ယူကရိန်းစစ်ပွဲနှင့် ရုရှားတရားဥပဒေစိုးမိုးရေးအေဂျင်စီတွေရဲ့ မတရားဖမ်းဆီး၊ နှောင့်ယှက်ခြင်း အန္တရာယ်တို့ကြောင့် အမေရိကန် နိုင်ငံသားတွေ ရုရှားနိုင်ငံကနေ ချက်ချင်းထွက်ခွာဖို့ အမေရိကန် အစိုးရက အမိန့်ပေးထားပါတယ်။

ရုရှားမှာ နေထိုင်၊ ခရီးသွားလာနေတဲ့ အမေရိကန် နိုင်ငံသားတွေအနေနဲ့ ချက်ချင်း ထွက်ခွာသင့် ပါတယ်လို့ ရုရှမြို့တော် မော်စကိုမြို့က အမေရိကန်သံရုံးက သူ့သံရုံးဝက်ဘ်ဆိုက်မှာ ဖေဖော်ဝါရီ ၁၂ ရက်က ပို့စ်တစ်ခုမှာ ပြောထားပါတယ်။

"တရားမ၀င် ဖမ်းဆီးခြင်းခံရနိုင်ခြေကြောင့် သတိထား တိုးမြှင့်ဆောင်ရွက်ပါ။" 

ရုရှားနိုင်ငံကို ခရီးမသွားပါနဲ့လို့ သံရုံးက ပြောပါတယ်။ အမေရိကန်အစိုးရဟာ သူ့နိုင်ငံသားတွေကို ရုရှားနိုင်ငံကနေ ထွက်သွားဖို့ အကြိမ်ကြိမ် သတိပေးခဲ့ပြီးပါပြီ။ 

ရုရှားသမ္မတ ဗလာဒီမာပူတင်က တစိတ်တပိုင်း စည်းရုံးရေးဆင်းဖို့ အမိန့်ပေးပြီးတဲ့နောက် နောက်ဆုံး လူထု သတိပေးချက်ကို စက်တင်ဘာလမှာ ထုတ်ပြန်ခဲ့ပါတယ်။

"ရုရှားလုံခြုံရေးဌာနတွေဟာ အမေရိကန် နိုင်ငံသားတွေကို မလိုလားအပ်တဲ့ စွဲချက်တွေနဲ့ ဖမ်းဆီးခဲ့ပြီး ရုရှားမှာရှိတဲ့ အမေရိကန် နိုင်ငံသားတွေကို ရွေးချယ် ဖမ်းဆီး၊ နှိပ်စက်တာ၊ ခွဲခြားသတ်မှတ်တာ၊ မျှတပြီး ပွင့်လင်းမြင်သာစွာ ပြုမူဆက်ဆံခြင်းကို ငြင်းပယ်ပြီး လျှို့ဝှက်စမ်းသပ်ချက်တွေ လုပ်တာ ဒါမှမဟုတ် ခိုင်လုံတဲ့ အထောက်အထားတွေ မပြဘဲ ပြစ်ဒဏ်ချမှတ်တာတွေ လုပ်ခဲ့တယ်”လို့ သံရုံးက ပြောခဲ့ပါတယ်။

 "ရုရှား အာဏာပိုင်တွေဟာ အမေရိကန် နိုင်ငံသား ဘာသာရေး လုပ်သားတွေအပေါ် ဒေသဆိုင်ရာ ဥပဒေတွေကို နိုင်ထက် စီးနင်း ပြဋ္ဌာန်းထားပြီး ဘာသာရေး လှုပ်ရှားမှုမှာ ပါဝင်နေတဲ့ အမေရိကန် နိုင်ငံသားတွေအပေါ် သံသယဖြစ်ဖွယ် ရာဇ၀တ်မှုဆိုင်ရာ စုံစမ်းစစ်ဆေးဖို့ အမှုတွေ ဖွင့်ထားတယ်”လို့လည်း ပြောပါတယ်။

