ရာသီဥတုအရေး တက်ကြွလှုပ်ရှားသူတွေဟာ အိမ်ဖြူတော်သတင်းထောက်များ ညစာစားပွဲ ကျင်းပနေချိန်မှာ ဧပြီ ၂၉ ရက်က ဆန္ဒပြခဲ့ကြပြီး သမ္မတဘိုင်ဒင်ရဲ့ ကတိကဝတ်ဖြစ်တဲ့ ဖက်ဒရယ် မြေတွေပေါ်က တူးဖော်ရေး လုပ်ငန်းတွေကို အဆုံးသတ်မယ်ဆိုတဲ့ စကားကို ဆက်လက် ထိမ်းသိမ်းဖို့ တောင်းဆိုခဲ့ကြပါတယ်။
ဆန္ဒပြသူတွေဟာ အစိမ်းရောင် သဘောတူညီမှု အသစ်လို့ ကြွေးကြော်ခဲ့ကြပြီး ဘန်ဒါနဲ့ ပိုစတာတွေကိုလည်း ကိုင်ဆောင် ချီတက်ခဲ့ကြပါတယ်။
အမေရိကန်သမ္မတ ဂျိုးဘိုင်ဒင်၊ သမ္မတကတော် ဂျေးဘိုင်ဒင်၊ ဒုတိယသမ္မတ ကမ်မလာ ဟားရစ်နဲ့ ဒေါ့ကလပ်စ် အမ်ဟော့ဖ်တို့ဟာ ၂၀၂၃ ခုနှစ် အိမ်ဖြူတော် သတင်းထောက်များ ညစာစားပွဲကို တက်ရောက်ခဲ့ကြသူတွေထဲမှာ ပါဝင်ခဲ့ပါတယ်။
ရာသီဥတုဆိုင်ရာ တက်ကြွလှုပ်ရှားသူတွေဟာ နျူကလီးယား စွမ်းအင်အပေါ် ဝေဖန်ပြစ်တင်ရင်း လေဟာဗာမြို့မှာ ဧပြီ ၁၄ ရက်က ဆန္ဒပြခဲ့ကြပါတယ်။
ပြင်သစ်သမ္မတ အီမန်နျူရယ်မက်ခရွန်ကတော့ အဲဒီနေ့မှာ ဒေသတွင်းက လေအားလျှပ်စစ် စက်ရုံဆီ သွားရောက်လည်ပတ်ခဲ့တာပါ။
လေဟာဗာမြို့အတွက် ဂေဟစနစ်လို့ နာမည်ပေးထားတဲ့ အုပ်စုက လူငါးယောက်ဟာ အိုးတွေကို တီးရင်း နျူကလီးယားစွမ်းအင်ရဲ့ အန္တရာယ်နဲ့ ပတ်သက်တဲ့ ကြွေးကြော်သံတွေကို ဟစ်ကြွေးခဲ့ပါတယ်။
မက်ခရွန်ရဲ့ ရာသီဥတု အစီအစဉ်ဟာ နျူကလီးယား စွမ်းအင်ပေါ် အားကိုးနေတုန်းပဲလို့ တက်ကြွလှုပ်ရှားသူ ဆိုဖီက ပြောပါတယ်။
ပြင်သစ်အစိုးရက နိုင်ငံစုံ လျှပ်စစ်ဓာတ်အား ဖြန့်ဖြူးရေး ကုမ္ပဏီ EDF ဟာ ဓာတ်ပေါင်းဖို ၆ခု ထက်မနည်းကို တည်ဆောက်လည်ပတ်ပြီး နျူကလီးယား ဓာတ်အားပေး စက်ရုံဟောင်းတွေရဲ့ သက်တမ်းကိုလည်း နှစ် ၅၀ကျော်တဲ့အထိ သက်တမ်းတိုးဖို့ မျှော်လင့်ထားတယ်လို့ မက်ခရွန်က ဖေဖော်ဝါရီလတုန်းက ပြောခဲ့ပါတယ်။
