အင်္ဂလန်တောင်ပံတိုက်စစ်မှူး စတာလင်ဟာ မိသားစုအရေးကိစ္စတစ်ခုကြောင်း အသင်းလူစာရင်း ကနေ နုတ်ထွက်သွားခဲ့ပါတယ်။
အင်္ဂလန်အသင်းနဲ့ ဆီနီဂေါပွဲစဉ်မတိုင်ခင်မှာ အသင်းလူစာရင်းကနေ နုတ်ထွက်ခဲ့တာဖြစ်ပြီး အဲဒီပွဲစဉ်ကို လွဲချော်ခဲ့ပါတယ်။
အင်္ဂလန်အသင်းနည်းပြဆောက်ဂိတ်ကလည်း စတာလင်ဟာ မိသားစုအရေးကိစ္စတစ်ခုကိုဖြေရှင်းဖို့ လူစာရင်းကနေ နုတ်ထွက်ခဲ့တာဖြစ်ပြီး အသင်းနဲ့ ပြန်လည်ပူးပေါင်းမလားဆိုတာ မသေချာသေးကြောင်း ပြောပါတယ်။
စတာလင်ဟာ ဇနီးဖြစ်သူ မီလီယန်နဲ့အတူ သားသမီး ၃ ဦးရှိပြီး ဘယ်လို အရေးကိစ္စလဲဆိုတာကတော့ ထုတ်ပြန်ခြင်းမရှိပါဘူး။
အသက် ၂၇ နှစ်ရှိ ချဲလ်ဆီးကစားသမားဟာ အင်္ဂလန်အသင်းရဲ့အုပ်စုပွဲစဉ် ၂ ပွဲဆက်တိုက်ပွဲထွက်ကစားခွင့်ရခဲ့ပြီး အီရန်နဲ့ပွဲမှာ အနိုင်ဂိုးတစ်ဂိုးသွင်းပေးခဲ့ပါတယ်။ အင်္ဂလန်အသင်းမှာ နောက်ခံလူ ဘန်ဝိူက်ဟာလည်း ကိုယ်ရေးကိုယ်တာကိစ္စတစ်ခုကြောင့် အသင်းလူစာရင်းကနေ နုတ်ထွက်ထားပါတယ်။
