မွန်ပြည်နယ်၊ ရေးမြို့မရဲစခန်းကို ဧပြီ ၁၇ ရက် မနက် ၈ နာရီလောက်က ပစ်ခတ်တိုက်ခိုက်ခံရတယ်လို့ မြို့ခံတယောက်က ပြောပါတယ်။

ရဲစခန်းကို ပစ်ခတ်ခံရအပြီး ရဲစခန်းဘက်က လမ်းတချို့ ပိတ်ဆို့ စစ်ဆေးတာတွေ လုပ်ခဲ့သလို ထိခိုက်မှုအခြေအနေကိုတော့ မသိရသေးဘူးလို့ မြို့ခံက ပြောပါတယ်။

ရေးမြို့မရဲစခန်းကို ၄၀ မမနဲ့ တိုက်ခိုက်ခဲ့တယ်လို့ ရေးဘီလူးအဖွဲ့ ခေါင်းဆောင်က ဧပြီ ၁၈ ရက်မှာ ပြောပါတယ်။

ရေးမြို့နယ်ကို စစ်ကောင်စီက စစ်အုပ်ချုပ်ရေးသတ်မှတ်ထားပြီး ဒေသကာကွယ်ရေးတပ်တွေနဲ့ စစ်ကောင်စီတပ်တွေအကြား မကြာခဏ တိုက်ခိုက်မှုတွေ ဖြစ်နေသလို လုံခြုံရေးလည်း တင်းကျပ်ခံထားရပါတယ်။

လက်ရှိမှာ ရေးဘီလူးထိန်းချုပ်နယ်မြေဘက်ဖြစ်တဲ့ ကျုံလောင်းရွာဟောင်းဘက်မှာ ဒေသခံတွေ ရွာမှာမနေရဲကြဘဲ စစ်ကောင်စီဘက်ကလည်း ကင်းပုန်းတွေ နေရာယူထားသလို PDF တွေဘက်ကလည်း စစ်ရေးလှုပ်ရှားလာတာကြောင့် နှစ်ဖက် စစ်ရေးတင်းမာနေပါတယ်။

ရေးမြို့နယ် ကျုံလောင်းရွာဟောင်းကို စစ်ကောင်စီတပ်တွေ စစ်ကြောင်းတက်လာလို့ ရေးဘီလူးအဖွဲ့သားတွေက ဧပြီ ၁၈ ရက်က နယ်မြေရှင်းလင်းရေး လုပ်ဆောင်သွားခဲ့တယ်လို့ ရေးဘီလူးအဖွဲ့က ပြောပါတယ်။

ကျုံလောင်းရွာဟောင်း ကျေးရွာအုပ်ချုပ်ရေးမှူးရုံးကိုလည်း ဝင်ရောက်ပြီး ရုံးသုံးစာရွက်စာတမ်းတွေကိုပါ မီးရှို့ဖျက်ဆီးခဲ့သလို ဒီနယ်မြေမှာ စစ်ကောင်စီတပ်တွေ နယ်မြေစိုးမိုးမှုမရအောင် ရေးဘီလူးဘက်က ဒီနယ်မြေကို ဆက်ပြီးထိန်းချုပ်ထားမယ်လို့ ဆိုပါတယ်။

မွန်ပြည်နယ်၊ သံဖြူဇရပ်မြို့နယ်မှာတော့ ပငကျေးရွာကားလမ်းမပေါ်မှာ ဧပြီ ၁၇ ရက်က  စစ်ကောင်စီတပ်က PDF ၂ ယောက်ကို ဒဏ်ရာတွေနဲ့ ဖမ်းဆီးရမိပြီးနောက် ပစ်ခတ်သတ်ဖြတ်လိုက်တယ်လို့ ဒေသကာကွယ်ရေးတပ်ဖွဲ့ဘက်က ပြောပါတယ်။

ဧပြီ ၁၇ ရက် မွန်းလွဲ ၂ နာရီကျော်လောက်က ပငကျေးရွာကို မစ်ရှင်သွားရင်း မတော်တဆ ဆိုင်ကယ်ထဲကဗုံး ထကွဲသွားလို့ ဒဏ်ရာအနည်းငယ်ရပြီး အဖမ်းခံထိသွားရာမှာ အခုတော့ ပစ်သတ်ခံခဲ့ရတယ်လို့ ဒေသကာကွယ်ရေးတပ်ဖွဲ့တွေဘက်က ပြောပါတယ်။

ပေါက်ကွဲမှုကြောင့် လူ၊ အဆောက်အဦ ထိခိုက်ပျက်စီးမှုမရှိဘဲ အခင်းဖြစ်နေရာကို ပငကျေးရွာအုပ်ချုပ်ရေးမှူး ဦးကျော်သူ ဦးစီး ပြည်သူ့စစ်အဖွဲ့တွေက ဝိုင်းဝန်းပိတ်ဆို့ ရှာဖွေဖမ်းဆီးခဲ့ပါတယ်။

ဝိုင်းဝန်းရှာဖွေရာမှာ KNU

မွန်ပြည်နယ်၊ ရေးမြို့မရဲစခန်း​ရှေ့ကနေ ဖြတ်သန်းသွားနေတဲ့ ဆိုင်ကယ်တချို့ စက်တင်ဘာ ၁၄ ရက်နေ့ ည ၆ နာရီကျော်လောက်မှာ  သေနတ်နဲ့ပစ်ခတ်ခံခဲ့ရတယ်လို့ ဒေသခံတွေက ပြောပါတယ်။

ပြီးခဲ့တဲ့ရက်က ရဲစခန်းကင်းတဲကို ဗုံးခွဲတိုက်ခိုက်ခံရပြီးတဲ့နောက် အခုလို မသင်္ကာတဲ့ ဆိုင်ကယ်တွေကို ခြောက်လှန့်ပြီး သေနတ်နဲ့ပစ်ခတ်ခဲ့တာကြောင့် ဒေသခံတွေ စိုးရိမ်နေကြတယ်လို့လည်း အမည်မဖေါ်လိုသူ ဒေသခံတဦးက ပြောပါတယ်။

ရဲစခန်းကို ရေးမြို့ ပြည်သူ့ကာကွယ်ရေးတပ်ဖွဲ့တွေရဲ့ မကြာခဏ တိုက်ခိုက်ခြင်းကိုခံခဲ့ရသလို ရဲတပ်သားတွေမှာ ထိခိုက်ဒဏ်ရာရတာတွေ မရှိသေးပါဘူး။

စက်တင်ဘာ ၁၃ ရက်နေ့ကတော့  ရန်ကုန်- ရေး - ထားဝယ် ကားလမ်းမကြီး နှင်းစုံ ကျေးရွာအနီး လုံခြုံရေးယူနေတဲ့ ရဲတပ်သား ၁ ဦး ဓားနဲ့အနီးကပ်ထိုးသတ်ခံခဲ့ရပါတယ်။

အခုလို ရေးမြို့ PDF တွေရဲ့ ပြောက်ကျားစစ်ဆင်ရေးတွေ စတင်လှုပ်ရှားလာတာနဲ့အမျှ မြို့ပေါ်ရပ်ကွက် လူနေအိမ်တွေမှာ PDF တွေခုံလှုံနေတယ်ဆိုပြီး စစ်ကောင်စီတပ်ဖွဲ့ဝင်တွေက အရင်ကထက် လုံခြုံရေးတွေကို နေ့ရောညပါ ပိုမိုတင်းကျပ်ထားပါတယ်။