ကိုဗစ်-၁၉ ရောဂါပိုးကူးစက်မှု တဖန်ပြန်လည်မြင့်တက်လာနေပြီး ကူးစက်မှုအခြေအနေကို စစ်ကောင်စီရဲ့ ကျန်းမာရေးဝန်ကြီးဌာနက ထုတ်ပြန်ပေးနေပေမဲ့ နေပြည်တော်ဒေသခံအများစုက ကိုဗစ်ရောဂါထက်  သဘာဝဘေးကြုံရမှာကို  ပိုမိုစိုးရိမ်နေကြပါတယ်။

မြန်မာနိုင်ငံအတွင်း ကိုဗစ်-၁၉ ရောဂါကူးစက်မှုဟာ ပြီးခဲ့တဲ့ ဧပြီလကုန်ပိုင်း ကနေ ပြန်လည်မြင့်တက်လာခဲ့တာဖြစ်ပြီး အခုမေလ ပထမ ၁၀ ရက်အတွင်းမှာပင် ကူးစက်ခံရသူဦးရေ ၁၃၀၀ နီးပါးခန့်ရှိနေတယ်လို့ စစ်ကောင်စီရဲ့ ကျန်းမာရေးဝန်ကြီးဌာနက ထုတ်ပြန်ချက်တွေအရသိရပါတယ်။

မေလ ၄ ရက်နေ့ တစ်ရက်ထဲမှာပင် ကူးစက်ခံရသူ ၂၀၀ နီးပါးရှိတယ်လို့ ထုတ်ပြန်ခဲ့ပေမဲ့ နေပြည်တော်မှာတော့ ကိုဗစ်-၁၉ ရောဂါအတွက်  အကာအကွယ်ကြိုတင်ပြင်မှုတွေ တွေ့မြင်ရခြင်းမရှိပါဘူး။

ပုဗ္ဗသီရိမြို့နယ်နေသူတစ်ဦးက "တစ်နေ့ဘယ်လောက်ကူးစက်နေတယ်ဆိုတာ သတင်းတွေထဲမှာတော့ ပါနေတာပဲ။ ဒီမှာတော့ ဘယ်သူမှ အဲ့လောက်စိတ်မဝင်စားကြတော့ဘူး။ နေပြည်တော်က သိပ်မကူးခံရတာလည်း ပါမှာပေါ့။ အခုလောလောဆယ် ဦးတို့ကတော့ မုန်တိုင်းသတင်းပဲ စိတ်ဝင်စားနေတာ။ ကိုယ့်ဆီမှာ ဒီလောက်မဖြစ်လာနိုင်ပေမယ့် ဖြစ်လာခဲ့ရင် ဆိုပြီး တွေးပူနေကြတာပေါ့ " လို့ ပြောပါတယ်။

ကိုဗစ်-၁၉ ရောဂါနဲ့ ပတ်သက်လို့ နေပြည်တော်အဝင်ဂိတ်တချို့မှာ စစ်ဆေးမှုတွေရှိနေပေမယ့် ဒေသအတွင်းမှာတော့ စည်းကမ်းကန့်သတ်မှုတွေ မရှိသေးသလို လူစည်ကားရာ နေရာတွေနဲ့ ဈေးတွေမှာလည်း Mask တပ်သူနည်းပါးနေတာဖြစ်ပါတယ်။

နေပြည်တော်မှာ သဘာဝဘေးနဲ့ပတ်သက်ပြီး ပြီးခဲ့တဲ့ ဧပြီ ၂၁ ရက်U လယ်ဝေးမြို့နယ်အတွင်း လေပြင်းတိုက်ခတ်မှုကြောင့် ကျေးရွာနှစ်ရွာမှ အိမ်ခြေ ၂၀၀ ကျော်ပျက်ဆီးဆုံးရှုံးခံ့သလို လူအသေအပျောက်လည်း ရှိခဲ့ပါသေးတယ်။

