ကချင်ပြည် မိုးညင်းခရိုင် မိုး​ကောင်းမြို့ အန်အယ်လ်ဒီပါတီ၀င် လူငယ်​ခေါင်း​ဆောင်တဦး အသတ်ခံရ​တယ်လို့ သိရပါတယ်။

လူငယ်​ခေါင်း​ဆောင် ကိုကဗျာနိုင်​ (ခေါ်) ကိုနိုင်လင်းဦးဟာ အောက်တိုဘာ ၂၂ ရက် ည ၁၁ နာရီအချိန်မှာ စစ်အာဏာရှင်ဆန့်ကျင်​ရေးလုပ်ငန်းတွေကို လုပ်​ဆောင်ရင်း အသတ်ခံရတာလို့ NLD ပါတီ၀င်တဦးက​ပြောပါတယ်။

ကိုနိုင်လင်ဦးဟာ​ နွေဦး​တော်လှန်​ရေးမှာ တက်ကြွလုပ်ရှားသူတစ်ဦးဖြစ်ပြီး CDM ​ထောက်ပံ့မှု​ကြောင့်​ ရှောင်တိမ်း​နေရသူလည်း ဖြစ်ပါတယ်။

သူဟာ ပါတီအ​ရေးတွင်သာမက မြို့နယ်ပရဟိတလုပ်ငန်း​တွေမှာလည်း ပါ၀င်သူဖြစ်ပြီး လူငယ်​တွေ အခုလိုဖြစ်တာဟာ မြို့နယ်အတွက်ဆုံးရှုံးမှုတစ်ခုပဲလို့ သူ့ရဲ့ မိတ်​ဆွေတဦးက​ ပြောပါတယ်။

ပါတီလုပ်ငန်းတွေနဲ့ စစ်အာဏာရှင်ဆန့်ကျင်တော်လှန်ရေးလုပ်ငန်းတွေမှာ စွမ်းစွမ်းတမံ ပါဝင်ဆောင်ရွက်ပေးခ့းတဲ့ ကိုနိူင်လင်းဦးအား မြို့နယ် အမျိုးသားဒီမိုကရေစီအဖွဲ့ချုပ်က မှတ်တမ်းတင်အလေးပြုကြောင်းနဲ့ ရဲ​ဘော်​ကောင်းရာဘုံကို ​ရောက်ပါ​စေ​ကြောင်း မြို့နယ် NLD ပြန်ကြား​ရေးက ၀မ်းနည်း​ကြောင်း သ၀ဏ်လွှာထုတ်ပြန်ထားပါတယ်။

မိုး​ကောင်းမှာ ၅၀၅ ခ နဲ့ ဖမ်းခံသူ ၈ ဦးရှိလာပြီး လွှတ်တော်ကိုယ်စားလှယ်တွေ၊ CDM တွေ၊ တက်ကြွလုပ်ရှားသူ​တွေက​တော့ ​အဖမ်းမခံရ​အောင် ရှောင်တိမ်း​​နေရပါတယ်။