တရုတ်နိုင်ငံ ရှန်ဟိုင်းမြို့မှာ ကိုဗစ်-၁၉ ကူးစက်မှုနှုန်း ကျဆင်းသွားတာကြောင့် အာဏာပိုင်တွေဟာ မေ ၁၉ ရက်နေ့က မြို့ခံတွေကို ပထမဆုံးအကြိမ် လွတ်လွတ်လပ်လပ် ဈေးဝယ်ထွက်ခွင့် ပေးခဲ့ပါတယ်။

အိမ်တအိမ်စီ လူတယောက် ဆိုင်ကို မိနစ် ၄၀ ကြာ သွားရောက်လို့ရပြီး ယွမ် ၅၀၀ အထိ သုံးစွဲလို့ရပါတယ်။

ဒေသခံတွေကိုလည်း ဆိုင်ကို လမ်းလျှောက်သွားဖို့၊ ဒါမှမဟုတ် စက်ဘီးစီးသွားဖို့ အကြံပြုထားပြီး ဝင်ပေါက်မှာလည်း နှစ်မီတာအကွာစီ တန်းစီကြဖို့ ညွှန်ကြားထားပါတယ်။

“ဒီလိုလုပ်ပေးတာ ကောင်းတယ်။ စိတ်ထဲမှာလည်း ပျော်တယ်။ လော့ဒေါင်း ရုပ်သိမ်းတာလည်း စနေပြီ။ ကျနော်တို့အတွက် သတင်းကောင်းပါပဲ” လို့ ဈေးသည် ကျုံးရန်ချိုးက ပြောပါတယ်။

လူဦးရေ ၂၅ သန်းရှိတဲ့ စီးပွားရေးအချက်အချာမြို့ ထိုင်ဝမ်မှာတော့ နေ့စဉ် ကိုဗစ်-၁၉ ကူးစက်မှုဟာ ကပ်ရောဂါ စတင်ကတည်းကနေ မေ ၁၉ ရက်က အရေအတွက် ၉ သောင်းကျော်သွားတာကြောင့် ကျန်းမာရေးစောင့်ရှောက်မှုစနစ်နဲ့ ပတ်သက်ပြီး စိုးရိမ်ပူပန်မှုတွေ ရှိလာပါတယ်။

ကူးစက်ရောဂါဆိုင်ရာ နေ့စဉ်သတင်းစာရှင်းလင်းပွဲမှာတော့ ထိုင်ဝမ်ကျန်းမာရေးဝန်ကြီးက ဆေးဘက်ဆိုင်ရာစနစ်ဟာ ကောင်းမွန်နေကြောင်း ပြောကြားပါတယ်။

ထိုင်ဝမ်ဟာ အရင်က ကိုဗစ် လုံးဝကင်းစင်ရေး ရှုထောင့်ကို လက်ခံကျင့်သုံးပြီးနောက်မှာတော့ အခုခါ ဗိုင်းရပ်စ်နဲ့ အတူယှဉ်တွဲနေထိုင်ဖို့ ရွေးချယ်လာပါတယ်။

လူဦးရေ ၂၆ သန်းရှိတဲ့ တရုတ်နိုင်ငံရဲ့ စီးပွားရေးမြို့တော် ရှန်ဟိုင်းမြို့မှာ နေ့စဉ် ကိုဗစ်-၁၉ ရောဂါကူးစက်ခံဦးရေ သုံးပုံတပုံထိ တိုးလာနေပြီး အသွားအလာကန့်သတ် လော့ဒေါင်းချထားတာ ၃ ရက်ရှိပြီ ဖြစ်ပါတယ်။

ရှန်ဟိုင်းမြို့မှာ ကိုဗစ်-၁၉ ကပ်ရောဂါ ကူးစက်ခံလူနာတွေကို ကုန်စည်ပြခန်းကို ပုံပြောင်းထားတဲ့ ယာယီဆေးရုံမှာ  ကုသပေးနေတယ်လို့ အစိုးရရုပ်သံ စီစီတီဗွီက မတ် ၃၀ ရက်မှာ အစီရင်ခံပါတယ်။

ကူးစက်ခံတွေ ဟုတ်မဟုတ် စမ်းသပ်စစ်ဆေးဖို့ အရှေ့ဘက် ဘဏ္ဍာရေးနဲ့ စက်မှုခရိုင် ပူဒေါင်ကနေ သမိုင်းဝင် ဗဟိုဌာနထိ ဟွမ်ပူမြစ်တလျှောက် မြို့ကို အာဏာပိုင်တွေက ၂ ပိုင်းခွဲထားပါတယ်။

မတ် ၂၆ ရက်ကစပြီး အရှေ့ပိုင်းက ဒေသခံတွေဟာ လော့ဒေါင်းချခံထားရပြီး အနောက်ပိုင်းက လူတွေကတော့ ဧပြီ ၁ ရက်ကစလို့ လေးရက်ကြာ စတင် လော့ဒေါင်းချဖို့ တရားဝင် အချိန်ဇယား ဆွဲထားပါတယ်။

မတ် ၂၉ ရက် တရက်တည်းမှာ ရှန်ဟိုင်းမြို့မှာ ရောဂါလက္ခဏာမပြတဲ့ ကူးစက်ခံဦးရေ ၅,၆၅၆ ယောက်နဲ့ ရောဂါလက္ခဏာပြတဲ့ ကူးစက်ခံ ၃၂၆ ယောက်စံ ချိန်တင် တွေ့ခဲ့ပါတယ်။

အရင်နေ့ကတော့ ရောဂါလက္ခဏာမပြတဲ့ အသစ်ကူးစက်ခံ ၄,၃၈၁ ယောက်ရှိခဲ့ပြီး ရောဂါလက္ခဏာပြတဲ့ အသစ်ကူးစက်ခံ ၉၆ ယောက် ရှိခဲ့တယ်လို့ စီစီတီဗွီ သတင်းဌာနက ထုတ်ပြန်ထားပါတယ်။