လစ်ဗျား မှောင်ခိုကွန်ရက်ကနေ ဆက်သွယ်ရေး နည်းပညာနဲ့ လက်နက်တွေရနေတဲ့ စစ်သွေးကြွတွေက နိုက်ဂျာအမျိုးသားစစ်တပ်ကို လာရောက် ပစ်ခတ်ခဲ့တယ်လို့ နိုက်ဂျာ သမ္မတ မိုဟာမဒ် ဘာဇွန်မ်က ဒီဇင်ဘာ ၆ ရက်မှာ ပြောပါတယ်။

ဆီနီဂေါနိုင်ငံမှာ ကျင်းပတဲ့ ငြိမ်းချမ်းရေးနဲ့ လုံခြုံရေးဆိုင်ရာ ဒါကာ နိုင်ငံတကာ ဖိုရမ် မိန့်ခွန်းအတွင်း ခုလို ပြောလိုက်တာပါ။

စစ်သွေးကြွတွေဟာ အခြေခံ အမြောက်တွေ၊ ဒုံးကျည် ပစ်စင်တွေနဲ့ ဆဲလူလာ ကွန်ရက် နှောင့်ယှက်ရေး ကိရိယာတွေကိုပါ နိုက်ဂျာစစ်တပ်ထပ် ပိုကောင်းကောင်း သုံးနိုင်နေတယ်လို့ ဘာဇွန်မ်က ပြောပါတယ်။

နိုက်ဂျာနိုင်ငံရဲ့ အနောက်တောင်ပိုင်း၊ ဘာကီနာဖာဆို နိုင်ငံနဲ့ နယ်စပ်နားမှာ တိုက်ပွဲအတွင်း ဘယ်သူဘယ်ဝါ မသိရတဲ့ သေနတ်သမားတွေက ပစ်ခတ်ခဲ့တာကြောင့် စစ်သား ၁၂ ယောက် သေဆုံးပြီး ၈ ယောက် ဒဏ်ရာရတယ်လို့ အစိုးရက ဒီဇင်ဘာ ၅ ရက်နေ့မှာ ပြောပါတယ်။

အာဖရိကတိုက် အနောက်ပိုင်း ဆာဟယ်ဒေသတလွှားမှာ အယ်လ်ကိုင်းဒါးနဲ့ အိုင်အက်စ် စစ်သွေးကြွတွေနဲ့ ပတ်သက်နေတဲ့ အုပ်စုတွေက ပိုကျယ်ကျယ်ပြန့်ပြန့် အကြမ်းဖက် လာနေပါတယ်။ 

နိုက်ဂျာ၊ မာလီနဲ့ ဘာကီနာဖာဆို သုံးနိုင်ငံ နယ်စပ်မှာ အဆိုးဆုံး တိုက်ခိုက်မှုတချို့ ဖြစ်ခဲ့ပါတယ်။ ဒါကြောင့် ဒေသတွင်းမှာ ထောင်ချီတဲ့ အရပ်သားတွေ အသတ်ခံခဲ့ရပြီး သန်းချီတဲ့ ပြည်သူတွေ အိုးပစ်အိမ်ပစ် ထွက်ပြေးခဲ့ရပါတယ်။

မူဆယ်မြို့မှာ ဆန္ဒပြလူငယ်အချို့ လက်နက်ပစ္စည်းတွေ့ရှိကြောင်း မတရားစွပ်စွဲ ကြေညာခံ ရတယ်လို့ အမည်မဖော်လိုသူတစ်ဦးက ပြောပါတယ်။

မူဆယ်မြို့မှာ မေ ၁၁ ရက်နေ့ မနက် ၉ နာရီဝန်းကျင်လောက်က ဖမ်းဆီးခံခဲ့ရတဲ့ ၂ ဦးမှာ ဆိုင်ကယ်သာပါပြီး လက်နက်ပစ္စည်းမပါပေမယ့် M - 22 ၅ လက်၊ လက်လုပ်မိုင်း ၁၆ လုံးနဲ့ ဖမ်းဆီးရမိကြောင်း မတရားစွပ်စွဲ ကြေညာခံခဲ့ရတာလို့ ဆိုပါတယ်။

ဖမ်းဆီးခံရသူတွေထဲမှ မောင်ရဲသုဝေလင်းကို မေလ ၁၂ ရက်​နေ့ ည ၈ နာရီ MWD သတင်းမှာ ၁၈ နှစ် မပြည့်သေးပေမယ့် ၁၈ နှစ်လို့ မှားယွင်းကြေညာခဲဲ့တယ်လို့ သူက ရှင်းပြပါတယ်။

မူဆယ်မှာ မေလ ၁၁ ရက်နေ့က မနက်ပိုင်းနဲ့ ညနေပိုင်းမှာ လူငယ် ၅ ဦး ဖမ်းဆီးခံခဲ့ရတယ် လို့ မျက်မြင်ဒေသခံဆီက ​သိရပါတယ်။

မူဆယ်မှာ စစ်အာဏာရှင် အလိုမရှိကြောင်း ဆန့်ကျင် ဆန္ဒပြတဲ့သူတွေ အများအပြား ဖမ်းဆီးခံရပြီး ပြန်လွှတ်ပေးခဲ့သူတွေလည်း ရှိပေမယ့် တရားစွဲဆိုခံထားရသူတွေ အများအပြား ရှိပါတယ်။

ဒါ့အပြင် ဖမ်းဆီးထိန်းသိမ်းထားတဲ့သူတွေထဲမှာ ဉာဏ်ရည် မသန်စွမ်းသူ တစ်ဦး ပါဝင်နေတယ်လို့ ဖမ်းဆီးခံရသူနဲ့နီးစပ်သူက ပြောပါတယ်။

လက်ရှိ မူဆယ်မှာ အကြမ်းဖက်စစ်ကောင်စီရဲ့ စစ်တပ်နဲ့ ရဲတပ်ဖွဲ့က ဆန္ဒပြသူတွေကို ပစ်ခတ် ဖြိုခွင်းတာကြောင့် လူငယ် အမျိုးသား ၂ ဦး သေဆုံးခဲ့ပြီး ပြင်းထန်ဒဏ်ရာရသူတွေ လည်းရှိသလို ပုဒ်မ ၅၀၅ (က) နဲ့ ဖမ်းဝရမ်းထုတ်ထားခံရသူတွေလည်း ရှိနေပါတယ်။