VAR စနစ်ကို ပရီးမီးယားလိဂ်မှာ  ပြန်လည်ရုပ်သိမ်းသင့်ပြီလားလို့ အာဆင်နယ်ကစားသမားဟောင်း မာတင်ကီယွန်က မေးခွန်းထုတ်သွားပါတယ်။ 

ရုပ်သံအနှေးပြကွက်နဲ့ ပြန်လည်ကြည့်ရှုပြီး ဆုံးဖြတ်တဲ့ VAR စနစ်ကို တာဝန်ယူတဲ့ ဒိုင်တွေဟာ အခုတစ်ပတ်ပွဲစဉ် ၂ ပွဲမှာ အမှားပြုလုပ်ခဲ့ကြတာပါ။

လူကျွံဘောဆုံးဖြတ်ချက်နဲ့ ပတ်သက်ပြီး မှားယွင်းဆုံးဖြတ်ခဲ့ကြောင်း အာဆင်နယ်နဲ့ ဘရိုက်တန်အ သင်းတွေဆီ တောင်းပန်စာပို့ခဲ့ပါတယ်။

အာဆင်နယ်ကစားသမားဟောင်း မာတင်ကီယွန်ကတော့ အမှားများလာတဲ့ VAR စနစ်ကို ပရီးမီးယားလိဂ်မှာ ရုပ်သိမ်းသင့်ပြီလားလို့ မေးခွန်းထုတ်ခဲ့ပြီး အဲဒီလို မှားယွင်းမှုတွေဟာ ရုပ်ဆိုးအကျည်းတန်ကြောင်း ပြောပါတယ်။

ကမ္ဘာ့ဖလားပြိုင်ပွဲမှာတုန်းက  သေချာလေ့ကျင့်ပေးထားတဲ့ ထိပ်တန်း VAR ဒိုင် ၇ ဦးအထိ အသုံးပြုခဲ့တာကြောင့် အငြင်းပွားဖွယ်ရာ မရှိခဲ့ကြောင်း ပရီးမီးယားလိဂ်မှာတော့ VAR ဒိုင်တွေ လုံလောက်မှုမရှိလို့လား၊ အချိန်ယူပြီး မစစ်ဆေး ခဲ့တားလားလို့ မာတင်ကီယွန်က မေးခွန်းထုတ်သွားခဲ့ပါတယ်။

ချန်ပီယံလိဂ်ဝင်ခွင့်ရဖို့  စပါးအသင်းက ပိုပြီးအခွင့်အရေးကောင်းမွန်နေကြောင်း အာဆင်နယ် ဂန္ထဝင် နောက်ခံလူ မာတင်ကီယွန်က ပြောပါတယ်။ 

ပွဲစဉ် ၂၈ အပြီးမှာ စပါးအသင်းက အဆင့် ရ နေရာမှာ ရပ်တည်နေပေမယ့် လက်ကျန်ပွဲစဉ်ဇယားအရ စပါးအသင်းက တခြားအသင်းတွေထက်ပိုပြီး အလေးသာနေတယ်လို့ မာတင်ကီယွန်က ဆိုပါတယ်။ 

ဗီလာအသင်းကို အာဆင်နယ်က ၁ ဂိုး ဂိုးမရှိနဲ့ အနိုင်ရခဲ့တဲ့ ပွဲစဉ်ကို မာတင်ကီယွန်က အဘွန်လဟော်၊ ဂျိုကိုးတို့နဲ့အတူ BT Sport ရုပ်သံကနေ သုံးသပ်တင်ဆက်ခဲ့ကြပါတယ်။ 

အာဆင်နယ်က နိုင်ပွဲပြန်ရပြီး အဆင့်လေးနေရာမှာ ရပ်တည်နေပေမယ့် ပွဲစဉ်ဇယားအရ စပါးအသင်းက အခွင့်အရေးအကောင်းဆုံးလို့ မာတင်ကီယွန်က သုံးသပ်ပါတယ်။ 

ဂျိုကိုးနဲ့ အဘွန်လဟော် တို့ကတော့ မာတင်ကီယွန်ရဲ့ သုံးသပ်ချက်ကို သဘောမတူခဲ့ဘဲ အာဆင်နယ်က အခွင့်အရေးအကောင်းဆုံးဖြစ်တယ်လို့ ပြန်လည်ချေပခဲ့ပါတယ်။ 

ချန်ပီယံလိဂ်ဝင်ခွင့် ရမယ့် အဆင့် ၄ နေရာ လုပွဲမှာ အာဆင်နယ်၊ မန်ယူ၊ ဝက်စ်ဟမ်းနဲ့ စပါးအသင်း တို့ အပြိုင်အဆိုင်ဖြစ်နေတာပါ။ အာဆင်နယ်က လက်ကျန်ပွဲတွေမှာ ချဲလ်ဆီး၊ မန်ယူ၊ စပါး၊ ဝက်စ်ဟမ်းအသင်းတွေလည်း ပါဝင်ပါတယ်။ 

စပါးရဲ့လက်ကျန်ပွဲတွေမှာ  အသင်းကြီးထဲက လီဗာပူးတသင်းသာရှိတော့ပြီး ဝက်စ်ဟမ်း၊ လက်စတာနဲ့ အာဆင်နယ်ပွဲတွေလောက်ပဲ ပွဲကျပ်ကစားရဖို့ရှိပါတယ်။ 

နောက်ထပ် ပြိုင်ဘက် မန်ယူအသင်းရဲ့လက်ကျန်ပွဲတွေမှာတော့ လက်စတာ၊ လီဗာပူး၊ အာဆင်နယ်၊ ချဲလ်ဆီး အသင်းတွေလည်း ပါဝင်နေပါတယ်။ 

လက်ရှိရမှတ်အရတော့ အာဆင်နယ်က မန်ယူကို တပွဲလျော့နဲ့ ၄ မှတ်၊ စပါးကို ၆ မှတ် အသီးသီး အမှတ်ဖြတ်ထားပါတယ်။