close

လင်ဒီလော့ဖ်

close

July 11, 2022

အသင်းမပြောင်းဘဲ ပွဲထွက်ခွင့်ရရှိရေး တိုက်ပွဲဝင်သွားမည်ဟု မန်ယူနောက်ခံလူ လင်ဒီလော့ဖ်ပြော

မန်ယူအသင်းကနေ ပြောင်းရွှေ့ဖို့မရှိဘဲ ပွဲထွက်ခွင့်တနေရာရရှိဖို့အတွက် တိုက်ပွဲဝင်သွားမယ်လို့ နောက်ခံလူ လင်ဒီလော့ဖ်က ပြောပါတယ်။

ဆွီဒင်နောက်ခံလူဟာ ဗာရန်းရောက်ရှိလာပြီးနောက်ပိုင်း ပုံမှန်ပွဲထွက်ခွင့်ရဖို့ ရုန်းကန်ခဲ့ရပါတယ်။။ လာမယ့်ရာသီမှာ နည်းပြသစ်အဲရစ်တန်ဟတ် လက်ထက်မှာ ပုံမှန်နေရာပြန်ရဖို့အတွက်လည်း အာမခံချက်မရှိပေမဲ့ အသင်းပြောင်းရွှေ့မှာမဟုတ်ဘဲ ဆက်လက်တိုက်ပွဲဝင်သွာာဖြစ်ကြောင်း လင်ဒီလော့ဖ်ကပြောပါတယ်။

“ယူနိုက်တက်လိုအသင်းတိုင်းမှာက ပွဲထွက်ခွင့်ရမယ့် တနေရာအတွက် တိုက်ပွဲဝင်ရပါတယ်။ ကျနော်အမြဲတမ်းယုံကြည်မှုရှိတယ်။ ဆုဖလားတွေအတွက် ခြေစွမ်းပြသနိုင်ဖို့လိုပါတယ်”လို့ လင်ဒီလော့ဖ်ကပြောပါတယ်။

မန်ယူအသင်းဟာ ဟော်လန်ကလပ် နောက်ခံလူ မာတီနက်ဇ်ကိုလည်း အာဆင်နယ်အသင်းနဲ့ အပြိုင်ခေါ်ယူဖို့ စီစဉ်နေပါတယ်။

5 mins Ago

October 14, 2020

မန်ယူနိုက်တက်အသင်း ရလဒ်မကောင်းသေးသည့်အဖြစ်မှန်ကို မသိရှိဟု လင်ဒီလော့ဖ် ပြော

မန်ချက်စတာယူနိုက်တက်အသင်းဟာ အခုရာသီအစမှာ ရလဒ်မကောင်းသေးတာဟာ ဘာကြောင့်မှန်းမသိကြောင်း နောက်ခံလူ လင်ဒီလော့ဖ်က ပြောပါတယ်။ မန်ယူအသင်းဟာ ပရီးမီးယားလိဂ်ပွဲစဉ် ၃ ပွဲကစားအပြီးမှာ ၁ ပွဲနိုင်၊ ၂ ပွဲ ရှုံးနိမ့်ထားပြီး အဆင့် ၁၆ နေရာမှာ ရပ်တည်နေတာပါ။  ရာသီအစမှာ အကောင်းဆုံးပုံစံနဲ့ စတင်နိုင်ခြင်းမရှိကြောင်းနဲ့ အဲဒီလို ဘာကြောင့်ဖြစ်ရသလဲ ဆိုတာ မသိရှိကြောင်း လင်ဒီလော့ဖ်က ဆွီဒင်မီဒီယာတစ်ခုနဲ့ အင်တာဗျူးမှာ ပြောပါတယ်။ ပြီးခဲ့တဲ့ရာသီက ဥရောပပြိုင်ပွဲကို အချိန်ကြာမြင့်စွာ ကစားခဲ့ရတာကြောင့် အနားသိပ်မရခဲ့တဲ့ အခြေအနေကြောင့်လည်း ဖြစ်နိုင်ပြီး အဖြေရှာဖို့ ခက်ခဲတယ်လို့ လင်ဒီလော့ဖ်က ပြောပါတယ်။  ဆွီဒင်နောက်ခံလူ လင်ဒီလော့ဖ်ဟာ မန်ယူနိုက်တက်အသင်းဖော် ဘရူနိုဖာနန်ဒက်စ် ပါဝင်တဲ့ ပေါ်တူဂီအသင်းနဲ့ အောက်တိုဘာ ၁၅ ရက်မှာ ယှဉ်ပြိုင်ကစားသွားရမှာ ဖြစ်ပါတယ်။
2 years Ago
Up