အမေရိကန်ပြည်ထောင်စု၊ မက်ဆာချူးဆက်ပြည်နယ်ရှိ ဝီလ်စလေ အမျိုးသမီးကောလိပ်ကျောင်းမှာ လိင်ပြောင်းထားတဲ့ အမျိုးသားတွေကို လက်ခံဖို့ မတ်လ ၁၄ ရက်က လူထုဆန္ဒကောက်ခံပွဲ ပြုလုပ်ခဲ့ကြပြီး အတိုက်အခံတွေကတော့ ကျောင်းရဲ့တာဝန်ဟာ အမျိုးသမီးတွေကို ပညာပေးဖို့ ဖြစ်တယ်လို့ ဆိုပါတယ်။
ထောက်ခံသူတွေကတော့ အမျိုးသမီးကောလိပ်တွေဟာ ကျား မ ခွဲခြားဆက်ဆံခံရမှု ကြုံတွေ့နေရသူတွေအတွက် လုံခြုံတဲ့နေရာဖြစ်ပြီး နိုင်ငံအနှံ့ လိင်ပြောင်းထားတဲ့ အမျိုးသားတွေနဲ့ ပေါင်းစည်းမဟုတ်တဲ့ လျှောက်ထားသူတွေကို လက်ခံသင့်တယ်လို့ ဆိုပါတယ်။
ဆန္ဒခံယူပွဲ ဆန့်ကျင်သူတွေကတော့ လိင်ပြောင်းအမျိုးသားတွေနဲ့ ပေါင်းစည်းမဟုတ်တဲ့ ကျောင်းသားတွေကို လက်ခံရင် ဝီလ်စလေဟာ ထိရောက်တဲ့ ကျားမအတူ သင်ကြားတဲ့ကျောင်း ဖြစ်လာမယ်လို့ ပြောပါတယ်။
ဝီလ်စလေကောလိပ်ရဲ့ ဥက္ကဋ္ဌ ပေါ်လာဂျွန်ဆင်က အမျိုးသမီးတွေ ပညာတတ်မြောက်ဖို့ ဝီလ်စလေရဲ့ တည်ထောင်ခြင်းမစ်ရှင်ကို ပြန်လည်ပြုပြင်ရေးသားမယ်လို့ ပြောကြားခဲ့ပြီး မဲခွဲဆုံးဖြတ်ပြီးနောက် ပြောရေးဆိုခွင့်ရှိသူကတော့ “ကောလိပ်ဟာ လိင်ပြောင်းထားတဲ့ အမျိုးသားတွေနဲ့ ပေါင်းစည်းမဟုတ်တဲ့ ကျောင်းသားတွေ အပါအဝင် လျှောက်ထားသူ အားလုံးကို ချိတ်ဆက်ဆောင်ရွက်သွားမှာဖြစ်ပြီး လူတိုင်းပါဝင်နိုင်တဲ့ ပညာရပ်ဆိုင်ရာ အသိုင်းအဝိုင်းတခု တည်ဆောက်နိုင်ဖို့ အရေးကြီးတဲ့ လုပ်ငန်းတွေကိုလည်း ဆက်လက်ပါဝင် ဆောင်ရွက်သွားမယ်” လို့ ထုတ်ပြန်ထားပါတယ်။
ဝီလ်စလေကောလိပ်ဟာ “ကမ္ဘာကြီးမှာ ခြားနားမှုတခုကို ဖန်တီးပေးမယ့် အမျိုးသမီးတွေအတွက် နေရာတခု” လို့ ဂုဏ်ယူစွာ ကြေညာခဲ့ပြီး အမေရိကန်နိုင်ငံခြားရေးဝန်ကြီးဟောင်း ဟီလာရီကလင်တန်၊ မက်ဒလင်း အောလ်ဘရိုက်နဲ့ နိုရာ အက်ဖ်ရွန်တို့ အပါအဝင် ထင်ရှားကျော်ကြားတဲ့ ကျောင်းသားဟောင်းများစွာ ထွက်ပေါ်ခဲ့ပါတယ်။
