး ဆက်သံချပ် အဖွဲ့ဝင် ၃ ယောက်နဲ့ ဗကသ ကျောင်းသား ၆ ယောက်တို့ ဖြစ်ကြတယ်လို့ ဆိုပါတယ်။

မြန်မာနိုင်ငံ ဒေသအသီးသီးက ပြည်သူတွေဟာ မြန်မာနှစ်ဆန်းတစ်ရက်နေ့မှာလည်း စစ်အာဏာသိမ်းမှု ဆန့်ကျင်လှုပ်ရှားမှုတွေကို ပုံသဏ္ဍန်အမျိုးမျိုးနဲ့ ဆက်လက် လှုပ်ရှားခဲ့ကြတာကို တွေ့ရပါတယ်။

တနင်္သာရီတိုင်းဒေသကြီး၊ လောင်းလုံမြို့နယ်၊ အင်းဇောက်ကျေးရွာ သပိတ်စစ် ကြောင်းဟာ ဆိုင်ကယ်နဲ့ စီတန်း လှည့်လည်နေချိန် သပိတ်‌စစ်ကြောင်းအနောက်ဘက် မှာ ကျန်နေခဲ့တဲ့ ဆိုင်ကယ် ၁ စီးကို အရပ်ဝတ်‌ သေနတ်ကိုင်တွေက အိမ်စီးကားနဲ့ ဝင် တိုက်ခဲ့ပြီး ဆိုင်ကယ်ပေါ်ပါ အမျိုးသား ၁ ယောက်ကို ဖမ်းဆီးသွားခဲ့တယ်လို့ အေအေပီပီ က ပြောပါတယ်။

ဒါ့အပြင် မန္တလေးတိုင်းဒေသကြီး၊ မိုးကုတ်မြို့မှတော့ ဆန္ဒထုတ်ဖော်မှုအပြီး လူစုခွဲ ချိန်မှာ ပြည်သူတွေ ကာရံထားတဲ့ အတားအဆီးတွေကို ဖယ်ရှားကာ အပြင်းအထန် ဖြို ခွင်းခဲ့တာကြောင့် အရပ်သား ၂ ယောက်ကျဆုံးသွားခဲ့ပြီး ၄ ယောက် ထိခိုက်ဒဏ်ရာတွေ ရရှိသွားခဲ့ကြတယ်လို့ ဆိုပါတယ်။ အဲဒီလို ပစ်ခတ်ဖြိုခွင်းနေချိန်အတွင်း အကြမ်းဖက်စစ် အုပ်စုရဲ့ တပ်ဖွဲ့ဝင် အရာရှိ ၁ ယောက်က သူ့ရဲ့ တပ်သားတွေကို “အသေပဲလိုချင်တယ်၊ ကြားတယ်နော်”လို့ အမိန့်ပေးတဲ့ ဗွီဒီယိုဖိုင်တခုလည်း လူမှုကွန်ရက် စာမျက်နှာတွေပေါ် မှာ ပျံ့နှံ့နေပါတယ်။ ဒါဟာ သူတို့ရဲ့ ဥပဒေမဲ့ သတ်ဖြတ်မှုတွေကို တိုက်ရိုက်ဖော်ပြနေတဲ့  သက်သေတွေအနက် ခိုင်မာတဲ့ သက်သေတခုဖြစ်ပြီး အပြစ်မဲ့ အရပ်သားတွေရဲ့ အသက် အန္တရာယ် လုံခြုံရေးအတွက် အထူး စိုးရိမ်ဖွယ်ရာ အခြေအနေ တရပ်ကို ဖော်ဆောင်နေတယ်လို့ အေအေပီပီက ဆိုပါတယ်။

အေအေပီပီ အနေနဲ့ လက်ရှိအခြေအနေတွေကို နေ့စဉ် စောင့်ကြည့်မှတ်တမ်းတင် နေတာဖြစ်ပြီး စစ်အာဏာသိမ်းမှုနဲ့ပတ်သက်ပြီး ဖမ်းဆီး၊ တရားစွဲဆို၊ ပြစ်ဒဏ် ချမှတ်ခံ ထားရသူတွေစာရင်းကို နေ့စဉ် ထုတ်ပြန်သွားမယ်လို့ ဆိုပါတယ်။

အရပ်ဘက်အဖွဲ့အစည်းတွေက ခေါင်းဆောင်တွေ၊ အရပ်သားတွေ၊ တက်ကြွလှုပ် ရှားသူတွေ၊ သတင်းသမားတွေ၊ CDM လှုပ်ရှားနေတဲ့ ဝန်ထမ်းတွေစတဲ့ နယ်ပယ်အသီး သီးက ဘယ်သူမဆို ဖမ်းဆီး၊ ထိန်းသိမ်း၊ တရားစွဲဆိုခံထားရတာကို သိရှိပါက အေအေပီပီ အီးမေးလ်၊ ဖေ့စ်ဘွတ်ခ်နဲ့ တွစ်တာတို့ကတဆင့် ဆက်သွယ် အသိပေး၊ အကြောင်းကြား ဖို့လည်း အသိပေးထားပါတယ်။