သီရိလင်္ကာနိုင်ငံမှာ လောင်စာဆီ ဆိုးရွားစွာပြတ်လပ်မှုကို ကိုင်တွယ်ဖြေရှင်းဖို့ အာဏာပိုင်တွေရဲ့ အပူတပြင်း ကြိုးပမ်းမှုအနေနဲ့ ဇွန် ၂၈ ရက်မှာ မရှိမဖြစ်လိုအပ်တဲ့ ဝန်ဆောင်မှုတွေအတွက်ပဲ လောင်စာဆီ ထောက်ပံ့ပေးပြီး သိပ်မလိုအပ်တဲ့ ဝန်ဆောင်မှုတွေအတွက် မပေးတော့ဘဲ ရပ်တန့်လိုက်ပါတယ်။

သီရိလင်္ကာနိုင်ငံဟာ ဇွန် ၂၈ ရက်ကစတင်ပြီး ဇူလိုင် ၁၀ ရက်အထိ အစားအသောက်တွေ ပို့ဆောင်ပေးတဲ့ ရထားတွေနဲ့ ဘတ်စ်ကားတွေ၊ ဆေးဘက်ဆိုင်ရာ ဝန်ဆောင်မှုတွေနဲ့ ယာဉ်တွေကိုသာ လောင်စာဆီထုတ်ပေးမှာဖြစ်ကြောင်း အစိုးရအဖွဲ့ ပြောရေးဆိုခွင့်ရှိသူ ဗန္ဒုလဂူနီဝါဒီနာက ဇွန် ၂၆ ရက်မှာ သတင်းထောက်တွေကို ပြောကြားခဲ့ပါတယ်။

နိုင်ငံဟာ အဆိုးဆုံး စီးပွားရေးအကျပ်အတည်းနဲ့ ရင်ဆိုင်နေရတာကြောင့် စာသင်ကျောင်းတွေ အွန်လိုင်းပေါ်ရောက်လာပြီး စွမ်းအင်ချွေတာဖို့အတွက် အစိုးရဝန်ထမ်းတွေကို အိမ်ကနေ အလုပ်လုပ်ဖို့ ညွှန်ကြားထားပါတယ်။ ခရိုင်အချင်းချင်း လိုင်းကားဝန်ဆောင်မှုတွေကိုလည်း ကန့်သတ်ထားပါတယ်။

ရေနံထုတ်လုပ်တဲ့နိုင်ငံတွေက ကုမ္ပဏီတွေကို နိုင်ငံတွင်း စက်သုံးဆီ တင်သွင်းရောင်းချခွင့်ပြုပြီး စက်မှုလုပ်ငန်းအပေါ် ကုမ္ပဏီ ၂ ခုက အတူတကွပိုင်ဆိုင်တဲ့ duopoly စနစ်ကို အဆုံးသတ်မယ်လို့ နိုင်ငံရဲ့ လျှပ်စစ်နဲ့ စွမ်းအင်ဝန်ကြီးက ဇွန် ၂၈ ရက်မှာ ကြေညာခဲ့ပါတယ်။

အစိုးရဟာ နိုင်ငံတကာ ငွေကြေးရန်ပုံငွေအဖွဲ့ (IMF) နဲ့လည်း ကယ်ဆယ်ရေးကူညီငွေ ထောက်ပံ့ဖို့ ဆွေးနွေးနေပါတယ်။

သီရိလင်္ကာအစိုးရဟာ ထုတ်ပြန်ဖို့တွေ နှောင့်နှေးကြန့်ကြာနေတဲ့ ပထမသုံးလပတ် ပြည်တွင်းအသားတင်ထုတ်လုပ်မှုတန်ဖိုး (GDP) အချက်အလက်တွေကို  ဇွန် ၂၈ ရက် နှောင်းပိုင်းမှာ ထုတ်ပြန်မယ်လို့လည်း ပြောကြားထားပါတယ်။

ဟေတီနိုင်ငံက အကြမ်းဖက်ဂိုဏ်းတွေအပေါ် တင်းတင်းမာမာ ရပ်တည်မယ့် လူသတ်သမားတွေလို သဘောထား ဆက်ဆံမယ်လို့ ဟေတီ ဝန်ကြီးချုပ် အီရီရယ်ဟင်နရီက နိုဝင်ဘာ ၁၆ ရက်မှာ ကတိပြုလိုက်ပါတယ်။

ဟေတီမှာ သီတင်းပတ်ချီပြီး လောင်စာဆီ ပြတ်လပ်ခဲ့အပြီးမှာ ဓာတ်ဆီ ဖြန့်ဖြူးဖို့ ခွင့်ပြုနိုင်ရေး လောင်စာသိုလှောင်ကန်တွေကို ပိတ်ဆို့ထားတာကို ယာယီပြန်ဖွင့်ပေးမယ်လို့ ဟေတီဂိုဏ်း အုပ်စုတစုက ကြေညာခဲ့ပြီးနောက် ဝန်ကြီးချုပ်က ခုလို ပြောလိုက်တာ ဖြစ်ပါတယ်။

ဝန်ကြီးချုပ်ရာထူးက နုတ်ထွက်ပေးဖို့ ဖိအားပေးချင်တယ်လို့ ဂိုဏ်းခေါင်းဆောင် ဂျင်မီ ဘာဘီကျူး ချေရစ်ဇီယာက အရင်လမှာ ပြောပါတယ်။

ဝန်ကြီးချုပ်ကတော့ အစိုးရဟာ ရာဇဝတ်သားတွေနဲ့ ညှိနှိုင်းမှာ မဟုတ်ဘူးလို့ တုံ့ပြန် ပြောဆိုပါတယ်။

လောင်စာပြတ်လပ်မှုနဲ့ ပတ်သက်တဲ့ လုံခြုံရေးပြဿနာတွေကြောင့် ကနေဒါသံရုံးက မရှိမဖြစ်မဟုတ်တဲ့သူတွေကို ပြန်ခေါ်နေတယ်လို့ ကနေဒါအစိုးရက အရင်အပတ်မှာ ပြောပါတယ်။

အမေရိကန်ကတော့ သူ့နိုင်ငံသားတွေ ဟေတီနိုင်ငံထဲကနေ ထွက်ခွာကြဖို့ ဒီသီတင်းပတ်ထဲမှာ ပြောဆိုထားပါတယ်။

လောင်စာတင်ယာဉ်တွေ ဘေးကင်းတာ သေချာစေရေး အစိုးရက ရဲအစောင့်အရှောက်တွေ စီစဉ်ပေးခဲ့ပြီးပြီလို့ ဝန်ကြီးချုပ်က အရင်လက ပြောပါတယ်။