တရုတ်နဲ့ တင်းမာမှုတွေ မြင့်တက်နေချိန် နှစ်နိုင်ငံကြား လုံခြုံရေးဆိုင်ရာ ပိုမိုနီးကပ်တဲ့ ဆက်ဆံရေးအတွက် ရှေ့ပြေး နိမိတ်အဖြစ် ရှုမြင်တဲ့ သဘာဝဘေးအန္တရာယ် ကယ်ဆယ်ရေးဆိုင်ရာ သဘောတူညီချက်ကို လက်မှတ်ရေးထိုးပွဲကို ဖေဖော်ဝါရီ ၉ ရက်မှာ ဂျပန်နဲ့ ဖိလစ်ပိုင် ခေါင်းဆောင်တွေက ကြိုဆိုခဲ့ကြပါတယ်။

ဖှာဒီနန် မားကို့စ် ဂျူနိယာက“ကျနော်တို့ရဲ့ တွေ့ဆုံမှုအပြီး ကျနော်တို့ရဲ့ မဟာဗျူဟာမြောက် မိတ်ဖက်ဆက်ဆံရေးဟာ အရင်ကထက် ပိုမိုခိုင်မာတယ်လို့ စိတ်ချယုံကြည်မှု ရှိရှိ ပြောနိုင်ပါတယ်”လို့ ဖိလစ်ပိုင်သမ္မတ ပြောခဲ့ပါတယ်။

အကိုးအကား စည်းကမ်းချက်တွေလို့ခေါ်တဲ့ အဲဒီ သဘောတူညီချက်ထဲမှာ သဘာဝ ဘေးအန္တရာယ် ကယ်ဆယ်ရေး လုပ်ငန်းတွေမှာ နှစ် နိုင်ငံတွေရဲ့ လက်နက်ကိုင် တပ်ဖွဲ့တွေ ဘယ်လို အတူတကွ လက်တွဲဆောင်ရွက်မလဲဆို ဖော်ပြထားပါတယ်။

ဇူလိုင်လမှာ မားကို့စ် သမ္မတ ရာထူးတာဝန်ယူပြီးတဲ့နောက် ပထမဆုံးအကြိမ်ဖြစ်တဲ့ မားကို့စ်ရဲ့ တိုကျိုမြို့တော်ဆီ တရားဝင်ခရီးစဉ်အတွင်း လက်မှတ်ရေးထိုး နိုင်ခဲ့တာဖြစ်ပြီး “နှစ်နိုင်ငံစလုံးရဲ့ ပူးတွဲလေ့ကျင့်ရေး လုပ်ငန်းစဉ်ကို အားကောင်းချော မွေ့စေဖို့ မူဘောင်တစ်ခုကိုလည်း စဉ်းစားနေပါတယ်”လို့ ဂျပန်ဝန်ကြီးချုပ် ဖူမီယို ခိရှိဒါ့က တိုကျိုမှာ ကျင်းပတဲ့ သတင်းစာ ရှင်းလင်းပွဲမှာ ပြောပါတယ်။

သူ့ရဲ့ဂျပန်ခရီးစဉ်ဟာ တခြားကိစ္စရပ်တွေထက်စာရင် ကာကွယ်ရေးနဲ့ လုံခြုံရေး ပူးပေါင်း ဆောင်ရွက်မှု ပိုမိုအားကောင်းစေဖို့ ရည်ရွယ်တယ်လို့ အရင်ကပြောခဲ့တဲ့ မားကို့စ်ဟာ ဖိလစ်ပိုင်မှာရှိတဲ့ စစ်အခြေစိုက်စခန်းတွေဆီ အမေရိကန်ပြည်ထောင်စုကို ပိုမိုဝင်ရောက်ခွင့်ပေးဖို့ လွန်ခဲ့တဲ့ သီတင်းပတ်က သဘောတူလက်မှတ်ရေးထိုးခဲ့ပါတယ်။