ထိုင်းနိုင်ငံအလယ်ပိုင်း ဆုဖန်းပူးရီးခရိုင်ထဲမှာ မတ် ၁၂ ရက်က ဟင်းသီးဟင်းရွက်တင်လာတဲ့ကားထဲ ပုန်းအောင်းလိုက်လာတဲ့ တရားမဝင် မြန်မာ ၁၃ ဦး ဖမ်းဆီးခံရတယ်လို့ သနေးရှင်းထိုင်းသတင်းမှာ ဖော်ပြပါတယ်။ 

ဆုဖန်းပူးရီးခရိုင် အဝေးပြေးလမ်းတာဝန်ကျရဲတပ်ဖွဲ့ဝင်တွေဟာ မနေ့က ဘန်ပလာမာ့မြို့နယ် ဆာလီရပ်ကွက်တွင်းရှိ ဘန်ကောက်သွားလမ်းမကြီးပေါ်  စစ်ဆေးရေးဆောင်ရွက်နေစဉ်  ဟင်းသီးဟင်းရွက်တွေတင်လာတဲ့ အဖြူရောင်တိုယိုတာဟိုင်းလပ်ကား ၁ စီးဝင်ရောက်လာကြောင်း၊ အဆိုပါကားမှာ အရှေ့ရော အနောက်မှာပါ နံပါတ်ပြား မတပ်ထားတဲ့အတွက် စစ်ဆေးဖို့ ရပ်မိန့်ပေးပေမဲ့ ရပ်မပေးတဲ့အပြင် အရှိန်မြှင့်မောင်းပြေးသွားတယ်လို့ ဆိုပါတယ်။ 

ရဲတွေက အဲဒီကားနောက်လိုက်ဖမ်းရာမှာ ၄ ကီလိုအကွာလောက်မှာ လိုက်မှီလာကြောင်း၊ ယာဉ်မောင်းကတော့ အသက် ၃၁ နှစ်ရွယ် နိုင်းပဆစ် ရှဲ့ကျန်ဆိုသူဖြစ်တယ်လို့ ဆိုပါတယ်။ 

ကားနောက်ခန်းက မိုးကာကိုဖွင့်ကြည့်ပြီး အသီးအနှံတွေကို စစ်ဆေးရာမှာ တရားမဝင်မြန်မာ ၁၃ ဦး (အမျိုးသား ၉ ဦး၊ အမျိုးသမီး ၄ ဦး) လိုက်ပါလာတာ တွေ့ရတယ်လို့ ဆိုပါတယ်။ 

ကားသမားက သူဟာ အဆိုပါအလုပ်သမားတွေကို တာ့ခ်မြို့နယ် နောင်ဘိုတိုက်ဘက်ကနေ ခေါ်ဆောင်လာခဲ့ကြောင်‌ေ၊ ပွဲစားက သူတို့ကို ၁ ဦးလျှင် ဘတ် ၂၀၀၀ ပေးပြီး ဘန်ကောက်အရောက်ပို့ပေးဖို့ ဆက်သွယ်ခဲ့တာကြောင့် ခေါ်လာတာလို့ ပြောပါတယ။ 

ဒီမတိုင်ခင်ကလည်း တရားမဝင်လုပ်သား ၁ ဦးလျှင် ဘတ် ၁၀၀၀ နှုန်းနဲ့ ဘန်ကောက်ကို ပို့ပေးခဲ့ဖူးကြောင်း ဝန်ခံသွားပါတယ်။ 

တာဝန်ရှိသူတွေက သူတို့အားလုံးကို လဝက ဥပဒေအရအရေးယူဖို့အတွက် ဘန်ပလာမာ့ ရဲစခန်းမှာ ထိန်းသိမ်းထားတယ်လို့ သတင်းမှာဖော်ပြပါတယ်။ 

Ref-Nation TV

ထိုင်းနိုင်ငံ ဘန်ကောက်မြို့ကို တရားမဝင်သွားရောက်ဖို့ အလုပ်လုပ်ဖို့ကြိုးစားခဲ့တဲ့ ရွှေ့ပြောင်းမြန်မာ အလုပ်သမား ၁၃ ယောက်ကို ဖေဖော်ဝါရီ ၂၈ ရက် ဒီညနေက တာခ်ခရိုင်၊  မဲ့ထောမြို့ နောင်ဘဝေါ်ဒေသမှာ ဖမ်းဆီးရမိခဲ့တယ်လို့ ထိုင်းသတင်းမှာဖော်ပြပါတယ်။

အဆိုပါ ရွှေ့ပြောင်းမြန်မာအလုပ်သမားတွေဟာ ကယ်ရီအဆင့်ဆင့်နဲ့ မြန်မာ-ထိုင်းနယ်စပ်ကနေ ဘန်ကောက်မြို့သို့ တရားမဝင်သွားရောက်ဖို့ တယောက်ကို ထိုင်းဘတ်ငွေ ၂သောင်းကျော်လောက် ပေးခဲ့ကြရတာဖြစ်ပါတယ်။

တာခ်ခရိုင်အဝင်မှာ ထိုင်းရဲတပ်ဖွဲ့က သတင်းရရှိတဲ့အတွက် လူကုန်ကူးတင်ဆောက်လာတဲ့ ကားကို ဖမ်းဆီးနိုင်ဖို့ ဂိတ်အဆင့်ဆင့်မှာ စောင့်ဆိုင်းစစ်ဆေးနေစဉ်  လမ်းဆုံတနေရာမှာ တွေ့ရှိစစ်ဆေးရာ ကားပေါ်က မြန်မာ  ၇ ယောက်ကို အရင်တွေ့ရှိခဲ့တာပါ။ 

ဒီနောက်  ကားအနောက်ထဲမှာ ဖုန်းထားတဲ တာလပတ်အမည်းရောင်ကို ဖွင့်ကြည့်ရာမှာ နောက်ထပ် မြန်မာ  ၆ ယောက် ထပ်တွေ့ဖမ်းမိခဲ့တာပါ။

ယာဉ်မောင်းနဲ့ မြန်မာအလုပ်သမားတွေကို ကိုဗစ်-၁၉ ရှိမရှိ စစ်ဆေးရာမှာ ၃ ဦးမှာ ရောဂါ စစ်ဆေးတွေ့ရလို့ အားလုံးကို ထိုင်းနိုင်ငံမှာ ကိုဗစ်ကုသ စောင့်ကြည့်ပြီးမှ နိုင်ငံတွင်း တရားမဝင် ဝင်ရောက်မှုနဲ့ ရဲစခန်းအပ်နှံ  အရေးယူ ဆောင်ရွက်သွားဖို့ရှိတယ်လို့ ထိုင်းသတင်းမှာ ဖော်ပြပါတယ်။