ယူကရိန်းမှာ ကျဆုံးခဲ့တဲ့ ရုရှားတပ်သားတချို့ရဲ့ အလောင်းတွေကို မိသားစုဝင်တွေက ဧပြီ ၁၈ မှာ မြေမြှုပ်ခဲ့ပြီး ရုရှားစစ်တပ်က သေနတ်ပစ်ဖောက် ဂုဏ်ပြုခဲ့ပါတယ်။ 

ရုရှားအစိုးရက ယူကရိန်းစစ်ပွဲမှာ တပ်သားအများအပြား ကျဆုံးခဲ့တယ်လို့ ပထမဆုံးအကြိမ် ဝန်ခံခဲ့ပါတယ်။ 

ရုရှားက အထူးစစ်ဆင်ရေးလို့ ခေါ်ဝေါ်ပြီး ဖေဖော်ဝါရီ ၂၄ ရက်မှာ စစ်သားတွေ သိန်းနဲ့ချီပြီး ယူကရိန်းကို စေလွှတ်ခဲ့တာပါ။ 

ရုရှားအစိုးရ ပြောရေးဆိုခွင့်ရှိသူ ဒီမစ်ထရီ ပက်စ်ကော့ဗ်က “အခုဆုံးရှုံးမှုက ကျနော်တို့အတွက် ကြီးမားတဲ့ ကြေကွဲ ဝမ်းနည်းစရာပါ” လို့ ပြောပါတယ်။

ကော့ကေးဆပ်တောင်တန်းတွေအနီး ရုရှားတောင်ဘက် ဗလာဒီကာဗက်ဇ်မြို့လေးမှာ စစ်သား နှစ်ယောက်ရဲ့ ဈာပနကို မိသားစု တက်ရောက်ခဲ့တာပါ။ 

ကျေးရွာသူကြီး အလက်ဇန်းဒါး ကူဆေးက “အခု ကျဆုံးသွားတဲ့ ရဲဘော်လေးက အိမ်ထောင်မရှိပေမဲ့ မိသားစုများတယ်၊ သူက အငယ်ဆုံး၊ နှမ လေးယောက်က သူ့ကို အားထားနေရတာ၊ အခုလို ငယ်ငယ်ရွယ်ရွယ်နဲ့ သေဆုံးသွားတာ အားလုံး ဒုက္ခရောက်ကုန်တာပါ၊ တာဝန်ရှိသူတွေ ရှက်သင့်ပါတယ်” လို့ ပြောပါတယ်။

အဲဒီသင်္ချိုင်းမှာ မကြာခင်က ယူကရိန်းမှာ ကျဆုံးခဲ့တဲ့ စစ်သား ၂၀ ကျော်ကို မြေမြှုပ်ထားပြီး ချထားတဲ့ ပန်းတွေ မညှိုးသေးတာ တွေ့မြင်ကြရပါတယ်။

ရန်ကုန်မြို့က ရေဝေးနဲ့ ထိန်ပင်သုသာန်တွေမှာ ဘယ်ကမှန်းမသိတဲ့ ရုပ်အလောင်းအများအပြားကို မြေကြီးသယ်ကားတွေနဲ့တင်ပြီး လူခြေတိတ်ချိန်မှာ မြေမြှုပ်တာာတွေ ရှိနေတယ်လို့ သုသာန်အနီးမှာ နေထိုင်သူတစ်ဦးက ပြောပါတယ်။

ရုပ်အလောင်းတွေကို ပုံမှန်အတိုင်းမီးရှို့လို့ မနိုင်ပါက ရေဝေးကအလောင်းတွေကို ထိန်ပင်ပို့တာဖြစ်နိုင်သလို ထိန်ပင်က အလောင်းတွေကို ရေဝေးကိုပို့တာလည်းဖြစ်နိုင်တယ်လို့ ဆိုပါတယ်။  

မြေကြီးသယ်ကားနဲ့တင်တဲ့ အလောင်းတွေဟာ စာရင်းရှိအလောင်းတွေ ဟုတ်မဟုတ်လည်း မသိနိုင်ဘူးလို့ ဆိုပါတယ်။

"မိုးချုပ်ရင် အဲ့ဘောက်ကားနှစ်စီးကရောက်လာပြီ။ မိုးချုပ်လူခြေတိတ်တဲ့အချိန်ဆို အလောင်းတွေ အဲ့ကားနဲ့တင်တယ်။ အကုန်မီးမရှို့ဘူးလေ။ ကျနော်တို့ကြားတာတော့ ထိန်ပင်မှာ မြေမြှုပ်တယ်လို့ပြောတယ်။ အကုန်မရှို့နိုင်ဘူးလေ။ ညနေဆိုရင်ရေဝေးရှေ့မှာရပ်ထားပြီ အမြဲတမ်းပဲ" လို့ သုသာန်အနီးမှာ နေထိုင်သူက ပြောပါတယ်။

ဒီဖြစ်စဉ်နဲ့ပတ်သက်ပြီး ဒီဗွီဘီက သီးခြားအတည်မပြုနိုင်သေးပေမယ့် နောက်ဆက်တွဲအခြေအနေတွေကို ဆက်လက်စုံစမ်းနေပါတယ်။

ရန်ကုန်မြို့မှာ ဇူလိုင် ၁၀ ရက်နေ့ကစပြီး ကိုဗစ်ကြောင့် အောက်ဆီဂျင်မရတဲ့သူတွေ သေဆုံးနှုန်းမြင့်တက်ခဲ့ပါတယ်။ ဇူလိုင် ၁၃ ရက်နေ့နဲ့ ၁၄ ရက်နေ့တွေတုန်းက မီးသင်္ဂြိုဟ်စက်ရှေ့ကြမ်းပြင်ပေါ် အလောင်းတွေချပြီး တန်းစီရတဲ့အထိ အခြေအနေဆိုးခဲ့ပါတယ်။ 

ဇူလိုင် ၂၀ ရက်နေ့တုန်းက ရန်ကုန်မြို့က သုသာန်လေးခုမှာ တစ်ရက်တည်း ရုပ်အလောင်း ၁၂၀၀ ကျော် ၁၃၀၀ နီးပါး သင်္ဂြိုဟ်ခဲ့ရပါတယ်။ 

ရန်ကုန်မြို့ သုသာန်လေးခုမှာ ဇူလိုင် ၂၃ ရက် ဒီနေ့ကလည်း မီးသင်္ဂြိုဟ်ရတဲ့ရုပ်အလောင်း ၁၀၀၀ ဝန်းကျင်ရှိခဲ့ပါတယ်။

စစ်ကောင်စီက နေ့စဉ်ပိုးကူးစက်နှုန်းနဲ့ သေဆုံးနှုန်းတွေ ထုတ်ပြန်ခဲ့ပေမယ့် မြေပြင်အခြေအနေနဲ့ သိသိသာသာကွာခြားနေတယ်လို့ ပရဟိတသမားတွေက ပြောပါတယ်။