ကယား (ကရင်နီ) ပြည်နယ်၊ လွိုင်ကော်မြို့၊ ပြည်နယ်ခန်းမရှေ့မှာ ဇန်နဝါရီ ၁၅ ရက် ဒီနေ့မနက် (၇၁)နှစ်မြောက် ကယားပြည်နယ်နေ့ အထိမ်းအမှတ် မုခ်ဦးဖွင့်ပွဲအခမ်းအနားကို စစ်ကောင်စီက စီစဉ်ကျင်းပနေချိန် လက်နက်ကြီးနဲ့ ပစ်ခံရလို့ လုံခြုံရေးတပ်ဖွဲ့ဝင်တချို့နဲ့ အရပ်သားအနည်းဆုံး ၈ ဦးဒဏ်ရာရပြီး ၁ ဦး သေဆုံးခဲ့တယ်လို့ စစ်ကောင်စီက သတင်းထုတ်ပါတယ်။
ဒီနေ့မနက် ၇ နာရီ ၁၅ မိနစ်လောက်မှာ လွိုင်ကော်မြို့ အရှေ့မြောက်ဘက်မီတာ ၄၀၀၀ လောက် အကွာကနေ လက်နက်ကြီးနဲ့ ပစ်ခတ်တိုက်ခိုက်လို့ အခမ်းအနားကျင်းပရာ ပြည်နယ်ခန်းမအနီး လက်နက်ကြီး ကျည် ကျရောက်ပေါက်ကွဲခဲ့တယ်လို့ ဆိုပါတယ်။
ထိခိုက်ဒဏ်ရာရသူတွေထဲမှာ ကျောင်းသား/သူ ၆ ဦး၊ အရပ်သား ကျား ၁ ဦး၊ မ ၁ ဦးတို့ ပါဝင်ပြီး အရပ်သား အမျိုးသား ၁ ဦး သေဆုံးခဲ့ကြောင်းနဲ့ လုံခြုံရေးတပ်ဖွဲ့ဝင်တွေ ဘယ်နှယောက် ထိခိုက် ဒဏ်ရာရတယ်ဆိုတာကိုတော့ သတင်းမှာ ဖော်ပြတာမရှိပါဘူး။
ထိခိုက်ဒဏ်ရာရရှိခဲ့သူတွေကို လွိုင်ကော်မြို့ရှိ ပြည်သူ့ဆေးရုံသို့ ပို့ဆောင်ဆေးကုသပေးနေတယ်လို့ ဆိုပါတယ်။
ဒီပစ်ခတ်မှုဟာ KNPP အဖွဲ့နှင့် PDF တွေက ပစ်ခတ်တာလို့ စစ်ကောင်စီက သက်သေမရှိဘဲ စွပ်စွဲထုတ်ပြန်ထားပြီး စွပ်စွဲခံရတဲ့ အဖွဲ့တွေဘက်ကိုတော့ လတ်တလော ဆက်သွယ်မေးမြန်းနိုင်ခြင်း မရှိသေးပါဘူး။
Photo- DSINFO
ကချင်ပြည်နယ်၊ မြစ်ကြီးနားမြို့နယ်၊ မော်ဖောင်းကျေးရွာအနီးမှာရှိတဲ့ မြောက်ပိုင်းတိုင်းစစ်ဌာနချုပ် လေတပ်စခန်းကို ဧပြီ ၁၇ ရက် ဒီနေ့မနက်က လက်နက်ကြီးနဲ့ အပစ်ခံရပြီး လက်နက်ကြီးကျည် ၂ လုံး ကျရောက်ပေါက်ကွဲခဲ့တယ်လို့ ဒေသခံတွေက ပြောပါတယ်။
ပစ်ခတ်မှုကြောင့် ထိခိုက်ပျက်စီး ဒဏ်ရာရမှု အခြေအနေကို စစ်ကောင်စီဘက်က သတ်းထုတ်ပြန်ခြင်းမရှိသေးဘဲ လေယာဉ်ကွင်းတစ်လျှောက် စစ်သားတွေနဲ့ ရဲတွေက လှည့်လည် စစ်ဆေးမေးမြန်းနေတယ်လို့ သိရပါတယ်။
လက်နက်ကြီးပစ်ခတ်သံ ၃ ကြိမ်လောက်ကြားရပြီး လက်နက်ကြီးတစ်လုံးကတော့ မော်ဖောင်းကျေးရွာအတွင်း ကျရောက်ပေါက်ကွဲခဲ့တာကြောင့် ရွာသား ၁ ဦး ပေါင်မှာထိခိုက်ဒဏ်ရာရခဲ့တယ်လို့ ဒေသခံတွေက ပြောပါတယ်
ကချင်ပြည်နယ်အတွင်း နေရာအနှံ့အပြား တောင်ပေါ်ဒေသတွေမှာ အကြမ်း ဖက်စစ်ကောင်စီတပ်နဲ့ ကေအိုင်အေတို့ တိုက်ပွဲဖြစ်ပွားနေသလို စစ်ကောင်စီရဲ့ လေတပ်ကလည်း လေကြောင်းကနေ ဗုံးကြဲတိုက်ခိုက်နေတာဖြစ်ပါတယ်
ကချင်ပြည်နယ် ဖားကန့်၊ တနိုင်း၊ ပူတာအို၊ ဗန်းမော်အပြင် မန္တလေးတိုင်း မိုးကုတ်နဲ့ ရှမ်းပြည်နယ်ဘက်က ဒေသတချို့မှာလည်း ကချင်လွတ်မြောက်ရေးတပ်မတော်နဲ့ အာဏာသိမ်းစစ်ကောင်စီအကြမ်းဖက်အဖွဲ့ အကြားတိုက်ပွဲတွေ ဆက်တိုက်ဖြစ်ပွားနေပါတယ်။
