စစ်ကိုင်းတိုင်း ယင်းမာပင်နဲ့ ဆားလင်းကြီးမြို့နယ်တို့က ​ကျေးလက်​နေပြည်သူစု​ပေါင်းပြီး စစ်အာဏာရှင်အမြစ်ပြတ် ဖြုတ်ချ​ရေးသပိတ်ကို ဇွန်လ ၃၀ ရက်​နေ့က ၁၁၂ ရက်​မြောက်​နေ့အဖြစ် ဆက်လက်ဆန္ဒ​ဖော်ထုတ်ခဲ့ကြပြီး မုံရွာပင်မသပိတ်မှ ​ဦး​ဆောင်ကော်မတီဝင်​တွေ လာ​ရောက်ဝန်းရံ ပူး​ပေါင်းခဲ့ပါတယ်။

မုံရွာပင်မသပိတ်တိုက်ပွဲ ဦး​ဆောင်​ကော်မတီ အဖွဲ့ဝင်တစ်ဦးဖြစ်တဲ့ ကိုခန့်​ဝေ​ဖြိုးက “မမျှတတဲ့ စစ်တပ်ဗဟိုပြု ကိုယ်ကျိုးစီးပွားစနစ်ကို အပြီးတိုင်ဖြိုလှဲပြီး ​ပြည်သူလူထုကို အကျိုးပြုတဲ့ စျေးကွက်စီးပွား​ရေးစနစ်ကို ထူ​ထောင်ရမှာဖြစ်ပြီး နှစ်​ပေါင်းများစွာက စိတ်မကူးနိုင်ခဲ့တဲ့ နိုင်ငံသစ်ထူ​ထောင်​ရေးအတွက် ကျ​နော်တို့ လက်ဝယ်​ရောက်ရှိလာတာဖြစ်လို့ အားမ​လျော့ဘဲ ဇွဲလုံ့လဘယ်​လောက်ထိရှိတယ်ဆိုတာ သက်​သေပြကြဖို့” လို့ပြောပါတယ်။

ယင်းမာပင်နဲ့ ဆားလင်းကြီးမြို့နယ် ပူး​ပေါင်းသပိတ်စစ်​ကြောင်းဟာ ​နေ့စဥ် စစ်အာဏာရှင်ကို ​တော်လှန်ဆန္ဒပြ​နေတာဖြစ်ပြီး ဆန္ဒပြအင်အားလည်း ​ကောင်း​နေဆဲ သပိတ်စစ်​ကြောင်းဖြစ်ပါတယ်။

​မေလ ၂၉ ရက်​က စစ်အာဏာရှင်အပြီးတိုင်ဖြုတ်ချ​ရေး စစ်ကိုင်းတိုင်း ယင်းမာပင်နဲ့ ဆားလင်းကြီးမြို့နယ် ပူးပေါင်းသပိတ်ကို မုံရွာပင်မသပိတ် ဦး​ဆောင်​ကော်မတီဝင်​တွေ လာ​ရောက်ဝန်းရံပူး​ပေါင်းခဲ့ပြီး အင်အား ၁,၀၀၀ ​ကျော် ဆန္ဒ​ပြခဲ့ပါတယ်။

ဒီက​နေ့ဆန္ဒပြပွဲမှာ လာ​ရောက်ဝန်းရံပူး​​ပေါင်းတဲ့ မုံရွာပင်မသပိတ်​ဦး​ဆောင်ကော်မတီဝင် မုံရွာတက္ကသိုလ်​ကျောင်းသားများသမဂ္ဂ ဥက္ကဋ္ဌက “ဒီ​လို​တော်လှန်​ရေးလုပ်ရင် ကျ​နော်တို့အသက်​တွေ ဘဝ​တွေ ​ပေးဆပ်ရမှာသိ​ပေမယ့် တိုင်းပြည်နဲ့ နောင်လာမယ့် မျိုးဆက်သစ်​ အနာဂတ်​ကောင်းစား​ဖို့အတွက် ကျ​နော်တို့ရဲ့ တဘဝစာ​လေးကို ပေးဆပ်ကာ တော်လှန်​​နေတာဖြစ်ပြီး ​အနာဂတ်မျိုးဆက်သစ်​တွေရဲ့ဘဝ​တွေ မ​သေ​စေဖို့ စစ်အာဏာရှင်ကို အပြီးတိုင်ဖြုတ်ချမယ်” လို့ ပြောပါတယ်။

မြို့နယ်ပူး​ပေါင်းသပိတ်တပ်ဟာ စစ်အာဏာရှင်ကို ​ဆန့်ကျင်​တော်လှန်လာခဲ့တဲ့ ရက်​ပေါင်း ၈၀ ပြည့်​မြောက်ခဲ့ပြီဖြစ်သလို ဆန္ဒ​ပြ​တဲ့ အင်အား​ကောင်း​နေဆဲ ဖြစ်ပါတယ်။