သူလျှိုလုပ်တယ်လို့ သံသယရှိတဲ့ အမေရိကန် နိုင်ငံသားတဦးကို ရုရှားက ရာဇ၀တ်မှုနဲ့ အမှုဖွင့်ခဲ့တယ်လို့ ပြည်ထောင်စုလုံခြုံရေးဌာန (FSB) က ဇန်နဝါရီလထဲမှာ ပြောကြားခဲ့ပါတယ်။

ရုရှားနိုင်ငံ ကော့စ်ထရိုမာ မြို့ရှိ နိုက်ကလပ်တစ်ခုမှာ ညလုံးပေါက်မီးလောင်မှုအတွင်း အနည်းဆုံး လူ ၁၃ ဦး သေဆုံးခဲ့ကြောင်း နိုဝင်ဘာ ၅ ရက်မှာ တာဝန်ရှိသူတွေက ပြောကြားခဲ့ပါတယ်။

မော်စကိုမြို့ရဲ့ အရှေ့မြောက်ဘက် ကီလိုမီတာ ၃၀၀ အကွာက ဗော်လ်ဂါမြစ်ကမ်းနားရှိ ကော့စ်ထရိုမာမြို့က ဘက်စုံသုံး အပန်းဖြေနေရာဖြစ်တဲ့ ပိုလီဂွန် မှာ မီးလောင်မှု ဖြစ်ပွားခဲ့တာပါ။

မနက် ၃ နာရီ ၅ မိနစ်အချိန်မှာ ဒုတိယ မီးသတ်အမိန့်စာ ရောက်ရှိလာပြီးနောက် မီးလောင်မှုကို လယ်ဗယ် ၃ ကို တိုးပြီး ငြှိမ်းသတ်ခဲ့ကြောင်း ကော့စ်ထရိုမာ ဒေသရှိ အရေးပေါ် အခြေအနေဆိုင်ရာ ဝန်ကြီးဌာန-အီမာကွန် ဌာနအကြီးအကဲ ဒီမစ်ထရီ ကော်နိဗ် က ပြောပါတယ်။

ဧရိယာ ၃၅၀၀ စတုရန်းမီတာမှာ မီးပျံ့နှံ့သွားလို့ မီးငြှိမ်းသတ်ရာမှာ ပိုရှုပ်ထွေးသွားပြီး ခေါင်မိုးပြိုကျမယ့်အန္တရာယ်လဲ ရှိခဲ့တယ်လို့ ဆိုပါတယ်။ 

မနက် ၇ နာရီ ၂၉ မိနစ်မှာ မီးငြိမ်းသွားခဲ့ပြီး ဒဏ်ရာရသူ ၅ ဦးရှိကြောင်း ဒေသဆိုင်ရာ အုပ်ချုပ်ရေးမှူးက ပြောပါတယ်။

တရားရေး စုံစမ်းစစ်ဆေးရေး ကော်မတီရဲ့ ထုတ်ပြန်ချက်မှာ မီးလောင်မှုကြောင့် လူ ၁၃ ဦး သေဆုံးခဲ့ပြီး သေဆုံးသူနဲ့ ဒဏ်ရာရသူ အရေအတွက်ကို ရှင်းရှင်းလင်းလင်း ဆောင်ရွက်နေတယ် လို့ ဖော်ပြထားပါတယ်။ 

အမျိုးသား တစ်ဦးဟာ အချက်ပြမီးသေနတ်နဲ့ အဆောက်အဦထဲကို ပစ်ခတ်ခဲ့ပြီးနောက်မှာ မီးလောင်မှု ဖြစ်ပွားခဲ့ခြင်းဖြစ်ကြောင်း TASS သတင်းဌာနက စုံစမ်းစစ်ဆေးသူတွေရဲ့ ပြောကြားချက်အတိုင်း ကိုးကားဖော်ပြသွားပါတယ်။