close

မန်ဒီ

close

November 10, 2021

ဘလွန်းဒီအော ဆန်ခါတင် ၃ဝ ထဲမပါတာ ပြင်သစ်ကို ကိုယ်စားမပြု၍ ဖြစ်နိုင်ဟု မန်ဒီ ပြော

ဘလွန်းဒီအော ကမ္ဘာ့အကောင်းဆုံးဆုအတွက် ဆန်ခါတင် ၃၀ စာရင်းမှာ မပါဝင်တာက ပြင်သစ် အသင်းအတွက် မကစားပေးလို့ဖြစ်နိုင်ကြောင်း ချဲလ်ဆီးဂိုးသမား မန်ဒီက ပြောပါတယ်။ 

မန်ဒီဟာ ချဲလ်ဆီးအသင်းနဲ့အတူ ချန်ပီယံလိဂ်ဆုဖလား ရယူနိုင်ခဲ့ပေမယ့် ပြင်သစ်ဘောလုံးမဂ္ဂဇင်းက ချီးမြှင့်တဲ့ ဘလွန်းဒီအောဆု ဆန်ခါတင် ၃ဝ စာရင်းမှာတော့ ပါဝင်လာခြင်းမရှိခဲ့တာ ဖြစ်ပါတယ်။ 

ဆန်ခါတင်စာရင်းမှာ မပါဝင်တာက ပိုပြီးအလုပ်ကြိုးစားဖို့ တွန်းအားဖြစ်စေတယ်လို့ မန်ဒီက ဆိုပေမဲ့ တဘက်မှာလည်း အံ့အားသင့်စရာကောင်းတယ်လို့ မန်ဒီက ကမ်နယ်ပလက်စ်နဲ့ အင်တာဗျူးမှာ ပြောပါတယ်။ 

“ကျနော်သာ ပြင်သစ်အသင်းကို ကိုယ်စားပြုပြီး ယူရိုပြိုင်ပွဲကစားခဲ့မယ်ဆိုရင် ဆန်ခါတင်စာရင်းမှာ မပါလို့ ဖြစ်လာတဲ့ အငြင်းပွားမှုတွေနဲ့ သုံးသပ်ချက်တွေ ရှိမယ်ထင်လား” လို့ ဂိုးသမားမန်ဒီက မေးခွန်းထုတ်ခဲ့တာ ဖြစ်ပါတယ်။ 

ဆီနီဂေါ ဂိုးသမား မန်ဒီဟာ ပြင်သစ်ကလပ်ရင်းနက်စ်မှာ လက်စွမ်းပြခဲ့ပြီးနောက် ချဲလ်ဆီးအသင်းဆီ ပြောင်းရွှေ့လာခဲ့တာပါ။ 

ဆီနီဂေါအသင်းဖော်တွေဖြစ်တဲ့ မာနေးနဲ့ ကူလီဘာလီတို့လည်း ချန်ပီယံလိဂ်ဖလား ပထမဆုံးရရှိတဲ့ အာဖရိကန်ဂိုးသမားတစ်ဦးကို ရွေးချယ်ခြင်းမပြုတဲ့အပေါ် အံ့အားသင့်မိတယ်လို့ ဝေဖန်ခဲ့ကြပါတယ်။

