မန္တလေးတိုင်း၊ အောင်မြေသာစံမြို့နယ်၊ ဥပုသ်တော်ရပ်ကွက်၊ ၂၆ × ၇၇ လမ်းနားမှာရှိတဲ့ ကျုံးရေပြင်ထဲကို အမျိုးသားတဦး မတ်လ ၂၁ ရက် မနက် ၄ နာရီလောက်က ခုန်ချခဲ့တာကြောင့် ရေနစ်သေဆုံးသွားတယ်လို့ မြို့ခံတွေက ပြောပါတယ်။

ဥပုသ်တော်ရပ်ကွက်မှာ နေထိုင်တဲ့ အသက် ၃၀ အရွယ် အမျိုးသားတယောက်ဟာ လွန်ခဲ့တဲ့ ၆ လလောက်ကတည်းက ဆေးဖြတ်ထားသူလို့ သိရပြီး ဒီကနေ့မနက်ပိုင်း လမ်းလျှောက်ထွက်မယ်လို့ အိမ်ကိုပြောဆို ထွက်သွားရာကနေ အခုလို ရေနစ် သေဆုံးနေတာကို တွေ့ခဲ့ရတာပါ။

မနက်အစောပိုင်း ၂ နာရီလောက်က ပထမအကြိမ် အိမ်အပြင်ထွက်မှာကို မိသားစုဝင်တွေက တားဆီးနိုင်ခဲ့ပေမဲ့ မနက် ၄ နာရီလောက်မှာ ဒုတိယအကြိမ် အပြင်ထွက်သွားခဲ့ပြီး မိသားစုဝင်တွေ လိုက်လံရှာတွေ့ချိန်မှာတော့ ကျုံးရေထဲမှာ လက်တဖက်သာမြင်ရပြီး နစ်မြုပ်သွားတယ်လို့ သိရပါတယ်။

မြို့ခံ လူမှုကယ်ဆယ်ရေးအသင်းဝင်တယောက်က “လူမှုကူညီရေးအသင်းကို မနက် ၄ နာရီလောက်မှာ အကြောင်းကြားခဲ့ပြီး သေဆုံးသူက မနက် ၄ နာရီလောက်ကျတော့ ရာသီဥတု ပူလို့၊ အသက်ရှုကြပ်လို့ လေလေးဘာလေး ရှူရအောင် လမ်းလျှောက်ရင်းနဲ့ လေညင်းထွက်ခံမယ်ဆိုပြီး အိမ်ကထွက်သွားတာ၊ သူ့ဦးလေးကြီးက အနောက်ကနေလိုက်တာ၊ သူက ကျုံးဘေးရောက်တော့ အင်္ကျီချွတ်ပြီး‌တော့ ခုန်ချသွားတာ၊ သူ့ဦးလေးရောက်သွားတော့ လက်ကလေးပဲ မြင်လိုက်ရတာ” လို့ ဆိုပါတယ်။

ကယ်ဆယ်ရေးအသင်းတွေကို အကြောင်းကြားခဲ့လို့ ရှာဖွေခဲ့တာကြောင့် ကျုံးရေပြင်အောက်မှာရှိတဲ့ အဆိုပါ အမျိုးသားရဲ့ ရုပ်အလောင်းကို မနက် ၆ နာရီလောက်မှာ တွေ့ရှိခဲ့တယ်လို့ သိရပြီး ရုပ်အလောင်းကို မန္တလေးဆေးရုံကို ပို့ဆောင်ခဲ့ပါတယ်။

မန္တလေးမြို့မှာ ဧပြီ ၁၆ ရက် သင်္ကြန်အတက်နေ့ ကျုံးရှေ့မှာ အရင်နေ့ကထက် ပိုပြီးလူ စည်းကားအောင် စစ်အုပ်စုအသိုင်းအဝိုင်းနဲ့ ဝန်ထမ်းတွေအများစုလာရောက် ရေကစားတာ တွေ့ရပြီး မြို့ပေါ် အဓိကလမ်းမကြီးတွေနဲ့တခြားနေရာတွေမှာတော့ ပြည်သူလူထုတွေ ရေကစားခြင်းမရှိဘဲ ခြောက်ကပ်နေပါတယ်။ 