Source - The New York Times
အခုလအစောပိုင်းက အင်ဒိုနီးရှားနိုင်ငံမှာ ဟန်းနီးမွန်းပွဲကျင်းပဖို့ အသွား လေဆိပ်မှာ ထိန်းသိမ်းခံခဲ့ရတဲ့ ပီရူးလိင်ပြောင်း အမျိုးသားတယောက် သေဆုံးခဲ့ရမှုနဲ့ ပတ်သက်ပြီး ပီရူးနိုင်ငံမှာရှိတဲ့ LGBT တက်ကြွလှုပ်ရှားသူတွေဟာ အစိုးရကဘယ်လို ကိုင်တွယ်ဖြေရှင်းခဲ့သလဲလို့ မေးခွန်းထုတ်ခဲ့ပါတယ်။
ဟားဗတ်တက္ကသိုလ်မှ ပီရူးဘွဲ့ရကျောင်းသား ရိုဒရီဂို ဗန်တိုဆီလာဟာ လိင်ပြောင်းအခွင့်အရေး လှုပ်ရှားသူလည်း ဖြစ်ပြီး သူဟာ ဆေးခြောက်လက်ဝယ်ထားရှိမှု စွပ်စွဲချက်နဲ့ ဖမ်းဆီးထိန်းသိမ်းခံရပြီး ရက်ပိုင်းအကြာမှာ ဘာလီကျွန်းမှာ ခန္ဓာကိုယ် ပျက်ယွင်းပြီး သေဆုံးခဲ့ရပါတယ်။
ဒီကိစ္စပီရူးနိုင်ငံခြားရေးဝန်ကြီးဌာနက အခုသီတင်းပတ်အတွင်း ကြေညာချက် ထုတ်ပြန်ခဲ့ရာမှာတော့ ဗန်တိုဆီလာရဲ့ မူးယစ်ဆေး လက်ဝယ်တွေ့ရှိမှုဟာ အင်ဒိုနီးရှားမှာ ကြီးလေးတဲ့ ရာဇ၀တ်မှု တစ်ခု ဖြစ်ပြီး လိင်ပြောင်းထားမှုဟာ သူအဖမ်းခံရတဲ့ အကြောင်းရင်းမဟုတ်ဘူးလို့ ဖော်ပြထားပါတယ်။
ဒါပေမဲ့ ဖမ်းဆီးခံရချိန်အတွင်း သေဆုံးခဲ့ရတာကိုတော့ အသိအမှတ် မပြုထားပါဘူး။ ဒီထုတ်ပြန်ချက်နဲ့ပတ်သက်ပြီး နိုင်ငံခြားရေးဝန်ကြီးဌာနက တောင်းပန်ပြီး စုံစမ်းစစ်ဆေးမှု စတင်ဖို့ သဘောတူခဲ့ကြောင်း ဗန်တိုဆီလာရဲ့ မိသားစုအတွက်ရှေ့နေ ဘရန်ဒါ အလ်ဗာရက်ဇ်က ဩဂုတ် ၂၆ ရက်မှာ သတင်းထောက်တွေကို ပြောကြားခဲ့ပါတယ်။
ဗန်တိုဆီလာရဲ့ ရုပ်အလောင်းဟာ မြို့တော်လီမာကို ဘယ်ရက်မှာ ရောက်ရှိမယ့် ရက်အတိအကျ မသိရသေးကြောင်း အလ်ဗာရက်ဇ်က ပြောပါတယ်။
အင်ဒိုနီးရှားရဲတပ်ဖွဲ့ကတော့ ဒီအမှုကို ပိတ်ထားကြောင်းနဲ့ ဗန်တိုဆီလာ သေဆုံးမှုမှာ အကြမ်းဖက်မှုတွေ ပါဝင်ပတ်သက်ခြင်း မရှိဘူးလို့ ရိုက်တာသတင်းဌာနကို ပြောကြားထားပါတယ်။
