ရခိုင်ပြည်နယ်၊ စစ်တွေမြို့တက္ကသိုလ်မှာ ရေသဘင်ပွဲ (Water Party) ကို ဒီနေ့ ဖေဖော်ဝါရီ ၂၇ ရက် နေ့လယ်ပိုင်းက ကျင်းပခဲ့ရာ မေဂျာပေါင်းစုံမှ ကျောင်းသား၊ ကျောင်းသူ ထောင်ချီ ပါဝင်ဆင်နွှဲခဲ့ကြတယ်လို့ တက္ကသိုလ်ကျောင်းသား ကျောင်းသူတွေဆီကနေ သိရပါတယ်။
“စာမေးပွဲက မတ်လ ၉ ရက်နေ့မှာ ကျင်းပမှာပါ။ စာမေးပွဲမဖြေဆိုမီ စိတ်လက်အပန်းပြေစေရန်အတွက် အခု Water Party ရေသဘင်ပွဲကို ကျင်းပတယ်လို့ သိရတယ်ဗျ။”
စစ်တွေတက္ကသိုလ် ရေသဘင် (Water Party) ပွဲမှာ ရခိုင်အဆိုတော်တွေဖြစ်ကြတဲ့ ခိုင်မင်းဟိန်း၊ မင်းမင်းချေ၊ ရဲမြတ်ကျော်၊ ကိုသား၊ အောင်ချေ၊ L ကိုလင်း၊ ရီလှိုင်းပြာ၊ ဒိုးကလေးနဲ့ ဇင်မာထွန်း စတဲ့ အဆိုတော်တွေကလည်း တေးသီချင်းတွေနဲ့ ဖျော်ဖြေတာ၊ စစ်တွေတက္ကသိုလ်ရှိ မေဂျာပေါင်းစုံမှ ကျောင်းသား၊ ကျောင်းသူတွေက ကပြဖျော်ဖြေတာတွေနဲ့ စည်ကားသိုက်မြိုက်စွာ ကျင်းပခဲ့တယ်လို့ သိရပါတယ်။
စစ်တွေတက္ကသိုလ် ရေသဘင်ပွဲ (Water Party) ကို ပြီးခဲ့တဲ့ ၂ဝ၁၉ ခုနှစ်ကစပြီး စည်ကားသိုက်မြိုက်စွာ ကျင်းပခဲ့ကြတယ်လို့ တက္ကသိုလ်အသိုင်းအဝန်းကနေ သိရပါတယ်။
စပိန်နိုင်ငံ မက်ဒရစ်မြို့မှာ ထောင်နဲ့ချီတဲ့ မြို့ခံတွေဟာ ဇူလိုင် ၁၇ ရက်က စပိန်ရိုးရာ ရေသဘင်ပွဲတော်ကို ကျင်းပခဲ့ကြပါတယ်။
ဒီနှစ် စပိန်ရေသဘင်ပွဲတော်ဟာ စပိန်မှာ အပူလှိုင်း ဖြတ်နေတာ တပတ်ပြည့်တဲ့ အချိန်နဲ့ တိုက်ဆိုင်နေပါတယ်။ ဇူလိုင် ၁၇ ရက် အပူချိန်ဟာ ၄၀ ဒီဂရီ ဆဲလ်စီးယက် (၁၀၄ ဒီဂရီ ဖာရင်ဟိုက်)အထိ မြင့်တက်နေပါတယ်။
အပူဒဏ်ကို ခုခံဖို့အတွက် ဒီလို ရေသဘင်ပွဲတော်ကို စီစဉ်ရတာပဲလို့ မြို့ခံ ဂျိုစ် ဂွန်ဆာလက်က ပြောပါတယ်။
စပိန် မိုးဇလဌာနကတော့ အပူလှိုင်းဖြတ်တာ ဇူလိုင် ၁၈ ရက်မှာ ပြီးဆုံးမှာ ဖြစ်ပေမယ့် နိုင်ငံထဲက တချို့ အစိတ်အပိုင်းတွေမှာ အပူချိန် ဆက်မြင့်မားနေမယ်လို့ ခန့်မှန်းထားပါတယ်။
စပိန်နိုင်ငံမှာ ရေသဘင်ပွဲတော်ကို ၁၉၈၂ ခုနှစ်က ပူပြင်းတဲ့ နွေရာသီကို အံတုဖို့အတွက် လူငယ်တစုက စတင်ကျင်းပခဲ့တာလို့ အမှတ်အသား ရှိပါတယ်။