ကျုံးတောင်ဘက် ၂၆ ဘီလမ်းတလျှောက် ၆၆ လမ်း ကနေ ၇၃ ကြားအထိ၊ ကျုံးရှေ့ ၁၉ လမ်းကနေ ၂၆ လမ်းထိ လုံခြုံရေးတင်းကျပ်ထားတယ်လို့ မန္တလေးမြို့ခံတစ်ဦးကတယောက်က ပြောပါတယ်။ သင်္ကြန်ရေကစားမယ့် ဝန်ထမ်းတွေနဲ့ စစ်ကောင်စီ အသိုင်းအဝိုင်းကို တိုင်းရဲရုံးက လုံခြုံရေးကတ်တွေထုတ်ပေးထားပြီး  ကတ်မပါတဲ့ အပြင်လူတွေကိုတော့ တင်းကျပ် စစ်ဆေးတယ်လို့လည်း ဆိုပါတယ်။

သွားရောက်လေ့လာခဲ့သူ မြို့ခံတစ်ဦးက "အများစုက ဝန်ထမ်းတွေ၊ တပ်က သူတို့လူတွေ လာကစားကြတာ အပြင်လူတွေကို သေသေချာချာကို စစ်တာစစ်ဆေးပြီးမှ ဝင်ကစားခွင့်ပြုတယ်။ အတွင်းလူတွေအတွက် ကတ်တွေ ထုတ်ပေးထားတာလေ။ ဝင်လို့ရတယ် အပြင်လူကြတော့ ကတ်မပါတော့ တအားစစ်တယ်။ လမ်းလျှောက်သင်္ကြန်က ကျုံးတောင်ဘက်မှာ။ ကျုံးရှေ့ ၁၉ ကနေ ၂၆ လမ်းထိက လူစည်တယ် သူတို့လူချည်းပဲလေ။ ကျုံးနောက်နဲ့ မြောက်မှာတော့ ရေကစားသူ လုံးဝမရှိဘူး။ လမ်းတွေ ဖွင့်ထားတယ်။ မြို့ထဲမှာလည်း လည်တဲ့သူတွေ မရှိဘူး ရှင်းနေတယ်။"လို့ ဒီဗွီဘီကို ပြောပါတယ်။

၏အရင်နှစ်တွေက မန္တလေးမြို့တော် ကျုံးပတ်လည်မှာရော မြို့နေရာ အနှံ့အပြားမှာ ရေကစားထွက်ကားတွေနဲ့ တိုးတိုးကြိတ်နေအောင် စည်ကားခဲ့ပေမဲ့ အခုနှစ် စစ်ကောင်စီကျင်းပတဲ့ သင်္ကြန်မှာတော့ ပြည်သူလူထုတွေ ရေကစားခြင်းမရှိပဲ တော်လှန်သင်္ကြန်ဆင်နွှဲနေတဲ့အတွက် ရေကစားထွက်သူ အတော်လေးနည်းပါးခဲ့ခဲ့တယ်လို့ဆိုပါတယ်။

ဈေးဆိုင်တွေ ပိတ်ထားသလို နေအိမ်တွေရှေ့မှာလည်း ရေကစားတာ မရှိသလောက်နည်းပါးပါတယ်။ ဆင်ခြေဖုံးရပ်ကွက်တချို့မှာတော့ ကလေးငယ်တချို့ ရေကစားနေကြပေမယ့် လူကြီးတွေကတော့ ရေကစားတာ မရှိပါဘူး။

သင်္ကြန်ကာလအတွင်း နှစ်စဉ် လူအစည်ကားဆုံးနေရာတွေထဲက တစ်ခုဖြစ်တဲ့ ဦးပိန်တံတားမှာလည်း လူသူ သိပ်မရှိဘဲ ဒုဌဝတီမြစ်ဘေးက အပန်းဖြေစခန်းတွေမှာ သွားရောက်ရေကစားလည်ပတ်နေကြတာရှိတယ်လို့  သိရပါတယ်။