15 mins Ago

September 18, 2020

မန်ဒီကို ခေါ်ဈေးထက် ပေါင် ၅ သန်းလျော့ပြီး ချဲလ်ဆီးရရှိ

ပေါင် ၂၅ သန်းနဲ့ ဈေးခေါ်ခံရတဲ့ ရင်းနက်စ်အသင်းဂိုးသမား အက်ဒူရက်မန်ဒီကို ချဲလ်ဆီးအသင်းက ပေါင်သန်း ၂၀ စွန်းစွန်းနဲ့ခေါ်ဖို့ သဘောတူခဲ့ပြီလို့ ကစားသမားရဲ့ အေးဂျင့်က ပြောပါတယ်။  ချဲလ်ဆီးအသင်းရဲ့လက်ရှိ ဂိုးသမား ကက်ပါဟာ ပြီးခဲ့တဲ့ရာသီအတွင်း လက်စွမ်း မတည် ငြိမ်မှုများခဲ့တာကြောင့် သူ့ကို ဖိအားပေးဖို့ ချဲလ်ဆီးနည်းပြ လမ်းပတ်က ဂိုးသမား ၁ ဦး ရှာဖွေ နေတာဖြစ်ပါတယ်။  ချဲလ်ဆီးအသင်းက မန်ဒီကိုခေါ်ယူဖို့ ရင်းနက်စ်အသင်းနဲ့ အကြိတ်အနယ်ဆွေးနွေးခဲ့ပြီး ပြင်သစ်ကလပ်ဘက်က မန်ဒီရဲ့ ပြောင်းရွှေ့ကြေး တစိတ်တပိုင်းအဖြစ် ချဲလ်ဆီးကစားသမား တွေဖြစ်တဲ့ ဂီရော့ဒ်နဲ့တီမိုရီတို့ကို ထည့်သွင်းပေးဖို့ တောင်းဆိုထားပါတယ်။  ဒါပေမဲ့ ကစားသမားရဲ့အေးဂျင့်ဖြစ်သူ ဒီဂျန်းကတော့ မန်ဒီကို ပေါင် ၂၀ ဒသမ ၁ သန်းနဲ့ ရောင်းထုတ်ဖို့ အသင်း ၂ သင်းကြား သဘောတူညီမှုရပြီလို့ ပြောပါတယ်။  မန်ဒီဟာ ဆေးစစ်မှုခံယူရန်နဲ့အပြောင်းအရွှေ့ကို အပြီးသတ်ဖို့ မကြာခင်လန်ဒန်ကို  ရောက်ရှိ လာတော့မယ်လို့ ယူဆရပါတယ်။  “အသင်း ၂ သင်းကြားမှာ သဘောတူညီမှုရရှိခဲ့ပြီ၊ တရားဝင်သတင်းထုတ်ပြန်ဖို့ပဲ ကျန်ပါ တော့တယ်။ အရာအားလုံး  ချောချောမွေ့မွေ့နဲ့ပြီး ဆုံးသွားမယ်ဆိုရင် ဒါဟာလည်း မနက်ဖြန်လောက်ဆို ဖြစ်လာနိုင်ပါတယ်” လို့ မန်ဒီအေးဂျင့် ဒီဂျန်းက ဆီနီဂေါသတင်းစာကို ပြောပါ တယ်။   မန်ဒီဟာ ကြာသာပတေးနေ့အထိ မိုနာကိုနဲ့ကစားမယ့် ရင်းနက်စ်အသင်းရဲ့ လီဂူးအဖွင့်ပွဲစဉ် အတွက် လေ့ကျင့်ရေးပြုလုပ်ခဲ့ပါတယ်။  တဖက်မှာလည်း လမ်းပတ်က လက်ရှိဂိုးသမား ကယ်ပါကို အသင်းမှာ ဆက်လက် ထိန်းသိမ်းသွားမယ်လို့ ပြောပါတယ်။  စပိန်ဂိုးသမားဟာ ဘရိုက်တန်အသင်းကို ၃ ဂိုး ၁ ဂိုး နဲ့ အနိုင်ရခဲ့တဲ့ပွဲစဉ်မှာလည်း အမှားအယွင်း တချို့ကို ပြုလုပ်ခဲ့ပါသေးတယ်။ “ကယ်ပါနဲ့ အလုပ်လုပ်ရတာ ကျနော့်အတွက်အဆင်ပြေပါတယ်။ ကန်ချက်ကို သူ ကောင်းကောင်းကာကွယ်နိုင်လိုက် သင့်လား မသိပေမယ့် သူ့ဆီမှာ ကိုယ်ကိုယ့်ကိုယ် ယုံကြည်မှုတွေ ကို ပြန်လည်မြင်တွေ့လာရပါတယ်။ ကယ်ပါက ချဲလ်ဆီးအသင်းရဲ့ဂိုးသမားပါ။ သူ့အတွက် ပြိုင်ဆိုင်မှုဆိုတာ ရှိလာရင်တောင် ဒါဟာပြိုင်ဆိုင်မှုပါပဲ။ ဒါဟာ ချဲလ်ဆီးအသင်းရဲ့ အစဉ်အလာ ဖြစ်သလို ကစားသမားအားလုံးဟာလည်း အပြိုင်အဆိုင်ကြားမှာ ကြိုးစားရမှာ ဖြစ်ပါတယ်” လို့ လမ်းပတ်က ပြောပါတယ်။   
1 year Ago
Up